夫婦情感 今日: 37 | 主題: 42728

積分: 1033

1^#

發表於 19-8-6 04:07 |只看該作者 |倒序瀏覽 |打印

我有個好鐘意講道理嘅老公話說有一日天落緊毛毛細雨我帶左我歲半嘅女去圖書館借書回程嘅時候順便去左附近嘅街市買餸果次係我第一次無推車仔去街市買餸因為車仔比較大部一入街市全條行人路都會比車仔佔據曬所以我好唔鐘意推車仔去街市多數去超市買就算但嗰日因為街市就係旁邊而且係必經之路所以就選擇入去買我都知街市比較危險但我只係買少少菜同肉諗住快手買完就走點知都係有意外發生我女正值不受控階段經常甩手想暴走捉都捉唔住果一日就係咁個女係我比緊錢嘅時候掙脫左我嘅控制唔小心係街市冼底左嘴唇即時損左流血發生嘅地點仲要係魚舖前面

0 0 0

私人傳訊

積分: 1033

2^#

發表於 19-8-6 04:30 |只看該作者

我即時用清水沖洗傷口諗住返屋企再消毒返到屋企諗起嘴應該唔可以用火酒消毒就打左比我做藥房嘅老公問下可以點消毒我當時心已經好亂知道街市污糟好怕細菌感染但佢一聽到個女受傷就第一時間怪我做咩帶個女岀街點解會去街市買餸比佢話完一輪就叫我一係去買生理鹽水一係用雙飛人消毒屋企咁啱有雙飛人就用左啦到佢放工返到屋企又一輪責怪到第二朝我老公梳洗準備返工嘅時間我上網睇到魚舖好容易感染食肉菌見到又要截肢又會死人就嚇到岀去想老公安慰下點知佢都重係怪我同教我應該要點做去避免發生

私人傳訊

積分: 1033

3^#

發表於 19-8-6 04:37 |只看該作者

回覆樓主：

本帖最後由 Yukolo0308 於 19-8-6 04:38 編輯

我已經驚到差不多想喊一聽到佢嘅道理我就知道我無可能妄想係佢身上尋求安慰佢知我入左房喊但佢都係無安慰我就岀左門去左返工之後我短信佢話佢知我當時嘅感受內容係咁

我:係我犯賤唔應該話你知我擔心我唔應該妄想係你身上尋求安慰我下次唔會同你講

佢: 我話你都關心大家都係想你知道危險

我: 算啦你仲係唔明

佢: 忠言逆耳

我: 你好好諗下我嗰刻需要啲咩。你又比左咩我唔係你認為啱嘅嘢就係適合嘅嘢你試下多啲企係人地角度

之後佢就無再回覆我啦其實我知係我錯但係我咁擔心嘅時候我都係想有個人安慰下可以令我有安心嘅感覺但佢比唔到我呢個係唔係過份嘅要求

私人傳訊

善宜

積分: 10759

4^#

發表於 19-8-6 05:41 |只看該作者

Yukolo0308 發表於 19-8-6 04:37
我已經驚到差不多想喊一聽到佢嘅道理我就知道我無可能妄想係佢身上尋求安慰佢知我入左房喊但佢都係無安 ...

咁你有冇企佢角度諗？你需要安心需要安慰，佢都要架，大家都唔想小朋友有事，以後再小心d

點評

茶類愛好者

發表於 19-8-8 02:42

私人傳訊

cpycpyhelen

男爵府

積分: 7085

5^#

發表於 19-8-6 07:08 |只看該作者

Yukolo0308 發表於 19-8-6 04:07
我有個好鐘意講道理嘅老公話說有一日天落緊毛毛細雨我帶左我歲半嘅女去圖書館借書回程嘅時候順便去左 ...

其實意外既野大家都唔想發生，就算地點唔同都有機會，所以唔好諗甘多，幫bb做好消毒，下次小心啲，我諗你先生都係擔心先語氣重左，慢慢再溝通下，唔好諗甘多

私人傳訊

積分: 1033

6^#

發表於 19-8-6 07:53 |只看該作者

善宜發表於 19-8-6 05:41
咁你有冇企佢角度諗？你需要安心需要安慰，佢都要架，大家都唔想小朋友有事，以後再小心d
...

