我咩立場？
我嘅立場係
我好感恩我存在
我好感恩我健康、
我愛嘅人健康
好感恩我一直以嚟所被給予嘅、所擁有嘅
同埋所經歷嘅。
我亦好鍾意、好感謝我所住喺度嘅香港
好 proud of 自己出世喺呢個城市
由之前每一個年代
由唔同嘅人，喺唔同嘅崗位
努力奮鬥為香港人
帶嚟今時今日呢個有咁多資源嘅生活環境
我有無嘢投訴？
有
但我正正係本住我一貫嘅信念
對不完美嘅學生、家人、朋友、工作同自己
釋出包容、體諒、耐性同惻隱之心
包容及體諒對方嘅難處
給予對方時間去成長。
唯一未能賦予同理心嘅
係用暴力去得到自己想要嘅一啲
自己認為係啱嘅嘢嘅人
我會唔會變咗一隻只顧住飼料嘅豬？
唔知呢？
但我承諾過自己會用盡一切辦法
一直地去學習
喺自己嘅崗位
做好我自己
做最好嘅自己
並盡可能將包容、體諒同耐性嘅價值觀
教育畀我地嘅下一代
用呢個方法去貢獻將來嘅香港
我亦相信其他「只顧住飼料嘅豬」
一樣係有類似嘅價值觀
一樣喺佢哋嘅崗位
用緊自己嘅方法
去貢獻畀香港嘅下一代
我愛香港。
發表於 
返回列表
