吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 想做全職媽媽...衷心希望您們可給與意見! ...

心聲留言今日: 0|主題: 17563

收藏本版

發帖

返回列表

跳至頁

查看: 1648 | 回覆: 17

想做全職媽媽...衷心希望您們可給與意見! [複製鏈接]

Mrs.Fong

別墅

積分: 841

1^#

發表於 04-11-24 23:31 |只看該作者

想做全職媽媽...衷心希望您們可給與意見!

衷心希望各位能比d意見我, 無論係鬧我又好, 支持我又好, 都希望聽聽各位姊妹的意見….
我係一個中學教師, 已教了幾年, 年年都好開心, 好投入, 但今年就好痛苦, 亦好辛苦…不因有幾個, 今年所教的學生真的很可怕, 所謂好班, 程度還是很低, 最慘是大部分有操行問題, 我每天進入課室前都擔心不知又何”挑戰”. 心理壓力很大…教學以外的工作十分多, 以致欠缺時間備課及改簿, 因此上課前總沒有信心, 很多時星期六日, 還是要回校….除了工作外, 晚上還要讀書, 又要present, 又要交功課, 真的十分忙碌. 很多時晚上上課時也是”烏烏下”….剛剛的十月我小產了, 原因不明, 手術後回校已有個多月, 我的聲線一直沙啞, 有幾天甚至失聲了, 坦白說, 有時面對失控的秩序, 我真的無法不大聲控制, 很痛苦….

說說我的家庭背景吧. 我有一個3歲正在上k1的囝囝, 十分十分可愛, 亦十分十分黏我, 我很想很想每天也能夠送他上學放學, 去公園, 教他做功課…我想他很需要我, 我亦很需要他…我上班的時候, 囝囝主要由媽媽照顧, 另外有一個工人, 但她們在白天同時要照顧我姊姊的一子一女(7及5歲), 不知是否我媽媽正值更年期, 她常常發脾氣, 我覺得這樣其實對小朋友會有壞影響的, 但其他方面, 其實我媽媽還是照顧得三個小朋友挺好的…

我很想立刻(11月底)辭職, 做一個全職媽媽, 但很多顧慮…
(1) 雖然大部分學生也是挺頑劣的, 但仍有一部分幾乖, 加上看著他們多年, 看著他們長大, 如果離開, 也會捨不得, 亦怕學期中離開對他們會有壞影響.
(2) 工作了快10年, 從未做過全職家庭主婦, 我擔心自己不適應, 亦應付不來, 到時老公就是老細, 當然不如自己搵錢, 中意買什麼就買什麼咁爽.

為何我想辭職呢, 因為…
(1) 我真的很想很想多些見我囝囝, 我想, 現在他需要我時, 我不陪著他, 難道等他將來要拍拖時才要日日見他嗎? 今年9月1 日, 他一生人第一次上學, 亦是我開學的日子, 我不能親身跟他一同渡過, 我已覺得是一生人其中一個最大的遺憾, 我更因此喊過….我實在太想多些分享他生命中的驚喜了…
(2) 工作實在很辛苦, 亦令生活得我很不開心, 有時甚至用罵學生的方式去罵姊姊的子女, 但我的學生是十多歲的中學生, 我姊姊的子女只有幾歲大, 有時自己也覺過分.
(3) 上次小產, 我也有懷疑是否因為自己太勞累及罵學生太兇, 我仍很想有bb的, 在這身心狀況, 會否幾渺茫呢?

各位, 可否給我一些意見呢? 衷心期待你們的意見.

私人傳訊

wing1206

伯爵府

積分: 17384

2^#

發表於 04-11-24 23:57 |只看該作者

Re: 想做全職媽媽...衷心希望您們可給與意見!

Mrs.Fong
做人最緊要係開心,你覺得邊到比到開心你,你就去邊到,人生在世不知幾時係盡頭,所以你要好好珍惜,d學生無咗你還有更多的老師,但你的囝得你一個媽咪,無人能代替,如果經濟許可不妨考慮下,做一些可以令自己開心的事情. 笑下啦

http://hk.myblog.yahoo.com/handmadeson

私人傳訊

Sanriocafe

複式洋房

積分: 209

3^#

發表於 04-11-25 00:57 |只看該作者

Re: 想做全職媽媽...衷心希望您們可給與意見!

Mrs.Fong

最重要的你已寫了出來, 還下不定主意嗎 ???

