親子旅遊今日: 0|主題: 161749

收藏本版

發帖

返回列表

跳至頁

查看: 1708 | 回覆: 9

[台灣] 同唔太行得既阿媽5日4夜台北自遊行 [複製鏈接]

canna1hk

別墅

積分: 856

1^#

發表於 19-11-13 14:53 |只看該作者 |倒序瀏覽 |打印

本帖最後由 canna1hk 於 19-11-13 14:56 編輯

阿媽屬於正常人老年人, 會計D婆仔數, 鍾意影相打卡, 出門咩都要帶, 遲起早睡個種，佢返來都話幾好玩。
出發前︰1, 網上申請入台証, 香港出生基本填完即有，內地出生要提供照片，睇清楚照片要求, 我用手機影完再執都OK。入台証最好跟身。(https://coa.immigration.gov.tw/c ... macao/apply?lang=zh)

2, 網上申請旅館 [3S 品格好 inn 青旅]。2人連稅到付 NT$3,780.54, 折合約1千港幣4晚。沒錯，帶老人家坐青旅哈哈，因為阿媽話返酒店只係訓覺又要平。

我地雙人房, 一張上下格床加小小位可以掛衣服，有投幣式洗衣干衣機，公共浴室/洗手間都好干淨，有毛巾牙刷淋浴用品萬用插頭 USB叉電線 (無USB-C/蘋果線) 等基本野，免費 WIFI 不如自己帶張 WIFI 卡快，衣架拖鞋要問櫃檯借，間房隔音唔好，夜晚旁邊有人出入會聽到。

Day 1:

早機到桃園國際機場大約 11 點，係機場買悠遊卡 (同八達通一樣用途, 儲值用剩可以退回)，搭機場捷運到台北車站，經地下街 Z10 出口, 步行約 20 分鐘到青旅。青旅行2條街轉角係城隍廟，旁邊係小食+小餐館+街市混合。
放低行李去食左 LUNCH，的士去故宮博物院 (門票每人台幣 350)，同阿媽行下影下相。博物院內有免費水機有足夠休息坐位，不可飲食，記得食完野先去。

6點半故宮博物院關門，門口坐單層巴士去士林夜市 (劍潭站) 食野，食飽約8點由劍潭站坐捷運到台北車站, 行返青旅。

Day 2:

訓覺訓到自然醒，行去台北車站 → 坐到捷運士林站 → 行去士林官邸花園 (約20分鐘, 免費參觀), 治途有早餐店食野。花園里面一樣到處飲水機 + 休息坐位，最好等玫瑰花期來睇，室內園藝館同蘭花展應該4季都有，官邸要另外買入場卷。

中午行返去士林車站 → 捷運北投站 → 轉新北投支線 → 新北投站，出站後附迎食野先，然後行去地熱谷 (個水池好細，阿媽行到一半唔想行，到左有 D 失望)

地熱谷向下行 → 北投溫泉博物館, 2樓坐下休息好舒服，20分鐘行完, 有興趣可以睇下再向下行 → 梅庭 / 鄧麗君舊宅, 10分鐘行完, 有興趣可以睇下

再向下行 → 北投公園露天溫泉(千禧湯) , 公眾池，自帶泳衣，中老年專埸。如果想享受D，溫泉街沿途好多溫泉旅館，收費以小時計。

如果唔想浸全身，老人家又唔想洗錢，新北投站附近復興公園泡腳池，免費，中老年專埸。浸到想走 → 新北投站捷運返去台北車站 → 地下街食野 → 行返青旅。

Day 3:

訓覺訓到自然醒，行去城隍廟方向食野，行去總統府。因為預好開放日，2樓有音樂會聽，行一圈+影相。假日參觀時間 08:00~16:00, 現場排隊入府, 有安檢, 要帶護照+入台證。中午的士去自助餐，饗食天堂，食物味道OK款式多，香港都有類似既，不過台灣平D。食完商埸樓下搭捷運去台北 101 站，上觀景台，影完相去 101 地下食野 → 捷運返青旅。

Day 4:

訓覺訓到自然醒，青旅附近食野 → 行去台北車站 → 捷運到動物園站 → 纜車上山頂纜車有幾個站，貓空行山對阿媽無吸引力，動物園由山頂行落山腳舒服好多，動物園內有免費水機+休息坐位+便利店 (有熟食飯盒杯面等等)，中午行到餓就食便利店，行到山腳已經傍晚，捷運返青旅附近食野

Day 5:

中午機, 一早附近買完手信去機埸，換返港幣，上機返香港