tsznok 寫道:
calcal,
咦...?乜咁岩呀,我都有個咁極品既奶奶&姑奶喎!!
我隻仔出世前,已經plan左俾番我呀媽湊,一來佢湊仔好掂,二來自己呀媽始終放心d,就算有咩唔岩唔著,講句說話都易d丫!由於當時我奶奶仲番緊工,所以佢冇得出聲...點知.....上個月有日同佢&姑奶飲茶時就出事喇!
奶奶對住呀b講:"麻麻出年三月就唔做野喇,麻麻湊番你下~!"
當時我老公唔o向樹,我就俾佢呢句野嚇到我窒一窒,but:
我:"我打算等呀b兩歲讀full day nursury先接佢番o黎住喎。"(我搵左間nursury係番朝8晚6,咁我可以自己接送番學放學再番工。)
(另外,我同老公住荃灣,奶奶住我地附近,我媽咪住馬鞍山;平日我都係weekend放假先帶個仔番屋企,weekdays就住o向婆婆度。)
奶奶聽我咁講,就用一個高八度既聲線,大大聲全酒樓既人都差唔多聽倒咁話:"下!!咩野nursury唧!兩歲番學??咪即係托兒所!!!有人幫你湊的話做乜要俾個仔番托兒所咁賤唧!"
姑奶加埋把口:"係囉,出年呀媽湊咪得囉!"
我心裡開始火火地,不過我都好平靜咁答佢:"唔係丫,我去睇過d細路玩得好開心,而家d細路咁難教,我想佢早d學下紀律,唔好留o向屋企俾d老人家種壞!再者而家婆婆湊得幾好丫,你都見佢咁好肉地,廢事將佢fing黎fing去啦..."
(呢句野擺明叫我奶奶收皮。)
跟住我奶奶輕聲重覆幾次,好似講俾自己聽咁:"邊個種佢唧,邊個種佢唧...."
番到屋企我即刻同老公報案,初時佢都會講下出年俾呀奶奶湊都幾好,可以晚晚對住個仔之類...但係我真係唔會將個仔交俾一個完全冇湊仔經驗既人,之後我都係一口拒絕,仲叫佢好好教育下奶奶,要令佢死左條心!!!
我覺得,呢個問題你唔使太避忌,可以坦坦白白同男家d人講個b會俾邊個湊!越早明確地俾佢地知道,日後就越少麻煩!薑呢樣野,真係唔使恨~!果時我三月生仔,我奶奶都係o向我老公既"威迫"下先o向二月整薑(正常係人係鬼都知道年尾要買定開始整,咁煲薑先會靚!當時我老媽子一早整定左一煲留俾我補身,我奶奶就一心打算拎我呀媽果d黎派俾人,所以一直都唔整,我睇穿左佢d野後就同老公講:"我呀媽整俾我o黎補身既,你唔好諗住拎黎派,如果你男家要派薑,就叫你媽咪好快d手攪,到時邊個對我煲薑打主意,我就會開口丙佢。"
唉,總之一句,要明確自己立場,個bb係你生既,最終話事人都係我地做媽咪既,知冇?!
發表於 
返回列表
