吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 垃圾到不知所謂的姐姐加中介

論盡家傭今日: 3|主題: 134006

收藏本版

發帖

返回列表

跳至頁

查看: 6571 | 回覆: 46

垃圾到不知所謂的姐姐加中介 [複製鏈接]

12 3

Szesze0507

大宅

積分: 3797

1^#

發表於 19-11-14 22:14 |只看該作者 |倒序瀏覽 |打印

本帖最後由 Szesze0507 於 19-11-14 22:24 編輯

背景：中介(以前的舊同事，以前係老師，重做左6-7年朋友）黃**老師推介（垃圾到不得了，為賺錢乜都做，厄朋友）
經過：之前姐姐經佢手請，好到不得了，但回印尼了，黃**老師（中介）介紹了一個從未來過香港的菲律賓牧師太太俾我，話佢樣樣都好掂，一定幫到手，所以我信左，亦俾佢厄左。

姐姐7月頭到港，至今已經4個月，仍然不知所謂，應唔應該炒左佢？
7月至今，從未幫過我女冲涼，中介話你要同佢講，佢先做，照顧小孩照顧到唔幫冲涼，我真係未見識過。
我7、8月放假，所以差不多所有野我自己做，佢淨係拖地洗衫，飯都無乜煮過，我地差不多曰曰出街食。工作表現一般。九月十月就見真章了。

九月開始，每天傳訊息俾我，問今晚煮乜餸，我工作繁忙之余，重要每曰回想屋企雪櫃有乜，工人姐姐完全唔識自己決定，而且煮得好一般，我已經手把手教過佢，教左佢幾次，只可以用一個字形容，係熟的，好一般。而且淸潔麻麻，地下好污糟，叫佢先做，我唔係屋企，要返屋，佢負責照顧我女（4歳），所以都忍佢。
佢每日問，

0 0 0

私人傳訊

rainbowww

別墅

積分: 501

2^#

發表於 19-11-14 22:40 |只看該作者

Szesze0507 發表於 19-11-14 22:14
背景：中介(以前的舊同事，以前係老師，重做左6-7年朋友）黃**老師推介（垃圾到不得了，為賺錢乜都做，厄朋 ...

換啦你咁樣真係好辛苦

私人傳訊

Szesze0507

大宅

積分: 3797

3^#

發表於 19-11-14 22:42 |只看該作者

回覆 Szesze0507 的帖子

工人姐姐每曰問食乜餸，直至10月中，我發現好多野都壞，引發了很多問題。首先，佢原來無煮飯/麵俾我女做午餐（阿女返下午班），只係俾包果汁同麵包佢食，重要原來佢無同阿女刷牙，阿女牙仔變黄了，婆婆(不同住）問才知道姐姐無煮嘢阿女食。
重申：工人姐姐41(我也不嫌她老）,有兩個仔在菲，好似完全唔識照顧小孩一樣

同中介講，中介竟然可以話菲姐話阿女唔想食，所以唔煮，簡直係不知所謂。

最不知所謂的，係我屋企個濾水器爛左，一定係工人整爛，因為係用刀砍爛條管，個中介重埋沒良心話爛得好奇怪，整爛野唔緊要，我可以買新，問題係我由始至终都唔知，都唔知飲左幾多污糟水。有一曰，我去廚房洗手，見濾水器條管挷左繩，貼左膠紙，覺得好奇怪，拆開竟然見條管砍爛左，菲姐竟然答我：（I don’t know,mum)有無攪錯，你唔知又點會用膠紙貼返。好，我忍，之後部洗衣機又壞埋，我都忍。

私人傳訊

Szesze0507

大宅

積分: 3797

4^#

發表於 19-11-14 22:56 |只看該作者

回覆 rainbowww 的帖子

重有後續的，除左整爛濾水器唔認，整壞洗衣機唔忍，無同阿女刷牙，無煮飯俾阿女外，我在10月發現我屋企有床蝨，好明顯係菲姐啦，個中介重可以話床蝨區區都有，叫我快啲搵滅蝨公司，有無搵錯，係咪痴線架，我屋企本來都無蝨，根本係因為個姐姐囉。好，我都忍。
10月某一日，我在家，竟然發現個菲姐切野係唔用帖板，直接在手上切，我已經o左嘴，重有，佢竟然將我啲芝士腸搣左層皮，煮到好似豬油咋咁，叫佢煮豬排，佢竟然落5大匙油，直接放入鍋，然後蓋蓋，完全無調過味，我又再教。夜晚重勁，叫佢煮魚塊，我在客廳聽到油聲，立即入廚房，見到油鍋已熱，但啲魚塊係無切無調味地放在一旁，完全晤知佢想點，好，我又再教。