其實都唔止係呢件事我基本遇到咩事唔開心搵佢傾訴嘅時候佢每次都係以講道理去處理次次講完都無開心返依然係咁唔開心可能仲會再唔開心左慢慢我已經唔想同佢講心事每日嘅交流只係交代每日發生嘅事我知佢好錫對仔女但我覺得大家都走唔進大家嘅內心世界佢好少同我講佢嘅心事有咩都自己解決佢愛我嘅方法就係滿足我生活上嘅需要但心靈上我覺得滿足唔到我都想進入佢嘅內心但我唔知可以點做

私人傳訊

KoneyB

積分: 12796

7^#

發表於 19-8-6 08:01 |只看該作者

又咁講
係你自己帶個女去街市睇唔實做錯在先
可能你先生已經唔高興
而家仲擔心緊個女有冇事

但係你仲要佢安慰返你轉頭
俾我都會覺得好煩

私人傳訊

積分: 1033

8^#

發表於 19-8-6 08:09 |只看該作者

cpycpyhelen 發表於 19-8-6 07:08
其實意外既野大家都唔想發生，就算地點唔同都有機會，所以唔好諗甘多，幫bb做好消毒，下次小心啲，我諗你 ...

我明白 bb其實已經好返我同老公都和好返但下次如果又再發生任何意外佢都係會再重演返今次事件呢個真係佢性格嚟佢太理性咩都想用講道理去解決都無嘗試去了解下對方心靈上嘅事唔單止對我對小朋友都係小朋友做錯事佢只係會叫佢唔好做但唔會了解下佢點解要做同可以點做個女喊就只會叫佢唔好喊唔會了解下佢做咩喊點解唔開心有咩需要次次都係要我提先會做如果個女繼續喊佢就會開始唔耐煩想唔理係男人通病定係只係佢問題還是佢無問題有問題嗰個係我我要求太多

私人傳訊

積分: 1033

9^#

發表於 19-8-6 08:24 |只看該作者

KoneyB 發表於 19-8-6 08:01
又咁講
係你自己帶個女去街市睇唔實做錯在先
可能你先生已經唔高興

咁係你角度我應該點做我應該承認錯誤然後自己呢埋一邊擔心唔好煩佢我就算擔心到想喊都唔應該比佢知因為係我做錯在先

我知佢都擔心但我一同佢講嘢佢就會無限循環應該點做可以點做先無事佢唔似要我安慰只係要我默默聽佢嘅道理但有時佢嘅提議又未必可以做到佢叫我個女想跌嘅時候就拉起佢個書包仔拉返佢起身第一如果佢跑得太快有一定距離就已經做唔到啦第二跌啲一下咁快捉唔捉得切都係一個問題但佢就覺得佢嘅提議係一定做到因為佢上次都係咁做當你同佢講有機會做唔到佢就話係藉口或者再重複唔應該帶佢去事發地點

私人傳訊

KoneyB

積分: 12796

10^#

發表於 19-8-6 09:43 |只看該作者

Yukolo0308 發表於 19-8-6 08:24
咁係你角度我應該點做我應該承認錯誤然後自己呢埋一邊擔心唔好煩佢我就算擔心到想喊都唔應該比佢知 ...

依家應該Focus係個女度
要記住下一次唔好犯同樣嘅錯

私人傳訊

cpycpyhelen

男爵府

積分: 7085

11^#

發表於 19-8-6 09:49 |只看該作者

Yukolo0308 發表於 19-8-6 08:09
我明白 bb其實已經好返我同老公都和好返但下次如果又再發生任何意外佢都係會再重演返今次事件呢個真係 ...

甘我諗每個男人性格都唔同，可能佢唔係唔想做，只係理性行先，女性就會感性啲，講真，小朋友好動好正常，可以睇住幾多次先避免到，只可以話盡量睇住，其實你冇問題，個個媽媽都係緊張個bb，我都係，所以我覺得太過緊張對自己都冇好處，因為會令自己太過緊繃好容易同人有爭執，放鬆啲較好，佢係bb個爸爸，個bb受傷佢都唔想，佢只係用另一面去表達左出黎，如果兩個一齊甘緊張我諗小朋友可能覺得係佢做錯事，令爸爸媽媽唔開心

私人傳訊

jeremylui83

積分: 14244

畀面勳章

12^#

發表於 19-8-6 11:59 |只看該作者

咁佢想要的，你俾唔俾到呢？佢都可能想要一個堅強，處事成熟的另一半。。少少事就亂晒陣腳，點湊好個小朋友呢？你現在的痛苦，是源自只看到自己的需要，想去改變別人迎合自己。。當你學習多為人設想，調節自己的心態，你就唔會覺得痛苦

點評

茶類愛好者

發表於 19-8-8 02:47

私人傳訊

ivycwl

伯爵府

積分: 19964

13^#

發表於 19-8-6 12:37 |只看該作者

其實...又真係你自己做錯野, 要人安慰返你?
意外冇人想, 但係你自己去街市,又拖唔係個女.....
如果係我, 唔會再出聲叫人安慰.....
如果你老公緊張個女, 唔片返你已經好好了.

私人傳訊

CCHINGC