Baby Kingdom - 親子王國 香港 討論區 › 首頁 › 在職全職› 邊有人唔想抱孫架

在職全職

收藏本版
發帖
返回列表
跳至頁

首頁
1

尾頁
   0
MIMI_CHOW


複式洋房

積分: 114


1#
發表於 09-5-14 11:58 |只看該作者
大家快來評下理……..

今年25歲, 我個女一歲半了, 我結左婚後同老爺奶奶一齊住, 平時相處都ok,
係間唔中為左個女意見不合, 因為佢湊女既方式我唔認同,
但都唔會嘈交0既, 關係算唔錯. 由於我要工作, 所以湊女0既責任交比我奶奶,
佢差唔多65歲了, 身體非常健康! 但我老爺就患了肝癌,
今年年頭做左手術, 要長期出入醫院, 現在待康復中.

我本人非常想生多一個bb, 一黎自己好鐘意小朋友, 而且我想我個女有個伴,
同老公商量過, 如果再生的話, 都係幾年後0既事,
因為現在生活環境, 經濟各樣都唔許可, 所以plan 下幾年後生活會唔會好d再講.

呢件事我都冇同奶奶講過, 因為佢由我生完女女開始, 就已經暗示明示我生一個就夠了,
再生0既話邊個湊? 邊到咁有錢養多個bb….之類0既說話!!
成日有意無意間同d親戚朋友講 ‘ 唉, 生咁多做咩丫…..”

或者 “ 唔生咯, 一個夠咯….”

或者人地問我幾時再生bb,
佢就幫我搶答 “生多個邊個湊呀…”

頂…..佢成日幫我答哂, 有冇真正問過我地0既意思???
我覺得佢咁講, 好似好刻薄咁, 就算我再生, 又點 jei, 佢憑咩阻止我生, 我又唔使佢養, 唔使佢湊,
再講, 過多幾年佢都70歲,
邊有能力幫我湊, 就算佢肯湊, 我都唔放心交比一個70歲0既老人家湊bb,
我唔明點解佢要咁講, 係咪因為佢已經有2個孫女
(我老公家姐生左2個女), 咁我只可以生一個?
我媽咪成日問我, 幾時生多一個, 我知我媽咪仲好想抱孫, 我就同佢講, 遲多幾年先.

我眼我老爺奶奶都好錫我個女, 唔係唔鐘意小朋友,
但點解佢要講一d 咁0既說話!!!
我要生, 又關你咩事呀…..
我好鬼炆…….. 人地d 奶奶只會問d 媳婦幾時再生bb,
但我奶奶咁叫我唔好生….真搞笑… 我唔會理佢,
我會同我老公實現我地幾年後0既夢想!!
私人傳訊

Mc_Q


別墅

積分: 505


2#
發表於 09-5-14 12:40 |只看該作者
樓主, 你好. 我都有一個5歲既囝囝, 我同62 & 99 唔同住既, 但關係叫ok啦。因為我地兩公婆要返工, 所以囝囝跟62 & 99住。 兩三年前我已經想生多一個, 我媽咪都鼓勵我生多個, 我媽咪肯幫我湊, 但c6當時就話遲d先... 拖字訣；99知道後就話 "一個就夠啦" or "我唔會再幫你湊架" or "集中火力比一個細路咪好囉"... c6 受99影響, 都話唔生多個 :(

最近.. 99有個親戚問我幾時生多個, 99竟然話無意見, 又話如果要生, 應該係個大囝兩三歲時就生啦, E+相差太遠啦...

果刻我都 "O" 晒咀, 我無怪99既.. 只係好唔開心 ... 邊有99唔想百子千孫架... ! 我同C6亦因為生BB既問題, 攪到關係破裂! 唉

樓主, 只要你同你老公都願意生多個, 唔需要理人地點睇。
私人傳訊

MirandaLin


別墅

積分: 945


3#
發表於 09-5-14 22:05 |只看該作者
原帖由 chelsealily 於 09-5-14 12:58 發表
如果樓主有能力, 唔需要奶奶幫手揍嘅, 咪照自己嘅計劃生囉, 最緊要你同老公意見一致啫, 因為養育兒女嘅責任係你地度. 唔使太介懷人地點講嘅.
"不過話時話, 真係未必個個老人家都"恨"抱孫個喎! ... " 絶對同意,同看吓佢等幫邊個揍了!
私人傳訊

建男媽咪


大宅

積分: 3472


4#
發表於 09-5-15 06:44 |只看該作者
原帖由 MIMI_CHOW 於 09-5-14 11:58 發表
大家快來評下理……..

