夫婦情感 今日: 1 | 主題: 42779

積分: 53

1^#

發表於 04-11-23 21:01 |只看該作者

對住自己個老公, 要當自己係"雞"??????

各位, 請容許我"發洩"一下, 我跟老公感情出現問題己兩年了, 因他三番四次有第三者, 無錢又要賭, 總之就是一個極不負責任的男人, 我終於忍無可忍, 於上年我提出離婚, 但他說不想離婚, 於是我跟他說要他返加拿大申請個女去讀書, (因他是加拿大藉的), 這是我暫不提離婚的唯一條件, 後來他答應我, 於上年十二月他到了加拿大申請個女, 下個月我會和個女一起到加拿大了.

可是我發覺我跟老公分開了一年, 我對他的感覺很淡, 我亦未能原諒他的"風流史", 但為了女兒可以離開香港填鴨式的教育制度, 我亦甘願放下香港的一切和她到加拿大讀書, 在分開的一年裏面, 我感到很開心, 因為他不在我身邊我沒有壓力, (眼不見為乾淨), 但現又要再次面對他, 我的感覺卻不再像以前, 上星期我竟發了一個夢, 我夢到他想"搞"我 (迫我跟他make love), 我很驚, 驚醒了, 我對朋友說了這件事, 朋友叫我不要給自己壓力.

我問了自己很多次...為什麼會驚自己個老公"搞"自己呢? 朋友說:因為你不再愛他了. 但我知道到了加拿大後初頭我一定要靠他, 因為人生路不熟又未找到工做, 最後我的朋友對我說了一句話: 你忍一下吧......只要他有錢給你, 你就當自己係"雞"啦, 到你找到工作可以自立門戶, 就係你"反"他的時候了. 我真的感到很無奈....... :cry:

私人傳訊

yuenwa

男爵府

積分: 5774

2^#

發表於 04-11-23 21:46 |只看該作者

Re: 對住自己個老公, 要當自己係"雞"??????

Your daughter might have better education in Canada, but she will definitely have a broken family in Canada. She will see their parents argue all the times, she will see her mother not being happy. Will she have good future living in this kind of family? That's up to you.

私人傳訊

Coco926

禁止訪問

積分: 3892

3^#

發表於 04-11-23 22:10 |只看該作者

Re: 對住自己個老公, 要當自己係"雞"??????

提示: 作者被禁止或刪除內容自動屏蔽

私人傳訊

積分: 53

4^#

發表於 04-11-23 22:21 |只看該作者

Re: 對住自己個老公, 要當自己係"雞"??????

Coco926 寫道:
簡單d講,你女兒已經冇左一個幸福架家庭,點解你仲要
呃自己呢?

無O左一個幸褔家庭不是我做成的, 我對這個家庭問心無愧, 我己不可給女兒一個完整的家, 是我想的嗎?? 可以唯一可做的是給一個好的環境給女兒讀書, 我呃自己什麼呢????

私人傳訊

smartlinus

複式洋房

積分: 409

5^#

發表於 04-11-23 22:28 |只看該作者

Re: 對住自己個老公, 要當自己係"雞"??????

我覺得你好偉大呀!因為女兒的前途,所以忍受一段已經變質的愛情.或者好多媽咪會唔同意我嘅講法.不過,假如可以係加拿大從新開始,未嘗不是好事,既然你老公願意跟你們到加拿大生活,或許他心裡還是在乎你的.請你放開懷抱!在新的環境全新開始,或許會有好的轉變.我相信感情有起有落,只要不易放棄,總有晴朗的一天.

私人傳訊

積分: 53

6^#

發表於 04-11-23 23:13 |只看該作者

Re: 對住自己個老公, 要當自己係"雞"??????

smartlinus:

很多謝你支持及鼓勵, 說真的....我真的是只為了女兒, 並沒有想得太多自己, 我不知道這樣做是對是錯, 但也總算為女兒盡了點力, 我很愛我的女兒, 她是我的唯一精神支柱, 女兒只得七歲, 但很懂事, 很生性, 女兒前排寫了一封信給我, 說道: 媽媽不要不開心, 有什麼困難我們一起面對, 我很愛你. 就憑這封信, 為她付出一切也甘心吧.