之後重勁……

私人傳訊

豆太太

複式洋房

積分: 492

5^#

發表於 19-11-14 22:59 |只看該作者

回覆 Szesze0507 的帖子

菲係好衰咖！10個9個都係甘！無愛心、懶、講大話、偷野⋯你請過印都知會好大分別！不如自己去另一間再請過啦！

私人傳訊

Szesze0507

大宅

積分: 3797

6^#

發表於 19-11-14 23:08 |只看該作者

回覆 Szesze0507 的帖子

之後，個中介話幫手跟，個菲姐就不停自己在廚房哭泣，我想講，佢攪到我屋企咁，我一句都無閙過佢，佢重想點，我教佢煲湯，佢又一邊喊一邊學，攪到我都唔想教，同中介話，佢先爆話菲姐之前係黎過香港，一個月唔夠就俾人炒左，因為洗花左個易潔鍋。所以我主動聯絡前顧主（中介的朋友）點知前顧主話菲姐(佢堅係乜都唔識，只識洗廁所和拖地),(完全唔識煮飯，菲姐話佢從來無煮過飯，係老公煮),(佢整爛咗我一把抽氣扇，一隻易潔鑊，但佢話唔關佢事),(仲要黑我面),(再同我老公哭訴，話我和婆婆黑面，佢唔開心)聽到前顧主咁講，我真係想喊，俾過朋友厄左。之後.....

私人傳訊

Szesze0507

大宅

積分: 3797

7^#

發表於 19-11-14 23:22 |只看該作者

本帖最後由 Szesze0507 於 19-11-14 23:32 編輯

回覆豆太太的帖子

重未完，佢唔識煮，我教佢，個中介重錄段野黎，話顧主唔識，個姐姐好難識，痴缐架，我唔常煮係因為忙，唔係唔識，重有，我有俾錢架，是否應該請到個識煮的工人，中介話佢乜都ok,原來定義係乜都放落鍋，蓋蓋煮熟就叫ok
之後重陸續有黎，菲姐whatsapp中介話自己upset,話我要求高，係咪傻架，我係請你返黎幫我手解決問題，唔係製造問題俾我。之後個晚，我入廚房竟然見到袋麵包內有曱甴，同個中介講，姐姐係咪晤想做？，都無改善.......，佢想走，可以通知我，我會放佢走的，唔洗咁呀！俾我地食曱甴包，個中介又再本末顛倒咁話，叫我用什麼牌的曱甴藥，好有效，係咪顛架，好明顯係菲姐無衛生，源自菲姐囉，攪到咁多曱甴⋯⋯

私人傳訊

Szesze0507

大宅

積分: 3797

8^#

發表於 19-11-14 23:51 |只看該作者

本帖最後由 Szesze0507 於 19-11-14 23:54 編輯

回覆 Szesze0507 的帖子

我問前顧主，佢話菲姐(佢日日都好慘咁，又喊住食飯),重有菲姐自己係我屋企彈琴，完全無做工人的自覺，我屋企係咪真係無野做到可以工作時間彈琴，簡直係人都顛.....
我同中介講，唔想姐姐日日問食乜，佢話會跟，原來跟的定義係轉由佢whatsapp我問，根本無分別，重要同我講:(依家我係幫你解決問題,如果你唔同我合作冇問題,你可以鍾意做你鍾意做嘅嘢),有無攪錯，完全好似係我有問題囉⋯⋯

我老公叫佢煮麵，佢就煮意粉，重要煮5人份量，我老公話食死佢，完全唔知姐姐攪乜。我已經提左姐姐了😖😖😖😖佢煮啲蒜容抄菜係苦𠺢……

我屋企盆花擺左係廳2個月，估謝到變爛花都唔掉😭😭😭😭薯仔擺到發曬牙都唔煮😱😱😱要掉，姐姐煮左5人份量的意粉仍在雪櫃中，無人理,浪费食物😖😖😖菲姐從來唔會翻熱雪櫃內的食物俾我地，放耐左，只有不停倒。無啦啦攞左我舊$50豬肉整肉餅，難食到嘔，最重要係浪费，塊肉餅大過我塊面，只有3人食，非常難食，之前已教過佢3次如何整，仍無改善，完全唔識预份量。菲姐重要向中介哭訴返轉頭，