今年25歲, 我個女一歲半了, 我結左婚後同老爺奶奶一齊住, 平時相處都ok,
係間唔中為左個女意見不合, 因為佢湊女既方式我唔認同,
但都唔會嘈交0既, 關係算唔錯. 由於我要工作, 所以湊女0既 ...


你情況跟我老公果邊d人一樣, 如果比我, 我唔會理佢, 最緊要自己鐘意

私人傳訊

gigi1020


珍珠宮

積分: 47029

好媽媽勳章 畀面勳章 環保接龍勳章 hashtag影視迷勳章


5#
發表於 09-5-15 09:39 |只看該作者
"由於我要工作, 所以湊女0既責任交比我奶奶"
咁你有無請工人幫你99湊你個女?一個老人家湊好辛苦架, 你62又有病, 其實如果你地經濟環境許可, 又唔使99湊, 你唔需要理佢講勿, 你地鍾意有養得起咪生囉....
私人傳訊

bbeasy25


男爵府

積分: 7989


6#
發表於 09-5-15 12:03 |只看該作者
Agree with gigi1020. You need to hire a maid to take your bb.
私人傳訊

RAA


珍珠宮

積分: 35640

2025勳章 2025勳章蛇年勳章 2018復活節勳章 好媽媽勳章 醒目開學勳章


7#
發表於 09-5-15 13:27 |只看該作者
原帖由 MIMI_CHOW 於 09-5-14 11:58 發表
大家快來評下理……..

今年25歲, 我個女一歲半了, 我結左婚後同老爺奶奶一齊住, 平時相處都ok,
係間唔中為左個女意見不合, 因為佢湊女既方式我唔認同,
但都唔會嘈交0既, 關係算唔錯. 由於我要工作, 所以湊女0既 ...



其實你咁講嘢有D刻薄就真, 記住你而家都仲要你奶奶幫手湊女呀! 你奶奶成65歲, 要湊個歲半嘅小朋友, 又要照顧有病嘅老公. 就算有工人幫手都辛苦啦!
私人傳訊

Dearivy


禁止訪問

積分: 4751


8#
發表於 09-5-15 14:34 |只看該作者
提示: 作者被禁止或刪除 內容自動屏蔽
私人傳訊

Gar


大宅

積分: 3744


9#
發表於 09-5-16 01:55 |只看該作者
原帖由 Dearivy 於 09-5-15 14:34 發表
我好記得我生仔個時, 我阿爸就同我講過一句咁既說話: 仔係自己生既, 就要自己湊, 一代人養一代人, 老一輩不願意, 是不能勉強老一輩幫你地湊仔架.
公平的講, 我都覺得自己父母又好, 老爺奶奶又好, 都係無責任要幫我地 ...


絕對同意, 唔好覺得奶奶同妳湊係應該. 況且妳話老爺同奶奶都好錫妳個女, 即係佢地係有心無力 law. 既然妳媽咪都想妳生, 可以叫妳媽咪湊. 我相信妳奶奶唔會反對妳再生.
私人傳訊

060905


男爵府

積分: 6052


10#
發表於 09-5-16 10:56 |只看該作者
原帖由 Dearivy 於 09-5-15 14:34 發表
我好記得我生仔個時, 我阿爸就同我講過一句咁既說話: 仔係自己生既, 就要自己湊, 一代人養一代人, 老一輩不願意, 是不能勉強老一輩幫你地湊仔架.
公平的講, 我都覺得自己父母又好, 老爺奶奶又好, 都係無責任要幫我地 ...
絕對同意, 其實父母養到我地咁大, 已經盡晒養育之恩, 我地應該反過黎感激佢地仲肯幫我地湊呀！