私人傳訊

Perria

大宅

積分: 1272

7^#

發表於 04-11-24 00:13 |只看該作者

Re: 對住自己個老公, 要當自己係"雞"??????

ROSANNA
說真的我都覺得你好偉大...跟一個冇感情的人一齊係件好痛苦的事，而且你都唔知仲要到幾時先可以甩身...可以話無了期...為了女兒真的什麼都比不上!!!
希望你日後與女兒生活愉快!!! :wink:

私人傳訊

KenHim

伯爵府

積分: 19583

8^#

發表於 04-11-24 00:14 |只看該作者

Re: 對住自己個老公, 要當自己係"雞"??????

ROSANNA,
如果我係你，我既諗法係同你一樣，為

私人傳訊

可可2003

積分: 547

9^#

發表於 04-11-24 10:45 |只看該作者

Re: 對住自己個老公, 要當自己係"雞"??????

ROSANNA
我都覺得你好偉大, 自從做左人阿媽之後我先知原來阿媽係可以為左個女付出好多.

與其你自己驚, 不如你開心見誠同你老公講, 你地之間o既感情需要慢慢再培養, 如果佢唔尊重你o既, 你同個女就會離開. 睇下佢有冇誠意囉!

雖然物質對小朋友係重要, 但更重要o既係精神. 如果你迫自己同老公好, 但私下又唔開心, 你個女會知架, 佢見到你日日都唔開心, 佢一樣都會唔開心, 心理狀態唔好, 你俾間皇宮佢住都冇用啦!

保重

枯藤老樹昏鴉, 小橋流水人家, 夕陽西下, 斷腸人在天涯.

私人傳訊

Lavenda

等待驗證會員

積分: 187

10^#

發表於 04-11-24 11:13 |只看該作者

Re: 對住自己個老公, 要當自己係"雞"??????

你個女好生性呀, 我睇左封信都好感動.

我覺得你講得岩, 破壞家庭幸福果個唔係你,
令個女有個破碎家庭既亦唔係你,
我唔明點解你反而會受怪責.

因為你老公咁唔負責任, 無論係香港或加拿大,
你個家都注定唔會快樂,
與其係香港要個女受d不知所謂既教育制度,
倒不如讓佢有機會出國.

其實講真, 你大可以走左去咩都唔理,
咁辛苦忍個咁既男人都係為左個女.

你朋友我諗係半講笑姐, 我唔知你老公為乜唔肯離婚,
不過如果佢冇再出去搞, 都試下同佢從頭黎過囉,
人會變既, 有d野好難講,
希望你係加拿大有個好開始.

私人傳訊

smartlinus

複式洋房

積分: 409

11^#

發表於 04-11-24 12:01 |只看該作者

Re: 對住自己個老公, 要當自己係"雞"??????

雖然我算不上是你的朋友.不過,我是真心的祝福你.千萬不要執著過去,我相信你跟老公的感情一定可以重新開始.你們的愛會因不同的經歷而變得更真實更鞏固.我們都是平凡人,在生命中總會遇到不同的考驗,或許傷害了一些愛我們的人,但是我們仍有寬宏的心,不只要承認自己有過失,更要接受包容他人的錯失.你們是因相愛而結合,亦因愛而擁有寶貴的女兒,同樣可以用愛去面對一切困難.請你相信我!緊記當初的誓言,因為這樣你才有力氣面對困難.忘記傷痛的過去,因為那只會阻礙你得到幸福的將來.期待很快可聽到你的佳音,在彼岸生活愉快,一家溫馨快樂!

私人傳訊

MaMa^-^Ada

子爵府

積分: 12555

12^#

發表於 04-11-24 12:05 |只看該作者

Re: 對住自己個老公, 要當自己係"雞"??????

諗開D，但又唔好當自己係'雞'，你當俾鬼'扎'囉。

[size=small]My little baby Vivian ！

私人傳訊

vickym

男爵府

積分: 8096

13^#

發表於 04-11-24 12:27 |只看該作者

Re: 對住自己個老公, 要當自己係"雞"??????

rosanna,
我都好佩服你有咁既勇氣放棄自己一切為個女女. 不過講真,去到canada. 係咪一定要同老公有sex關係先得? 我覺得你要同你老公約法3章先lor.

