當剛知道有BB既時候(今年4月既時候), 突然收到一個又一個message, 電話號不在我的phone list, 問我有冇發現我老公既頸上點解成日都會敏感有紅印, 問我知唔知情人節老公同邊個食飯等等. 問咗老公, 佢話因為我生完大女後成日都顧住個女冇理佢, (但係佢之前成日都話公司好忙,
一年幾乎就只有團年才回來食飯, 每晚返來都好夜, 我講完故事俾個女聽我都累到瞓著咗; 平時星期六日老公都正正常常, 一家三口都會出去食下飯玩下) 佢話因為知道我有咗所以同個第三者分手,所以第三者攪我,
唔想我地一齊, (不過第三者說是她要求分手, 不想要件垃圾),原來這個第三者是老公的同事而且她有老公也有二個仔也有其他男朋友
, 老公唔肯離婚, 希望我俾機會佢做返個好丈夫好爸爸; 四月既時候第三者上過我屋企幾次我都没有開門(自己大肚一陣第三者做D咩傷害到我同BB點算), 我以前一直覺得婚姻是一生一世的承諾, 没有想到自己的老公會出軌, 無比的心痛跟失望, 無法接受佢地既行為, 晚上常流淚,
有時在公司做做吓野又會流眼淚, 可能因為心情太壞, 開始流啡, 好擔心肚中的BB, 叫自己唔好傷心, 流啡差唔多二個月現在情況穏定一點, 自己盡量唔諗第三者既事先, 我也暫時咩都唔理住, 安心養好個胎先, 不過第三者一直都whatsapp我,
成日話我唔管好個老公,
叫我叫個老公唔好跟住佢, 又send d 我老公send 給她既whatsapp俾返我睇返(內容大致話有示威者要小心照顧好自己等等) (而老公當然又唔認), 有d有得verify有d冇, 我唔知第三者講既野有幾多真幾多假,
我見到果D whatsapp心又好痛, 本來想block咗個第三者, 但係從第三者我可以知道老公有没有找第三者有冇講大話然後叫自己死心(我接受不了他繼續欺騙我); 如果他心裡有另一人/没有這個家, 我覺得還是離婚算了,
没有了真心的對待我實在難受, 不過亦有想過小朋友這麼少(3歲)没有了父親會不會太可憐. 我實在又累又心痛, 如果你係我,
會堅持離婚嗎? 會block第三者嗎? 怎樣能令自己過得開心一點?
平日都係我照顧個女, 生完小朋友之後老公成日話佢好唔鐘意小朋友, 佢話因為有小朋友之後佢話好似個屋企個個都係關心個女
,
冇咗二人世界果種感覺
, 所有野都係圍住個女轉,
佢話同個女去playgroup, 講故事俾個女聽, 同個女睇話劇, 去學校面試好無聊會攪到佢冇晒自己既興趣
; 有時好似同個女玩得好開心, 不過真係照顧就冇咩; 所以就算離婚我自己一個人再加姐姐幫手應該都OK, 我自己有份工, 省一點應該生活到.
纏住第三者, 我自己都好亂, 唔知邊個及邊句係真話, 記得
個第三者有一次打電話來話 "你以為你老公掉晒我送D野咩, 我送咗好多好多野俾佢"; 有d message 係"佢之前話帶我去見佢阿媽, 佢當你係咩呀?" "你留得住個人你都留唔住佢個心", "我唔要這個垃圾, 你對住佢真係可憐", "佢如果理你感受, 就唔會同我一齊"等等; 我老公就成日一問佢佢就喊, 話佢地現在已經没有關係, 叫我相信佢, 現在老公對我同個女有些改善, 會主動說第一天上學想送個女返學/睇個女話劇表演等; 第三者就間唔中就send d 野來, 我現在對老公既信任也只有一半, 再加上間唔中既message令到我個心好難過, 成日不自覺流淚
發表於 
返回列表