我媽咪幫我湊盈盈時53歲, 佢身體一直都好好, 我地無請工人, 我媽咪一個人湊盈盈, 睇見佢呢幾年黎瘦左好多, 骨頭都差左好多, 我媽咪湊盈盈辛苦到都係話只幫我湊一個, 但係我地兩公婆無好似你咁怪佢, 反而更加感激佢咁辛苦但係仲咁有心機幫我地湊盈盈。

我6299都係好恨抱「孫仔」佢地係盈盈未滿月時開始成日叫我地再生, 我地就話再生都得, 婆婆湊一個己經好辛苦, 一係你地准我地請工人, 一係你幫我地湊, 我6299唔鐘意請工人, 結果咪我99辭職湊我另外一個小朋友囉, 雖然我好唔滿意99既湊仔方法, 不過佢兩老都仆心仆命幫我湊仔, 唔太過份, 我都唔會出聲, 因為老人家湊孫俾義務, 唔係應份。
私人傳訊

MIMI_CHOW


複式洋房

積分: 114


11#
發表於 09-5-16 12:28 |只看該作者
我個女都係叫盈盈 ^.^

我明白你地想講咩, 我當然知道老人家幫我湊BB係好辛苦! 佢肯幫我湊, 已經係好好彩, 我只係覺得好奇怪, 點解佢要講一D咁0既. 話時話, 自己呀媽同奶奶, 真係好唔同, 自己呀媽同佢講咩都得, 但對住奶奶, 好似咩都要諗過度過先敢講, 我唔想講錯野搞到D老人家唔開心!! 究竟我要用咩心態面對佢, 大家又會開心D....

原帖由 060905 於 09-5-16 10:56 發表
絕對同意, 其實父母養到我地咁大, 已經盡晒養育之恩, 我地應該反過黎感激佢地仲肯幫我地湊呀！

我媽咪幫我湊盈盈時53歲, 佢身體一直都好好, 我地無請工人, 我媽咪一個人湊盈盈, 睇見佢呢幾年黎瘦左好多, 骨 ...
私人傳訊

060905


男爵府

積分: 6052


12#
發表於 09-5-16 14:15 |只看該作者
係呀架啦, 兩母女由細湊到大, 有感情, 有血緣關係, 同埋好多阿媽都係廿四孝, 自己仔/女講既野一定岩聽, 好多時人地女(新抱)/仔(女婿)講野實無咁岩咀形, 所以有時唔鐘意都無計架啦, 我媽咪幫我湊盈盈, 有咩問題我都會同佢講, 佢都會好接受我意見, 相反99湊仔既方法, 我好都唔滿意, 唉....又可以點丫, 有時咪搵老公就傳聲個果, 佢個仔講野99點都會順氣d, 但係如果佢老人家唔聽都無計, 所以我有d陀鳥政策, 佢鐘意點湊佢話咯, 無眼屎乾淨盲, 唔係可以點呀！

咁見佢兩老又係仆心仆命, 不過係寵到死..... 咪唯有算囉！

如果你媽咪真係好想抱孫佢又肯幫你湊, 或者你好似我咁一遲湊一個咁囉, 大d先算！

題外話, 你個女好得意呀！
原帖由 MIMI_CHOW 於 09-5-16 12:28 發表
我個女都係叫盈盈 ^.^

我明白你地想講咩, 我當然知道老人家幫我湊BB係好辛苦! 佢肯幫我湊, 已經係好好彩, 我只係覺得好奇怪, 點解佢要講一D咁0既. 話時話, 自己呀媽同奶奶, 真係好唔同, 自己呀媽同佢講咩都得, 但 ...

[ 本帖最後由 060905 於 09-5-16 14:42 編輯 ]
私人傳訊

MIMI_CHOW


複式洋房

積分: 114


13#
發表於 09-5-16 22:11 |只看該作者
最慘有時我叫我老公同佢呀媽講D野, 佢地最後都會嘈交,
佢地性格太似. 都係燥底... 所以有咩唔滿意, 同老都幫我唔到.....

