因家中有長者病後行動不便，決定請家傭幫助照顧(之前未請過工人)。很多基本問題，希望請教各位，先謝！
1.假期
她十二月中到港，請問是否一開始工作就要每周放一日假？法定假期計勞工假還是銀行假？
2.出糧及福利
通常頭兩個星期嘅人工係咪同一個月月尾出？之後每月1號出？定按第一日上工係幾多號，以後每月都係嗰日出糧？除咗每周例假同法定假期，一年中仲有咩假期要俾佢同有咩福利必要俾？
3.假期三餐
工作日係咪只需包三餐？其餘時間如工人肚餓，係咪唔需要提供食物(除僱主自願)？大家一般會提供咩？
如工人放假(每周例假和法定假期)，三餐是由僱主包還是工人自費？如由僱主包而工人要外出，係俾現金？有冇指定要俾幾錢一餐？
4.睡覺及儲物
因有機會搬屋(出去租屋)，如到時不能提供房間給工人，要瞓廳，而且因是租屋未必方便鑽牆加掛簾，請問怎解決？打算買一張床和一個類似露營的床用營帳給她，有沒有問題？係咪一定要一個有鎖櫃或櫃桶俾佢用？
5.洗衣
如不想工人的衣物和我們的一起洗，大家會點處理？每天叫她自己手洗普遍嗎？本來打算每週給她拿到自助衣店洗，但聽說最近不少人將有催淚彈殘餘的衣物拿出外洗，所以又不敢。
6. 工作地點
如出外租了屋，工人主要在新屋工作，可否叫她偶然回舊居打掃？(簡單)或特別情況下一次半次有問題嗎？
7.手機
如要和工人通訊，通常手機及數據通話費係工人定僱主負責？有冇咩plan合適？如果佢自己有手機，駛唔駛俾另一部佢只同我聯絡？大家點做？
8. 護照
一般習慣上係agent、佢自己定僱主keep？有冇人要求幫工人keep驚佢自己走咗？
9. 工人保險
通過agent買，佢地會唔會主動俾工人在港嘅驗身報告我睇咗先買保險？定要要求睇？因為如無睇過，買咗保險有咩早知疾病驚claim會有問題？通常要驗啲咩？
10. 家規
初來工作，有咩最需要一早同工人講定？我只係諗到叫佢唔可以將家裡情況及我們個人資料話俾其他人聽，唔可以自己帶上嚟屋企，唔可以借錢。仲有咩緊要？點可以基本防止工人借錢？
11.特別情況
最近四周市面混亂，而且有催淚彈殘餘問題，有冇版友要求工人假期留家休息(不用她工作的)，或在會所/區內安全地方活動，不要出油尖旺等區，她們一般願不願意？畢竟為了她及家裡人的安全。
如版友有咩首次請工人要注意事項，也請指教。
謝謝。
發表於 
返回列表
