基於工作需要成日都要出差要行好多路
拇趾外翻真係好困擾我,之前係版上面同大家討論手術方式
又同屋企人傾左好耐
決定左做手術
做左好多功課,評估各種手術方式
截骨方式復發機會率好似比較低
我寫左信去問醫生手術既過程同恢復期既問題
醫生話,手術後隔日可以落床行路,但腳唔可以用力同要用
助行器
要著石膏鞋6個星期,3個月後先可以做運動
我影左相比醫生睇
仲比埋x ray片佢
醫生評估我既情況
確定我可以做截骨手術
我就預約手術時間
手術前一日去台灣。先做抽血檢查
下午安排諮詢
醫生透過xray說明我隻腳既狀況
,仲有手術方法同手術後
恢復過程
諮詢完就返酒店休息
準備隔日做手術
隔日朝早9點報到
醫生講低要注意既事項
去完廁所洗完腳就入手術室
瞓上手術枱之後
我就後悔啦⋯⋯
而且我既血管又細又唔易搵,護士同麻醉師打左3次先成功,
痛到我忍唔住叫左出黎
護士一路安慰我都算係咁,打完麻醉冇耐就昏迷左啦
醒個陣傷口已經處理同包紮好
覺得隻腳腫腫地但唔覺痛
大約6:30護士黎打止痛針
教我每日點樣換藥
返到酒店之後
覺得傷口有d脹痛
同平時一樣,我食完安眠藥就瞓覺
一覺瞓到天光
手術後第一日著石膏鞋
手術後第5日
返去覆診
醫生檢查傷口
問我有冇每日換藥
醫生話傷口好得唔錯
叫我定期send相比佢睇
等佢可以隨時掌握到我既恢復狀況
覆完診就坐飛機返香港
我既右腳趾已經直左
傷口仲有小小腫
第三週
冇咁腫啦
係間唔中痛下
腳仲係唔用得力
要繼續著石膏鞋
(要著6個星期)
行路仲係唔係好方便
呢段時間都係搵同事接返工放工
黎緊等夠6星期返去覆診
醫生檢查傷口同跟進x ray影像
手術前姆趾係歪既
手術後姆趾係直既
而家左腳同右腳變返一樣
期待3個月後可以正常著鞋行路