{{{我真的很想很想多些見我囝囝, 我想, 現在他需要我時, 我不陪著他, 難道等他將來要拍拖時才要日日見他嗎? 今年9月1 日, 他一生人第一次上學, 亦是我開學的日子, 我不能親身跟他一同渡過, 我已覺得是一生人其中一個最大的遺憾, 我更因此喊過….我實在太想多些分享他生命中的驚喜了…}}}

你一生人其中一個最大的遺憾已發生了,,為何還要等待下一次的遺憾??
如果經濟環境許可, 就當一個全職mama 吧 !
雖然, 可能會有些壞影響對學生, 不過你說(工作實在很辛苦, 亦令生活得我很不開心) ,這樣免强下去亦會對自己和學生也有壞影響的.
你又說想再生bb,又真的很想很想多些見囝囝, 那麽<老公就是老細, 當然不如自己搵錢, 中意買什麼就買什麼咁爽.>
就不再重要是嗎?
希望能幫助到你啦~~
我已覺得是一生人其中一個最大的遺憾, 我更因此喊過

私人傳訊

小肥佬

別墅

積分: 976

4^#

發表於 04-11-25 03:27 |只看該作者

Re: 想做全職媽媽...衷心希望您們可給與意見!

既然你都覺得係唔開心,點解仲要自己選擇一條自己唔鍾意既路.如果自已經濟許可,就做一個全職媽媽吧..不要再比自己一個藉口, 成為另一次的遺憾..有好多嘢,係用錢都買唔返,就係時間..

私人傳訊

vic-wing

男爵府

積分: 6949

5^#

發表於 04-11-25 04:34 |只看該作者

Re: 想做全職媽媽...衷心希望您們可給與意見!

小朋友既成長其實好需要媽咪係身邊,既然你真係好想多d見個仔,而經濟許可,咁就辭職做個全職媽咪囉,因為你已對呢份工作生厭,壓力又大,無謂搞到自己身體唔好丫,小產呢件事可能因為工作壓力和辛苦,保重身體啦,小朋友好需要你照顧架！而且你媽咪年紀都唔細啦,要照顧幾個小朋友都幾費神架,唔怪得佢會勞氣,你咪當幫佢分擔返自己既責任囉

私人傳訊

BabyFung

洋房

積分: 58

6^#

發表於 04-11-25 11:04 |只看該作者

Re: 想做全職媽媽...衷心希望您們可給與意見!

好簡單, 經濟許可便做個全職媽媽. 我想這裡有很多在職媽媽(包括我)都是因為經濟問題而不能做. 你有條件為何想太多. 再說, 現在放棄工作, 將來也可以找到, 但BB的成長就只有一次. 回想我們自己, 不是年紀越大便越遠離父母嗎? 當然全職媽媽不易做, 但為了家人當然值得的.

私人傳訊

2jmama

珍珠宮

積分: 31686

好媽媽勳章畀面勳章

7^#

發表於 04-11-25 11:09 |只看該作者

Re: 想做全職媽媽...衷心希望您們可給與意見!

完全同意........

BabyFung 寫道:
好簡單, 經濟許可便做個全職媽媽. 我想這裡有很多在職媽媽(包括我)都是因為經濟問題而不能做. 你有條件為何想太多. 再說, 現在放棄工作, 將來也可以找到, 但BB的成長就只有一次. 回想我們自己, 不是年紀越大便越遠離父母嗎? 當然全職媽媽不易做, 但為了家人當然值得的.

私人傳訊

502

男爵府

積分: 5544

8^#

發表於 04-11-25 11:41 |只看該作者

Re: 想做全職媽媽...衷心希望您們可給與意見!

我自己也是生了第二個BB後做FT媽咪. 決定生細仔之前, 大仔有點情緒上的問題, 可能是我的工作太忙經常不在香港吧!
當時工作上也有不如意的地方, 綜合起來, 終於決定生完仔辭工算數!

現在回頭一看, 是否當時以做FT媽咪逃避工作上的困難呢? 有時兩個孩子不聽話或同老公吵嘴時, 都有點後悔放棄了自己的職業. 不過當他們聽話時, 其中的喜悅又實在是不能跟金錢比較.

所以最重要是你們兩公婆有共識, 不論在金錢或孩子的管教上均如此. 對我來說, 少了一份收入後, 物資方面便要收手啦!

:-D :-D :-D :-D

私人傳訊

小草

王國長老

積分: 57004

15週年勳章親子王國15週年勳章王國長老 BK猜猜猜慶中秋好媽媽勳章醒目開學勳章畀面勳章大廚勳章

9^#

發表於 04-11-25 11:46 |只看該作者

Re: 想做全職媽媽...衷心希望您們可給與意見!

你已經很清楚怎樣做自己才會快樂，還用想嗎?

這是你寫的~
我很想立刻(11月底)辭職......
工作實在很辛苦, 亦令生活得我很不開心......
(你懷著不開心的心情教學，還可以做得好嗎?)
我真的很想很想多些見我囝囝......

跟老公商量一下吧，看怎樣安排之後的生活，互相得到支持，事情就容易解決

私人傳訊

kako

複式洋房

積分: 398

10^#

發表於 04-11-25 12:37 |只看該作者

Re: 想做全職媽媽...衷心希望您們可給與意見!

