吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 你地點睇呀!

夫婦情感今日: 1|主題: 42776

收藏本版

發帖

返回列表

跳至頁

查看: 3472 | 回覆: 22

你地點睇呀! [複製鏈接]

無花果

複式洋房

積分: 290

1^#

發表於 04-9-18 00:30 |只看該作者

你地點睇呀!

各位 :

容許我在尼度說說我的故事，及給我意見好嗎!

我認識他在89年10月，是經朋友的單車活動認識的，兩個月後我地正式拍拖。在他未識我之前，他有一個豆芽夢的女朋友。但他說已沒有和她聯絡了，更不太清楚算不算是和她拍過拖。當時的我，我當然不會追究他的過去。
我地拍拖的兩年內，青春男女，當然會有吵架，但都會和好的。兩年後，我有左bb，順利地便結婚，同一般的年輕夫婦一樣住在奶奶家，婆媳之間當然生活得未如理想。但我地仍然有開心的生活，一起玩私家車，出街享受家庭樂。
有時他除了工作，都會將一部分時間去左整車等等。我在家，當然不開心，可能就這樣做成對他的約束。

直至他在4年前，亦是做了巴士司機一年多，因為雖要唔定時的工作時間，有日，他說遇見了那豆芽夢的女友。並結了婚兩年。當時我都沒有什麼亂想的。只聽完便算。

日子久了，每每都聽到她的事情，我開始產生懷疑，他不認，說我唔信他。時時都比我check到他和她的電話打出打入的記錄。我地嘈了兩個月，終於他認了，當時我平心地對他說 : 你有信心去同一個陌生人開始嗎?最終他回頭，還認自己衰主動找人在先。並應承以後不找她，並轉了手機number。

自始我對他開始好敏感了。更好景不常，他在幾個月後，我傷口未好，又令同事的女友產生誤會。在她和他交往的好早期，我都對她有懷疑的。在這期間，他玩電單車發生意外，因此又令她可以用老婆的身份比我更早的打去公司代他請假。我知我失敗在當日沒有去探他，而令她可以當晚在他床前過了一晚。因當時我接到他弟弟由醫院打來的電話，並說他沒大礙，所以當時我和他家人在家中正是鬼節做節，不想令他們擔心，所以我等他們大家族的家人走了，才對奶奶說。可是到事後他說 :人地喜歡他都冇計!

幾個月後，我地買左的居屋終於入伙了。地點是遠了一些，所以我每天接返學放學，返工，買菜，煮飯，睇功課。都感到吃力。又不感覺到得到他的關心。再回想起他以往的傷我心。可能這樣磨擦多了。

入伙的初期，他堅持要買小動物，我不想，最後都屈服了，到現在由我全權負責。他這樣的人，女兒的生活及功課，更是我的責任之一。

年多之後，我家裝了一部電腦，開始受他的同事影響，教他玩電腦了。同朋友或陌生女仔聊天、睇雞綱(還選擇看近他返工的妓女資料)。

後來又發生一次電單車車禍，當日是他同同事在平日的假期去出車時發生的。當晚我在同朋友吃晚飯，接到他同事來電，又說他沒大礙，再加上我覺得他太好玩了，又出事，又怕唔知有冇d女仔又認老婆同他請假，又同他一起在醫院過一晚。所以明早才去，原來今次比上次更嚴重。不過這次都是令他記在心的。

他平時幾時返工，幾時放工，幾時放假我都不知道。更對我說 : 大家放假的時間不一樣，我知尼做乜?

我從他朋友的朋友得知，他打算再買回剛炒壞整好，又被偷去的高級電單車。早幾個月前還說每月還錢給我(因他欠我錢的)，又不了了之。又欠銀行很多數。現在還想買車。所以我只是問了一句說 : 你是不是買電單車呀?，他回敬我說 : 買又點，唔買又點。我心很不高興在想，我只是平心地問一句，怎可這樣說啊!他說覺得我在質問他呢!

並在半年前，給我發覺那豆芽夢的女朋友打給他，是他轉了手機number，而那女子因為這樣而轉了手機，後來他記得她家中電話號碼，所以便打去她家中告訴新手機number。

以上種種，我感到不安。更加上早幾個月，我爸整傷腳，我媽陪他出入醫院。我在想，如果我和他都老了。他那麼好動外向。不知他會否照顧我。如果他比我健康更早出問題，我不甘心現在他對我不關心，又要我照顧他的老年。

有見及此，我已經怕同他吵，只send email給他，他可以睇完reply我說不知我寫乜。我覺得你不reply的話，我個心都舒服些。他這樣reply，我自己好似受到人家的不禮貌對待。

思想戰爭了好耐，終於古起勇氣說他走了。但有時個心情….我估很多婚姻問題的媽媽都存在的是……一時想分開……一時又心軟。在我心軟的一刻，我打了電話給他，說想大家好好的對待問題，比個機會大家。他又傷我多一次說 :『 d你老尾，你係度玩野呀!』，我很怒，但我只說: 『你不要說粗口好嗎!』，他還說我是垃圾。所以我很生氣並叫他當晚收拾行李搬走。

現在的心情是…有時想分….有時想合….又要想想孩子…又要想想間屋….又要想想小動物。

很心煩啊!

