吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 備孕5年，最後做ivf成功

想生BB 今日: 0|主題: 109513

收藏本版

發帖

返回列表

跳至頁

查看: 3509 | 回覆: 12

備孕5年，最後做ivf成功 [複製鏈接]

Vy66872

複式洋房

積分: 153

1^#

發表於 19-8-23 02:23 |只看該作者 |倒序瀏覽 |打印

想同大家分享，不過非常長篇，但希望可以幫到有需要嘅人

-我的生活
先講少少我自己嘅生活狀況，我今年33歲，同老公28歲結婚，一齊左8年結婚，喺22歲嘅時候人工流產過一次，當時bb大概1個月左右，做完手術後完全唔知咩叫補身，即時食雪糕，當晚飲啤酒，諗起都驚，同埋由細到大都起碼4點先訓，不過我本身除左飲酒外，都好少飲凍野嘅，仲有係長期減肥同由13歲開始食煙，但因為後生，確實未見影響，不過流產後開始，我就一直食避孕藥，同年年都會去做婦科檢查嘅，但咁啱結婚前兩三年，個個星期都會去飲酒去蒲，所以玩到唔記得做檢查了

0 0 0

私人傳訊

Vy66872

複式洋房

積分: 153

2^#

發表於 19-8-23 02:25 |只看該作者

Vy66872 發表於 19-8-23 02:23
想同大家分享，不過非常長篇，但希望可以幫到有需要嘅人

-我的生活

-朱古力瘤（我係後尾諗返綜合返d症狀）
大概都由當時開始，我個人就比以前瘦（雖則我一直都減肥，但我唔係好瘦嗰d)，我d M係一向準時同埋都唔係好少，嗰時開始亦開始比較少，大概第二至三日就可以用護墊，不過我冇咩m痛嘅，同埋行房係有d唔舒服好似有野頂住咁，仲有就係去大便時個直腸位置係好痛嘅，我一路都唔覺得有咩問題又唔想睇醫生就由佢了，跟住結婚前半年，諗住要BB所以就停左食避藥，但當時並冇停止去玩，一路都唔成功，以為停藥冇耐，所以未得，之後結婚一年後都未成功，就睇過幾個中醫師，不過好多都係睇兩三次就冇睇，而其中有一個幫我把脈，就話我再唔調理

私人傳訊

Vy66872

複式洋房

積分: 153

3^#

發表於 19-8-23 02:27 |只看該作者

就會有d乜瘤物瘤咁，但我當時覺得佢只係hard sell，所以冇理佢（我睇過咁多個，得佢一個話我有瘤嘅，但我唔記得佢叫咩名，只係記得佢係太子中醫診所嘅其中一個男中醫），後尾再經朋友介紹搵沈碧琼中醫師調理，佢當時並冇話我有d咩特別嘅，但佢d藥真係唔係一般難飲，仲要貴貴地，所以睇左半年又停左，之後就諗住去婦科做下檢查，點知一照就有個6cm大嘅朱古力瘤喺左邊卵巢，咁就即刻做手術了，做完手術後，我就再冇行房痛，去大便亦都冇問題，M量好似多返少少，但M痛到暈，從來冇試過，醫生話做完手術後可能係賀爾蒙影響會咁，不過係懷孕好時機，咁我就即刻又搵中醫調理喇

私人傳訊

Vy66872

複式洋房

積分: 153

4^#

發表於 19-8-23 02:28 |只看該作者

-中醫、拜神
其中一個係朋友介紹，喺灣仔嘅何樹勛，我有同佢講我做完手術，佢一開始就話我係甲狀腺問題，所以有呢個瘤，叫我戒口，應該話係只係食肉同菜同飯，但因為我朋友都係睇佢中，同埋後我一個月睇嘅朋友都又有埋，所以我都睇左4個月左右，都冇咩起色，仲覺得個人凍冰冰，唔知係咪因為佢成日開夏枯草比我，之後因為佢成日話我有甲狀腺問題，我就再去睇醫生檢查甲狀腺，點知咩事都冇

私人傳訊

Vy66872

複式洋房

積分: 153

5^#

發表於 19-8-23 02:30 |只看該作者

所以我就再冇睇佢喇
之後斷斷續續都睇過好多其他中醫同西醫，中醫有個係元朗八鄉嘅神醫呀，謝安琪嘅中醫呀，吳君如嘅中醫呀都睇過，一路都好想繼續試下自然，又到處拜神，香港嘅龍母廟都去過了，一個喺離島嘅好似叫金花娘娘又去過，甚至乎台灣嘅求子廟，泰國嘅四面佛都有去過，可能真係未係時候啦，之後就認命，諗住做人工啦，好想去排政府架，轉介信都攞左幾封，但最尾懶都冇去到