Mrs.Fong，
最困難就是做決定的時候。不如玩一個遊戲先啦？妳把現時所有顧慮或問題list out出來，然後把次要的刪去，看看最後的結果吧！ :wink: 妳自己先放鬆，做的決定才最好。

私人傳訊

ac321

侯爵府

積分: 24705

好媽媽勳章

11^#

發表於 04-11-25 12:43 |只看該作者

Re: 想做全職媽媽...衷心希望您們可給與意見!

Mrs. Fong,
妳的顧慮:
1. 怕學期中離開對他們會有壞影響
其實只要不是今年的會考班便不成問題！讀書90%是在於學生(自學，自讀，自問)，而老師大不了也只能幫上10%，(band 1 的學生，即使被band 3的老師教，也會獲得band 1 的成績，相反，band 3 的學生，即使被band 1 的老師教，也不會獲得band 1 的成績的！) 再者，新來的老師也不一定會比你差？！(不要介意)
2. 這就要視乎妳與丈夫之們間的關係如何！

私人傳訊

東京mewmew

大宅

積分: 2072

12^#

發表於 04-11-25 13:42 |只看該作者

Re: 想做全職媽媽...衷心希望您們可給與意見!

Dear Mrs. FONG,

你還顧慮甚麼? 如果不是經濟問題, 我早就已經做了全職媽媽了, 不過, 我同我老公約定, 當我工作多兩年後, 我都會做全職媽媽。

所以, 如果你而家就已經well prepared, 而你老公又贊成的話, 點解唔即刻做呢?

我地bk D媽咪會支持你架

私人傳訊

KITTYMAMA

伯爵府

積分: 18057

好媽媽勳章

13^#

發表於 04-11-25 14:16 |只看該作者

Re: 想做全職媽媽...衷心希望您們可給與意見!

Mrs.Fong

辭職吧! 當個全職媽媽, 遂遂自己既心願. 當你還有條件和能力做自己喜歡的事情時, 不要猶豫, 否則, 會令你抱憾終生, 而又終日悶悶不樂, 又何苦呢? 你的身體已向你發出警告 --- 小產. 好好和你丈夫商量一下, 兩人取得共識, 你就不會孤單, 煩惱亦會一掃而空. 不要再想攤大手板向丈夫拿錢用的傻問題, 購物慾會隨著你全情投入照顧兒子, 沒有閑暇而下降, 那時候你心內只惦記著兒子的一切, 那有空去管什麼潮流了.

私人傳訊

TwinsMother

男爵府

積分: 7872

14^#

發表於 04-11-25 17:33 |只看該作者

Re: 想做全職媽媽...衷心希望您們可給與意見!

Mrs Fong,

我亦很老土講句 : 經濟許可便做個全職媽媽.
記主當一個全職媽媽實不容易, 一定比你工作更辛苦, 更大壓力. 況且你打算生多一個.
講樣野被你聽, 我係家中長女, 細時我每天都要送弟弟返學及放學, 然後自己返學. 直到現在我弟弟還銘記於心, 時不時都講起幼稚園時,我送他返學及放學. 還有好多記憶! 因此時值德做全職媽媽.
我聲明我自己係一個在職媽媽, 但我每天堅持送返學. 我自己計劃小朋友在小一時, 我會做全職媽媽.

私人傳訊

Mrs.Fong

別墅

積分: 841

15^#

發表於 04-11-25 21:56 |只看該作者

Re: 想做全職媽媽...衷心希望您們可給與意見!

謝謝你們的回應, 想不到意見會一面倒, 我以為有人會話我不負責任!

今日, 我兩個學生去參加朗誦, 得到82, 83分, (季軍係84)由於係我訓練的, 我好開心, 又動搖啦....

今晚陪囝囝睡覺時, 我問佢: 如果比佢揀, 佢想要玩具定係媽媽同佢返學放學?
佢想了一會, 然後答: 我想媽媽同我返學放學,....然後去買玩具. (!)
我比佢激死, 然後再問佢: 唔得, 只可以選一樣.
佢再想了一會, 然後答:我想媽媽同我返學放學...

係呀, 做決定好痛苦, 不過, 正如你地所講, 囝囝至係我心命中最重要的, 所以, 看來, 我都應該尊重仔的意見...

十分十分謝謝你們的意見.

私人傳訊

小鳳

複式洋房

積分: 219

16^#

發表於 04-11-25 23:47 |只看該作者

Re: 想做全職媽媽...衷心希望您們可給與意見!

Mrs.Fong :

支持妳的決定!去做一些隨心想做的事就得架啦!人生好慢長呢,當放一個長假期(1年或2年或3年........)睇下到時自己是否識應先算!小朋友的成長錯過左就返唔到轉頭,所以我同老公點辛苦(真係好鬼辛苦)都好放工後必會自己湊翻囡囡,同佢相處多d,照顧多,亞囡係知架!就算同囡囡換條尿片餵支奶其實都係親子的一種方法,始終做人父母都係親力親為好d既,當然要返工個幾粒鍾就無法啦!所以只要經濟上容許的!!做妳想做既事吧做翻個開開心心的媽媽做翻個開開心心的老婆吧....