私人傳訊

tsznok

侯爵府

積分: 21494

好媽媽勳章

2^#

發表於 04-9-18 01:45 |只看該作者

Re: 你地點睇呀!

事實上,你老公已經唔再尊重你。
不過,寧教人打仔,莫教人分妻...一切都要你自己決定!

§ 為左食得好又健康啲，靚太橫行廚房中… §

私人傳訊

monchan

男爵府

積分: 7751

畀面勳章

3^#

發表於 04-9-18 07:25 |只看該作者

Re: 你地點睇呀!

嘩~佢一次又一次咁hurt你.....你都可以接受倒咩

我覺得佢係一個唔尊重你兼不忠嘅丈夫 :evil: 我相信你都比咗好多次機會佢ga...你而家應該plan定自己以後行嘅路

勉強喺埋一齊....對大家都無好處,仲有~一個咁嘅人....到時老咗,需要你照顧時....你會甘心照顧佢嗎 :evil:
為自己同仔女.....好好打算吓啦

私人傳訊

貓BB

男爵府

積分: 7665

4^#

發表於 04-9-18 07:48 |只看該作者

Re: 你地點睇呀!

首先我冇資格話你既婚姻,因為我都係一個大輸家..失敗者..
但個佬如果做到咁,你在留戀既係咩呢?因為小孩?愛情?小動物?
如果小孩..你們這樣下去..對小孩也是不健康的...
愛情..難道邋有愛情可說嗎?連開口都以變為錯事,平常的問侯都變作車此...
為生活?看你所說他還欠你的錢啊,哪麼他是沒給你家用吧..你是不用依靠他的...
小動物...你可以養亦可揀唔養,有沒有他這個都是沒關系的..

我覺得如果做夫婦要咁辛苦,何必呢?如果你以努力過,常試過去改變,他沒有令情,哪....你再努力都只是徒然...我可說你知道...我媽媽就是等到我媽媽20年,到離婚的一刻,都不明白,她足足花了20年的努力啊,最後崩潰會..我帶出我媽媽,只係不想有人像她的,我爸媽離婚以有10年..但媽媽亦為這不能開懷....
她不是為失去這男人,而係白白浪費了20年!你再等下去都只是.......
當然我唔排除有回頭的一天,又可能事情不是你說得這麼壞...只係你現在太嬲....以上重重..最清楚的..都只有你自己..

私人傳訊

晴

民房

積分: 64

5^#

發表於 04-9-19 02:53 |只看該作者

Re: 你地點睇呀!

無花果
其實你已經比左答案你自己

私人傳訊

sangmama

大宅

積分: 1349

6^#

發表於 04-9-19 04:02 |只看該作者

Re: 你地點睇呀!

無花果：
你的忍耐能力都好高，所以我知道你依然很愛他

女人就是這麼重視感情的動物，你老公一次又一次的hurt你，實在令人氣憤，太不懂得珍惜你了...感情就是這樣，付出幾多都不一定有應得的回報，還是放多些時間在子女身上比較實際，他們會feel到你的關懷和愛護的

私人傳訊

是是但但

水晶宮

積分: 63323

2025勳章蛇年勳章牛年勳章 2018復活節勳章

7^#

發表於 04-9-19 21:06 |只看該作者

Re: 你地點睇呀!

他竟然可以對你說:『 d你老尾，你係度玩野呀!』又說你是垃圾。這樣的男人,還值得留戀嗎?雖然寧教人打仔,莫教人分妻,但這樣的境況,也不是你想維持這段婚姻就能維持得到,一隻手掌拍唔響,無論鬧交並係復合,都要相方才成事。再過著這樣無止境的等待(等待他改變過來),只會令你同孩子活在不快樂中,或許,是時候做出一個明智的選擇吧∼
祝你早日與痛苦分離~!

Childhood is journey, not a race.

私人傳訊

Kiwizaki

等待驗證會員

積分: 1323

8^#

發表於 04-11-28 01:23 |只看該作者

Re: 你地點睇呀!