私人傳訊

Szesze0507

大宅

積分: 3797

9^#

發表於 19-11-14 23:56 |只看該作者

回覆 Szesze0507 的帖子

前顧主的經歷：其實一直想不提這事，因我在一月已即日炒公主，也知道她在七月已來港再工作。但仍想小器地講一講她的行為。

由於事出突然，無辦法耐心選擇公主，唯有臨急決定請佢，只要求佢清潔，協助婆婆接送女兒上幼稚園和煮飯。當時公主和agent都話懂煮飯和懂清潔，未嚟過香港，在菲係牧師老婆，係虔誠基督徒。

十二月中嚟到，笑臉迎人。好親切好乖咁！因我要返工，因此我講明婆婆嘅說話就係我嘅說話，一定要聽。

第一星期：唔識煮飯，連煎蛋都唔識。我問佢係菲唔洗煮飯，公主話佢老公負責煮，佢唔洗做。結果，婆婆繼續負責買餸煮飯。日日洗抽油煙機，但到某日，抽油煙機油格不斷漏油出嚟，叫佢打開睇，油已裝滿晒。婆婆叫佢清潔返油格，公主即黑面。

第二星期：將一隻剛買返嚟嘅易潔鑊洗到花晒。婆婆問佢用乜洗，公主表示用布油，啲花痕唔關佢事。我哋無追究，只係掉咗隻鑊。

第三星期：洗壞抽氣扇，完全開唔到！我哋仍然無追究。每逢阿sir在家，就搽粉底和唔紥瓣地工作。

第四星期：趁我返工，婆婆和阿女去街，同阿sir聲淚俱下投訴婆婆話佢洗花隻鑊和黑佢面，投訴我唔比個女跟佢。另要求四月回菲過復活節。我係係cam度睇到和聽到所有內容。

我放工回家，即時叫佢執嘢，出信計糧出機票，叫agent接公主走。

臨走，公主喊住問我係咪好憎佢，我話我從來無咁諗過。公主問咁點解佢做完家務，我一句讚美佢嘅說話都無。我話每次我見佢完成工作，已講👌🏻，仲比佢20:45就入房休息或瞓覺，同老公和仔視訊。每朝我0650出門口，佢都未起身工作。仲想要乜嘢讚美？

私人傳訊

Szesze0507

大宅

積分: 3797

10^#

發表於 19-11-14 23:58 |只看該作者

Szesze0507 發表於 19-11-14 23:56
回覆 Szesze0507 的帖子

前顧主的經歷：其實一直想不提這事，因我在一月已即日炒公主，也知道她在七月已來 ...

中介（即黃**老師係知道呢件事，重要埋沒良心幫菲姐，明厄朋友）

私人傳訊

Szesze0507

大宅

積分: 3797

11^#

發表於 19-11-15 00:14 |只看該作者

回覆 Szesze0507 的帖子

重有，菲姐用煎pan蒸包、蒸野食，我預左個煎pan已經無𠺢啦。10月某星期日，一早起床，去到廁所，竟然見到成地長頭髮，完全唔知想點，中介重講教菲姐煮餸，教左基本常識同衛生先啦，要我幫菲姐執手尾。

其實，菲姐已經無乜野做。中介就話菲律賓公主好辛苦，星期一至五，早上，我老公送大女返學，公主只係在家睇住我细女，整早、午餐🥣佢食（點知佢俾垃圾我女食）之後同佢換校服，送佢落樓下搭校車，之後公主無野做。然後2:30去我大女學校接佢放學，跟住返屋企樓下等校車，接埋妹妹返屋企。公主只走一度，就係大女學校，其餘都係屋企。菜都唔洗買，同埋唔洗佢行，我樓下就係巴士站了。

個中介重要係Facebook 教菲姐煮飯，煮腸仔同雞翼，完全突顯菲姐的無能，出街食仲健康過佢煮。重要自從話佢無煮飯俾阿女食，佢就煮埋啲垃圾俾阿女食，好彩我奶奶👵星期一、三、五過黎，奶奶見啲飯咁難食，自己另外整左俾我女食，倒左佢啲垃圾。
有次我買左豬扒返家，跟住菲姐問我洗唔洗改煮我pack豬扒，佢啲雞翼解凍中，又點改煮其他，解凍完再雪，會有好多菌
有次我返到屋企，

私人傳訊

Szesze0507

大宅

積分: 3797

12^#

發表於 19-11-15 00:37 |只看該作者

回覆 Szesze0507 的帖子

有一晚，我夜晚返家，竟然發現電飯煲啲陶層洗到無左，菲姐同中介講話唔關佢事，係之前的姐姐整，話我揾reasons angry about her，被害妄想症，覺得我屈佢，真係痴線，我就黎激死，點解我要find reasons 去angry about her,我好得閒咩宜家，痴線架，你無做任何野，人地點會話係你，都痴架，佢未黎之前我都有煮飯，個飯煲唔係咁囉……成日唔認錯。我老公叫我忍，因為佢重要照顧我的細女。好，我又忍佢。
自此，已好少叫左煮飯，唸住叫佢洗廁所，點知水龍頭同花灑都爛埋，重要唔講，等我自己發現，誠信完全有問題。