原帖由 060905 於 09-5-16 14:15 發表
係呀架啦, 兩母女由細湊到大, 有感情, 有血緣關係, 同埋好多阿媽都係廿四孝, 自己仔/女講既野一定岩聽, 好多時人地女(新抱)/仔(女婿)講野實無咁岩咀形, 所以有時唔鐘意都無計架啦, 我媽咪幫我湊盈盈, 有咩問 ...
私人傳訊

060905


男爵府

積分: 6052


14#
發表於 09-5-17 01:54 |只看該作者
咁呢d真係死症, 唯有自己睇開d同我地呻下都無乜野可以做到。

好似我99咁, 餵佢個外孫女幾啖飯, 用同一碗飯+spoon餵我個女幾啖, 又再餵盈盈, 講左好多次叫佢唔好, 第一好唔衛生, 就算佢地係兩姊妹我都唔會咁做, 第二感冒有潛伏期, 佢個外孫女身體幾好啦, 一日都黑都病！我真係唔知我個仔俾佢湊時, 我都唔知佢食幾多人口水尾。

[ 本帖最後由 060905 於 09-5-18 01:21 編輯 ]
私人傳訊

irenelwl


男爵府

積分: 8749


15#
發表於 09-5-18 00:56 |只看該作者
唔好諗埋一面LA, 我媽都叫我唔好生多個, 都話唔會再同我湊第二個, 成日話我女難湊, 生多個如果更難湊更煩,又話生多個點養, 我媽都講得好難聽GA,。不過佢講的都係真的喎, 所以我自己想, 如果自己可以找到以上的解決方法, 咪可考慮生多個LAW。

原帖由 MIMI_CHOW 於 09-5-16 12:28 發表
我個女都係叫盈盈 ^.^

我明白你地想講咩, 我當然知道老人家幫我湊BB係好辛苦! 佢肯幫我湊, 已經係好好彩, 我只係覺得好奇怪, 點解佢要講一D咁0既. 話時話, 自己呀媽同奶奶, 真係好唔同, 自己呀媽同佢講咩都得, 但 ...
私人傳訊

已刪除用戶


已刪除用户

積分: 2732


16#
發表於 09-5-21 11:53 |只看該作者
提示: 作者被禁止或刪除 內容自動屏蔽
私人傳訊

kantanjin


大宅

積分: 1272


17#
發表於 09-5-21 12:33 |只看該作者
樓主

有架，我咪自己既父母唔想抱孫.

我作小產時唔敢佢地講, 我怕佢地擔心. 後來穩定左先同佢地講, 當時佢地反應令我o晒咀. 佢地唔出聲, 掛住食飯, 望住電視, 當無事發生. 我望住佢地, 佢地係唔望我, 仲要講電視既內容...

生左後, 叫佢地多點來探孫 咁可能遠唔來. 我唔怪佢地, 到終於肯來時, 入門口叫下個孫, 根住就叫我快開電視要睇新聞, 一係找報紙睇, 我媽媽仲試過拿個收音機出來, 自己用耳筒聽粵曲, 仲可以同我爸研究邊個唱得好, 唱得衰.

我個仔對外公外婆都好陌生. 得歲幾, 見佢地唔同佢玩. 寧願走入房訓覺 (我個仔每鈔都要人陪佢玩, 連陌生人都會拉住叫一齊玩) 我仔仔都有咁既反應.....

一係做節食飯, 我爸爸媽媽都係唔理個孫. 媽媽有時就把我仔仔既行為跨大左, 根住話好好笑, 自己係到狂笑(根本唔好笑, 仲覺得好無聊) 我爸爸就不停大件大件咁夾晒送來食. 唔會話將D送比孫仔食. 我媽媽就不停口鬧我爸爸食相醜怪失禮人. 我同老公就不停剪送比仔仔食. 到我地想食時, 望下前面真係無送可食.

我覺得唔係見到個孫會好開心玩, 爭住餵飯嗎? 影相又係, 我媽媽永遠即時縮開避開唔影. 點解要咁閃縮.

而家仔仔咁細, 遲下識講野時, 我相信仔仔都唔想見外公外婆.

所以真係有人唔想抱孫的 (仲要係我自己既親生父母) 令我好唔開心及失望. 亦都做就仔仔會痴99那邊 (我唔想但無法子, 自己人都唔爭氣)

樓主及其他媽媽, 妳地好幸福架啦~
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy