少年成長今日: 0|主題: 15993

收藏本版

發帖

返回列表

跳至頁

查看: 4802 | 回覆: 3

無奈的教育制度 (2) [複製鏈接]

csir3290

子爵府

積分: 11839

1^#

發表於 20-1-19 12:35 |只看該作者 |倒序瀏覽 |打印

本帖最後由 csir3290 於 20-1-19 12:36 編輯

上一次講到香港教育制度嘅無奈，可能好多家長都會覺得揀學校除咗成績之外可能，仲有校風或者其他嘅因素。但係只要留心下大家嘅討論內容，其實不論搵咩學校都好，好可能最先都係講緊究竟係band1定係band2或者甚至乎band1入面仲要分band 1a定band 1B，好多嘅討論但一講到搵學校其實最先都係離唔開成績同大學入學率。咁幾時先講到校風校規或者學校嘅其他方面成就呢？咪就係當兩間同樣水平嘅學校擺埋一齊嘅時候，跟住咪就係邊間校風好啲。其實我唔覺得咁樣嘅講法係有錯，只不過係話我覺得無奈嘅地方就係我哋要喺呢一個制度入面，我哋就要清楚呢個制度嘅玩法，有陣時未必係我哋最終想要嘅，但係只要你係參與呢個遊戲，你就要懂得呢個遊戲規則。無奈地就係香港係用緊呢一套制度，所以我哋就要明白呢套遊戲規則明白呢套遊戲嘅玩法。正如我啲教中學嘅朋友話齋，喺中學文憑試如果只係靠學生自己嘅能力要攞四或者五其實難度真係唔係高得咁緊要。只要細路仔平時很勤力溫習亦都掌握學習嘅內容同埋技巧就可以，但係要攞五星同埋五星星就真係好睇細路仔平時點樣催谷同埋補習先至可以攞到。我唔知係咪100%啱，但係起碼係出自一啲喺個制度入面工作緊嘅人把口。當然你可以唔認同呢度製度，唔認同你可以唔玩呢套制度。但係當你唔認同呢度製度嘅同時又繼續喺呢套制度入面嘅時候。唔多唔少你都要跟住呢套制度嘅規則同埋玩法去做。你唔認同呢度製度嗰啲做法，除非你完全脫離，如果唔係到頭來可能只係呢度製度入面嘅另類分子。最慘就係喺呢套製度入面你要成功就要跟呢度製度嘅玩法，縱然你可以同自己講我唔認同呢套制度，但係到頭來若果你仲要靠呢個制度呢評核嘅話，咁成功機會有幾高呢？講真又真係有幾多家長會唔用學校嘅成績或者大學入學率嚟做優先考慮搵學校呢？

另一方面當然未必一定需要讀大學。其實我認同讀大學未必一定係最終嘅出路，好多人都有其他唔同嘅出路或者係冇讀大學而成功。但係我覺得呢個係冇矛盾嘅，只不過係希望同埋接受嘅問題，講真邊個家長喺小朋友細個嘅時候唔係希望佢將來能夠讀到大學，可以有份穩定嘅工作，可以有好嘅前途呢！但係當慢慢長大嘅時候，佢嘅能力或者學習嘅情況，慢慢就會浮現出嚟，家長亦都開始會睇到佢一步一步嘅發展，如果細路仔嘅能力或者取向最終唔係向住大學方面發展，咁家長就應該接受同埋支持佢哋有另外嘅發展。我絕對唔會睇少冇讀大學嘅人，可能佢嘅能力畀好多讀過大學嘅人都仲高。我只不過係講緊喺我工作環境入面見到而家中層嘅職位或者公司入面嘅情況，其實要入職大學畢業係基本入場券。唔讀大學或者冇大學學位係咪真係一定冇發展呢？當然唔係啦！喺我公司入面亦都有一啲冇大學學位嘅同事嘅工作表現好過好多新入職揸住大學學位嘅同事，亦都好勤力好努力。所以我絕對贊成其實唔係一定要讀大學先至會成功，但係家長喺仔女仲細嘅時候當然係希望佢哋能夠順利攞到大學學位然之後進入社會，但係當佢哋真係唔係向呢方面發展嘅時候我亦都會支持同埋接受。

0 0 0

私人傳訊

peggy

侯爵府

積分: 21255

hashtag影視迷勳章好媽媽勳章醒目開學勳章畀面勳章 BK Milk勳章

2^#

發表於 20-1-19 18:20 |只看該作者

本帖最後由 peggy 於 20-1-19 19:51 編輯

回覆 csir3290 的帖子

dse中文難攞高分。好似阿仔的同學/朋友有2~3科有5**, 其他科分數都唔差。但中文只得1/2，不能升HK大學，最後選擇到外國升學。

中學會選番合適小朋友的banding,同埋會睇校風選學校。當年阿仔是B2A生，選番同區的B2A學校。阿女是B1A生就選了直資女校。