妳正視二人關係,正正經經同佢討論,佢既回應係:"d你老尾"

我諗,妳都可以死心啦.
咁既爸爸,有不如無.

bk閒人

私人傳訊

csc_y

複式洋房

積分: 280

9^#

發表於 04-11-28 01:46 |只看該作者

Re: 你地點睇呀!

嘩,唔使講埋粗口呀,想傾下o傘!!!

其實你自己都好清楚佢仲愛唔愛你啦,你而家係唔捨得放棄咁多年來嘅一切,並唔係你老公,但長始以往落去,佢都係唔會理你架啦,咁點解唔為自己打算下呢,而家做女人都可以好獨立唔好靠人,有小朋友都可以攪掂,而且冇左佢仲好,唔使成日借錢比佢,借左比佢仲更加唔使只意有得還!所以算啦,為自己着想,將來對bb都會好d,因為生活都正面d啦!

私人傳訊

小manman

翡翠宮

積分: 86579

10^#

發表於 04-11-28 11:20 |只看該作者

Re: 你地點睇呀!

無花果:
你好似有好多矛盾咁,想分開但又挽救~~~
你首先要問下自己想分開的理由係邊度???想挽救的理由又係邊度???睇下自己講得出幾多個理由,邊樣的理由較多你就應該行邊條路~~~
你問下自己仲愛唔愛你老公先???佢有乜野值得你愛佢???如果你選擇繼續同佢係埋一齊,你會開心嗎???
其實,我睇完係呢篇留言之後,我就覺得你其實一早已經放棄左挽救呢段婚姻,從而比人乘虛而入,首先你老公第一次撞車,你比左一個藉口自己唔第一時間去探佢(當時我和他家人在家中正是鬼節做節);到第二次佢又撞車,你都唔係第一時間去探佢,又係比自己一個好好的藉口(我在同朋友吃晚飯,接到他同事來電，又說他沒大礙,又怕唔知有冇d女仔又認老婆同他請假),其實,我就覺得你一早已經唔愛你老公~~~
我覺得你地兩夫妻已經情盡,你同你老公根本兩個都無心挽救你地的婚姻,從你兩次都唔第一時間去探出事的老公,已經講唔通,掉轉如果出事個個係你,你老公同朋友食飯都唔第一時間探你,你會有何感受???相信呢度個個媽咪都唔會接受自己老公用呢個理由而唔探自己~~~
婚姻係兩方面既,你老公一定唔係一個好老公,因為佢已經唔在乎你的感受,但呢d野唔係一面倒既,你地咁多年黎一直都缺乏溝通,佢有佢自己生活,你有你照顧家庭,以至問題越積越大,依架先黎想解決問題,相信要一皈好長的時間,而且你老公似乎無心挽救你兩的婚姻~~~
有否想過分開對大家都好???

(以上只係個人意見,如有得罪,請見諒)

私人傳訊

小manman

翡翠宮

積分: 86579

11^#

發表於 04-11-28 11:20 |只看該作者

Re: 你地點睇呀!

無花果:
你好似有好多矛盾咁,想分開但又挽救~~~
你首先要問下自己想分開的理由係邊度???想挽救的理由又係邊度???睇下自己講得出幾多個理由,邊樣的理由較多你就應該行邊條路~~~
你問下自己仲愛唔愛你老公先???佢有乜野值得你愛佢???如果你選擇繼續同佢係埋一齊,你會開心嗎???
其實,我睇完係呢篇留言之後,我就覺得你其實一早已經放棄左挽救呢段婚姻,從而比人乘虛而入,首先你老公第一次撞車,你比左一個藉口自己唔第一時間去探佢(當時我和他家人在家中正是鬼節做節);到第二次佢又撞車,你都唔係第一時間去探佢,又係比自己一個好好的藉口(我在同朋友吃晚飯,接到他同事來電，又說他沒大礙,又怕唔知有冇d女仔又認老婆同他請假),其實,我就覺得你一早已經唔愛你老公~~~
我覺得你地兩夫妻已經情盡,你同你老公根本兩個都無心挽救你地的婚姻,從你兩次都唔第一時間去探出事的老公,已經講唔通,掉轉如果出事個個係你,你老公同朋友食飯都唔第一時間探你,你會有何感受???相信呢度個個媽咪都唔會接受自己老公用呢個理由而唔探自己~~~
婚姻係兩方面既,你老公一定唔係一個好老公,因為佢已經唔在乎你的感受,但呢d野唔係一面倒既,你地咁多年黎一直都缺乏溝通,佢有佢自己生活,你有你照顧家庭,以至問題越積越大,依架先黎想解決問題,相信要一段好長的時間,而且你老公似乎無心挽救你兩的婚姻~~~
有否想過分開對大家都好???