你去canada係為個女著想. 其他野可以慢慢再培養, 睇怕你到時都要適應新環境/為個女張羅學校之類既事.都有排煩...

你老公之前有前科, 你心灰亦到理解到. 咪同佢講清楚你同佢就算係canada都係一個觀察期, 你到時再同唔同佢一齊就下回分解, 將個心機放係個女度先啦. 2個人既感情關唔係1時3刻會攪得掂. 你咪慢慢睇你老公到時會點先啦....最緊要你唔想有sex咪同佢講清楚啦!唔好委屈自己!

不過睇你篇文章話你朋友講個番說話睇到我眼都突埋...咩當自己係雞, 到時有能力就反佢之類...就算你老公真係咁差作為你朋友幫你係無可厚非..但呢d說話咁都講得到出口....我真係第1次聽到lor! (唔好怪我好似話你朋友)

私人傳訊

毛毛虫

積分: 710

14^#

發表於 04-11-24 12:54 |只看該作者

Re: 對住自己個老公, 要當自己係"雞"??????

ROSANNA

我同樣都好佩服你既做法, 但我個人認為如果你同老公生活唔開心, 而家只係為左個女既將來起一齊, 第時你個女大左都會為左呢件事而耐久.如果你真係選擇離婚你老公會比"膳養費"架.再講個女佢都有份如果佢係愛個女既, 讀書錢銀方面, 佢都應該負責, 至於你自己咪出去搵份PART TIME做囉.
我既建議唔知對你來講實唔實際, 希望比到一D頭緒你.

私人傳訊

毛毛虫

積分: 710

15^#

發表於 04-11-24 12:59 |只看該作者

Re: 對住自己個老公, 要當自己係"雞"??????

ROSANNA

仲有呀, 你個朋友叫係擋自己係"雞"?? ?-(
有冇搞錯呀, 佢係唔係真係你既朋友黎架??朋友唔係咁講野架?? :evil: :evil:

私人傳訊

vickym

男爵府

積分: 8096

16^#

發表於 04-11-24 14:53 |只看該作者

Re: 對住自己個老公, 要當自己係"雞"??????

[size=large]咪係~~~ 我最眼突就係佢朋友咁講.先導致rosanna你咁post topic! 簡直嚇死人

你個咩"朋友"黎架?! :evil: 咁樣話你都得..

私人傳訊

積分: 53

17^#

發表於 04-11-24 18:46 |只看該作者

Re: 對住自己個老公, 要當自己係"雞"??????

真心的多謝大家的支持, 請容許我說多幾聲多謝, 你們的意見我一定會好好分析及記於心上, 到了加拿大後希望都可以和你們盡訴心中情. 相信做人媽媽的更能明白我的心情!

謝謝你們的祝福! (很感動) :cry:

私人傳訊

匿名小天使

複式洋房

積分: 317

18^#

發表於 04-11-24 22:50 |只看該作者

Re: 對住自己個老公, 要當自己係"雞"??????

好佩服妳為左囡囡甘願犧牲自己去面對一個陌生環境同面對一個唔願面對o既人..

但係點解要當自己係雞？就算到時一齊住都唔代表要一齊訓，更唔代表要行房，而且佢都知依家過去都係為個女，若係感情可以修補都係循步漸進，唔需要想得太多，祇要到時同佢講清講楚，唔到佢夾硬來，到有朝一日妳覺得有需要行埋的時候，雙方可能已經有轉機.....如果最後真係死心的話，相信妳囡囡亦會明白妳的處境.....

就算講到自己真係真係有需要......都應該當佢係鴨都冇可能當自己係雞...... :-|

匿名家族成員

私人傳訊

毛毛虫

積分: 710

19^#

發表於 04-11-25 09:54 |只看該作者

Re: 對住自己個老公, 要當自己係"雞"??????

ROSANNA

大家都算一場朋友, 祝你同個女幸福快樂 :mrgreen:

私人傳訊

muimuidog