私人傳訊

Vy66872

複式洋房

積分: 153

6^#

發表於 19-8-23 02:31 |只看該作者

-搵人工醫生
之後搵左當時仲喺勝利嘅謝靜兒醫生，雖然都要等幾個月先book到有得睇，但d姑娘好nice架，而醫生都好pro嘅，不過就文靜d，一開始佢睇我嘅病史，建議做下d 驗血驗賀爾蒙呀同埋驗輸卵管先，其他我都冇咩問題嘅，而照輸卵卵管嘅時候可能緊張，同埋唔知道要急尿做，痛到我個人薑硬左，可能係咁，報告出左話我左邊通，右邊就可能緊張肌肉收縮，照唔到右邊通唔通，但佢話因爲做朱古力瘤手術時切左左邊卵巢d組織，所以右邊通比較緊要，聽到咁，我自己就又覺得自己應該係通，又想逃避試下自然先，之後又過左1年到都未得，又去睇埋家計會啦，家計會叫我驗多次輸卵管，可能有經驗

私人傳訊

Vy66872

複式洋房

積分: 153

7^#

發表於 19-8-23 02:32 |只看該作者

，今次就冇咁緊張同急尿驗，結果係兩邊都通嘅，咁家計會比就排卵藥我試，食左四個月都冇，跟住佢就只係叫我排政府了

-開始真正iui
咁我又再次搵返謝靜兒，醫生見我最新輸卵管報告兩邊都通，就建議我可以試下iui先，第1次我都係食排卵藥，而老公嘅精子精況係一般，好似話正常人數量係一百萬佢得2萬（我唔記得實際數字，但差距係咁上下），所以我地一齊又再去睇沈碧琼（因為又有朋友睇佢得左），但老公唔中鍾意食藥，睇左一次就冇睇喇，而我就keep住睇，做第2次iui我都係食排卵藥嘅，而老公開始食茄紅素，食生蠔牛扒，抽精前一星期朝早食滴雞精，結果特飛猛進，數量變返正常水平，

私人傳訊

Vy66872

複式洋房

積分: 153

8^#

發表於 19-8-23 02:34 |只看該作者

醫生都非常驚訝，不過我地都仲未得，之後第3次我打排卵針，可惜都仲未得，但可能因為有太多激素，我右邊又有2cm左右嘅朱古力瘤

-休息一下再開始，睇風水
我決定休息一下先再繼續，呢段時間我繼續睇沈碧琼，同埋我之前有睇風水希望都可以幫下手，我而加住緊呢度係結婚就搬入黎，之前就有風水師同我講過因為我住呢度係對住個煞氣大嘅馬路，同埋屋企位置有缺角沖到我，令到我唔係咁易有B，但除左咁，擺左佢地講嘅野，都幫唔到手，之後我姑奶介紹左楊晧雲師傅比我，因為佢自己有睇，覺得有好到同埋佢唔同一般師傅，唔會叫你做咩法事又要買咩咁，所以我就決定試多次

私人傳訊

Vy66872

複式洋房

積分: 153

9^#

發表於 19-8-23 02:35 |只看該作者

師傅只係叫我擺左少少佢免費比我嘅開光嘅野同換左屋企一d顏色，其中佢有叫我擺一樣野，但我唔記得左原來係要同d開光物件一樣要擇日擺，我即刻病左，一拎開就好返，非常神奇，同最重要嘅一件事，就係叫我念經同每一個月起碼去拜觀音一次同每個月點一次燈祈願，同埋同觀音娘娘講希望小朋友出世後可以上契比觀音娘娘（至於其他詳情或者呢個點解要咁做，如果想知可以再問我，我費事再長篇喺度講）佢話我只要誠心咁做，我半年內一定成功

私人傳訊

Vy66872

複式洋房

積分: 153

10^#

發表於 19-8-23 02:35 |只看該作者

-iui再第1次ivf
我休息左3個月後就再返去謝醫生到，我嘅朱古力瘤真係有細到呀，可惜再試多次iui都失敗，結果我都係要試ivf，抽卵我抽左17粒，結果有7粒可以成5日胚胎，因為醫生怕我太谷，所以建議等下個月擺雪胎，第一次擺左一粒同我都仲有繼續食中藥，擺完後休息左20分鐘先落床，但都未得，而呢個時候我去求左一路拜開嘅觀音廟到求籤，當時仲未開獎，支籤亦話要黎緊一次先會成功，同埋係男仔黎嘅，咁冇耐我第一次就失敗左

私人傳訊

Vy66872

複式洋房

積分: 153

11^#

發表於 19-8-23 02:36 |只看該作者

第二次ivf
之後我上網睇，見到有人話開始療程要停中藥，所以呢個月我都冇食，而我亦放入胚胎前一日亦開始食菠蘿酵素，同埋擺入後食黑朱古力，食到開獎，而放胚胎時，因為等遲到，所以醫生要做第二個先，而因為我喺手術室等，由我開頭急尿，到後尾就瀨咁滯醫生先過來，所以我一做完手術5分鐘，就忍唔到要去vv了，因為咁，我今次期望唔大，所以冇咩特別小心，我仲成日周圍行，又舉高手又追巴士（大家千祈唔好學我，始終都係小心d好）我終於