重有，我日日執手尾，食唔曬的飯會求其放廚房櫃台，唔會放入雪櫃，啲洗左的衫求其掛在浴室，每晚都要幫佢收衫，長期無熱水，好多時我自己煲。唔知有無做清潔，摸到沙發係黑黑的塵，每曰用3個鐘煮飯，菲姐一接完阿女放學（5:00前），就開始在煮飯，一煮3個鐘，完全唔知佢攪乜。

有次我返到屋企，見佢竟然用我50粒元貝(大粒）去滾個冬瓜湯，我真係欲哭無淚了。又有一次，我買左pack調味豬扒，叫佢焗，佢竟然用平時食飯的叉去插舊生豬排，然後我叫佢用刀切，佢竟然求其攞把剪紙剪刀黎剪開塊扒。

私人傳訊

Szesze0507

大宅

積分: 3797

13^#

發表於 19-11-15 00:45 |只看該作者

回覆 Szesze0507 的帖子

自從飯煲單野，我一直留意佢表现，不過佢真係一啲改善都無，當正我屋企係佢自己屋企，成曰係度唱歌，完全不理他人感受。播歌勁大聲，我女考試在房溫習都聽到。
之前中介教菲姐用報紙包菜，菲姐做左幾日又無做，勁無記性，食飯要準備紙巾，又無做，水果又無切俾我地食，得佢自己食，又食曬小朋友的蛋糕，問佢啲嘢，佢只會答（I don’t know,mum）

這菲姐，你會俾佢改過機會嗎？定我太遲炒佢？

私人傳訊

Wallsa626

大宅

積分: 2097

14^#

發表於 19-11-15 01:52 |只看該作者

我會即炒唔忍佢，我情願請住鐘點先。

私人傳訊

Clar4b

複式洋房

積分: 447

15^#

發表於 19-11-15 02:07 |只看該作者

Szesze0507 發表於 19-11-14 22:14
背景：中介(以前的舊同事，以前係老師，重做左6-7年朋友）黃**老師推介（垃圾到不得了，為賺錢乜都做，厄朋 ...

我唔會忍，聽你咁講，佢一樣優點都冇，完全幫唔到手，淨係幫你接個女，貼錢買難受，自己谷氣！
五十粒乾瑤柱滾湯，呢個真係著晒火！有常識都唔會咁做啦！

私人傳訊

rainbowww

別墅

積分: 501

16^#

發表於 19-11-15 06:53 |只看該作者

Szesze0507 發表於 19-11-15 00:45
回覆 Szesze0507 的帖子

自從飯煲單野，我一直留意佢表现，不過佢真係一啲改善都無，當正我屋企係佢自己屋 ...

你應該係個好雇主。真係好有耐性。你無問清楚距有無斷約咩？你個中介好唔老實

私人傳訊

banana@baby

複式洋房

積分: 398

17^#

發表於 19-11-15 07:55 |只看該作者

Szesze0507 發表於 19-11-14 22:14
背景：中介(以前的舊同事，以前係老師，重做左6-7年朋友）黃**老師推介（垃圾到不得了，為賺錢乜都做，厄朋 ...

咁過份

私人傳訊

Szesze0507

大宅

積分: 3797

18^#

發表於 19-11-15 10:05 |只看該作者

回覆 rainbowww 的帖子

好顧主我係呀，返左印尼個姐姐重同我保持聯絡，見到新聞報導香港好亂，佢主動關心我地的安全，重寄左一大箱特産俾我地！個中个（黃**老師）同我以前係同事，又做左幾年朋友，知道我容忍度高，所以厄左我，最攪笑係，佢覺得自己係幫緊人（菲姐），但黃**老師條數係咪計錯左，幫一個，害我全家四個人，重要麻煩我奶奶黎幫手，簡直荒荗到極點。

我重未講完，菲姐整爛左水龍頭，我無出聲，想睇下佢會唔會同我講，已經三個星期都未講，重點係有一我返到屋企，去廁所，竟然見到佢係我洗手盆度洗緊衫，都唔知有無洗佢自己啲內衣褲⋯⋯菲姐黎左5個月，我重未見過佢冲涼…

琴曰去宜家食野，我用叉拮雞翼俾佢，菲姐竟然用手抆，佢隻手當然係無洗過，見到都咁，我想我返工時，佢衛生都唔掂。

所以大家覺得應該一早炒左佢