(以上只係個人意見,如有得罪,請見諒)

私人傳訊

K.K.NG

子爵府

積分: 10404

12^#

發表於 04-11-28 12:01 |只看該作者

Re: 你地點睇呀!

無花果:

我都經歷過你呢個階段，好想分開，但又心軟！

我覺得你而家要唸

神呀，請允許bb黎到我身旁！

私人傳訊

MaMa^-^Ada

子爵府

積分: 12555

13^#

發表於 04-11-28 15:31 |只看該作者

Re: 你地點睇呀!

無花果:
佢做咁多嘢，講咁多傷你心嘅說話，我覺得佢都係想你開口講離婚先啫，咁佢咪可明正言順去玩、去攪三攪四囉。
記得要三思而後行呀，忍到就忍、忍唔到先至行最後一步(離婚)。

[size=small]My little baby Vivian ！

私人傳訊

無花果

複式洋房

積分: 290

14^#

發表於 04-11-28 16:48 |只看該作者

Re: 你地點睇呀!

多謝各位媽媽的意見呀!

現在我同小朋友生活在一間屋都好平靜。至少，唔洗因為他在家而做多左家務，煮飯唔洗話唔知D人幾點返來又或唔知返唔返來食飯。
唔洗自己做晒或做緊家務時，見佢咁得閒睇TV及玩綱上對話及遊戲。

小manman :

我知我沒有第一時間去探他，自己都有唔arm，但尼兩次意外，都係佢同佢d friend去出車玩ga!我本人覺得佢都有對家庭唔負責先至仍玩電單車。而且在第一次意外(00年8月)之前，在00年1月至2月，他遇了他女友，在00年6-12月，又另他同事女友有愛意，那個同我生活了8年(當時)的男人還有用嗎?而且我一入門係有了bb才嫁他的，我最初嫁給他，我係比未有bb而嫁老公的女人付出更大。我唔係因為有小朋友，00年我已走人，什至唔洗買居屋住到至今。他一年兩鑊，第一鑊之後，又對我說以後唔會令我再成個人震晒。又話甘願比我CHECK佢WOR，咁又比個新手機號碼條臭x。第二鑊之後，又對我說以後唔再識女仔。
那麼，d什麼友緣人...icq...messenger，唔通唔會對我做成傷害嗎!我由始至終都沒有找個男人去傷害他。他一次又一次在行為上言語上傷害我。

佢第一次意外，當晚我在家代他打回公司請假，已有人自認"老婆"打回公司代他請假，第二天打去公司請假，得出來的結果都係一樣。當時接聽我電話的人唔知怎樣想呢?

而第二次意外，你知道他所駕駛的電單車形號嗎?係R1。都係D馬力比較勁的車來的。而且他沒有錢都要供尼架車。而且事前佢沒有對我說想買尼架車，我知道的時候，他是已買了放在停車場。咁請問，佢架尼架車同D朋友去玩出事，我係唔係要卜到佢探佢呢!而且我都怕我當晚去見他，唔知有D什麼女人係佢床邊，我當晚打回公司同佢請假，我都怕我係我老公個情人呀!

你可以再看看第一個POST呢!我係順序寫出來的，尼段婚姻的第一次最直接的傷害，係他做成的，所以很多往後的事，我的做法已很無奈了。佢都係個女GE老豆，係佢想對尼個家離心先，小動物買回家，都是他不理我意見才買回來，到最後都係我清潔及買糧回家給牠們，他感謝都沒有一句，只覺得你做得好咪你去做LOR!咁我再找其他的興趣去辨。
基本上，佢對個小朋友及小動物又負責多少呢!

以我個人睇法就係，如果在照顧小朋友及動物上不太懂，我都算喇!當你唔識去做姐!但如果一路對住一個曾經對家庭有離心的人，我自己所做的一切又為乜WOR!

回想他比我再CHECK到他和那豆芽女友有手機的紀錄時，他回敬我說 : [我同佢而家冇野咪得LOR!]我心諗，你地有冇野，你地自己先至知。但我唔想一路永遠存在他可能會因仍同那個豆芽女友有聯絡，而終有一日會在我冇防範的時候離家。

而且他仍有玩網上識朋友，我亦都唔想等他有一日玩出火，再傷害我。你知道嗎!我在未趕他走之前，個電腦有時會増加一些陌生女子的相，我個心好過嗎?

可能有好多他的朋友或家人，對我趕他走，認為我咁做好絕。
但我家人朋友沒有咁樣想呢!我朋友認為尼個人要都多餘。阻地。
我在趕他走之前，我對我的不滿用EMAIL告訴他，可是他只回應:[都唔知你UP乜。]他不回應我個心都好過D，佢咁樣回應我，我覺得他沒有尊重我。

趕他走尼次GE決定，我不是一時之氣的。