吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 時政擂台 › 時事熱話› 真心想問,您地真係咁睇得開?如果係,點樣做到架? ...

時事熱話今日: 0|主題: 3950

收藏本版

發帖

返回列表

跳至頁

查看: 6869 | 回覆: 67

真心想問,您地真係咁睇得開?如果係,點樣做到架? [複製鏈接]

12 3 4

~仔仔媽咪~

水晶宮

積分: 51912

1^#

發表於 19-11-24 12:52 |只看該作者 |倒序瀏覽 |打印

突然好似覺得淨係我諗到咁絕望咁灰,但出面個個人都仍然好似冇野冇問題一樣,照樣夜夜笙歌,照去旅行玩樂亂買衫去癲去玩,覺得堵路冇問題,覺得大學間間變燒烤場冇問題,市民被打冇問題仲有好多人笑得好大聲...學校停課又冇問題...仲有好多...其實係點樣能夠令到自己完全唔當眼前呢啲係一回事,繼續開開心心咁响香港生活落去?

我真係有啲誇張,個囝間學校宣佈呢個學期唔駛番學校上課,依家至搞緊網上教學,我話俾老公知,隻佬求其响電話度爆粗,我由星期三喊到依家...出街超級焦慮怕多人怕坐地鐵怕睇到一街都係爛野,已經出門塞耳機大大聲開日文訪問嚟聽(我自修開日文),我都唔想聽出面任何聲音,夜晚聽警車聲聽到我有少少幻聽,全家人得我聽到警車聲(屋企痴住兩條行車天橋)...我真係好攰..

【被花生化】做咗花生友好耐,仍然tune唔到大家果個境界...依然好灰.

0 0 0

私人傳訊

maskuito

複式洋房

積分: 134

2^#

發表於 19-11-24 13:35 |只看該作者

~仔仔媽咪~ 發表於 19-11-24 12:52
突然好似覺得淨係我諗到咁絕望咁灰,但出面個個人都仍然好似冇野冇問題一樣,照樣夜夜笙歌,照去旅行玩樂亂買 ...

唔好介意我先講一句，你個情況再持續咁落去，會屈出病！你身邊有冇正面嘅朋友可以傾訴吓？如果市面嘅破壞真係令你唔舒服，盡量唔好去啦！你可以話咁樣係逃避，但問心....咁又可以點樣呢？每個人都用緊佢哋嘅方式發洩嚟表達不滿，喺討論區貼文、跟義工幫手清潔香港、投票選出真心為香港好嘅議員，我等緊最重要嘅立法會選舉，將搞亂香港嘅泛民踢出立法會；但要令香港回復以前咁絕對唔係一朝一夕嘅事，首要自己個能量唔好被佢哋影響，一定唔可以灰心，香港係有好多沉默的一群，但唔代表默認暴力同破壞，你要加油！唔好灰心！要增加自己嘅正能量！
最後，如果你嘅情況仲係咁，真係要去睇醫生～唔好因為佢哋嘅行徑而令自己生病！你個小朋友仲需要你嘅教導，讓佢知道咩叫是與非！

私人傳訊

~仔仔媽咪~

水晶宮

積分: 51912

3^#

發表於 19-11-24 14:02 |只看該作者

回覆 maskuito 的帖子

多謝您回我先!

我都唔想出街,但要番工,已經用行路番工都成個幾兩個月,唔想坐地鐵,成日塞地鐵好煩...諗住俾自己行吓當做運動會好啲,結果依家又好似失效咁...anytime 每分每秒都處於好sad咁既mode...揾朋友...好遺憾我身邊全部都係顏色人士,我唔係黃,佢地唔認真好好地講到俾我知佢地點樣諗,下下都講野懶係有隱喻,再唔係就乜都打橫倒轉嚟講,呢吓我好失望...大家咁高咁大,做咩咁樣做人?好咩?識咗卅年一向覺得佢最純最乖果啲朋友,依家竟然性格調轉哂,變得好粗口好激進好打橫嚟諗野講野,我認我唔叻,我handle唔嚟,搞唔掂...總之好多野我都接受唔嚟,亦思考唔到...明明果啲就係大話精係欺凌者,點解咁都要支持要跟住佢地打橫嚟講野,啲事實道理倒轉哂?

私人傳訊

~仔仔媽咪~

水晶宮

積分: 51912

4^#

發表於 19-11-24 14:17 |只看該作者

回覆 maskuito 的帖子

講開阿囝,個囝都成年,佢點諗我都control唔到,佢本身有少少自閉扎界,好少表達自己所想,有啲不問世事,但當暴力示威開始咗個幾月,佢同我一齊睇新聞,佢忍唔住亦好confused咁細細聲唔開心咁同我呻咗句:"(已經就住講)我開始越嚟越唔鐘意香港喇...",跟住dead air...呢句到依家每次諗起我都好sad...有人會講到出口話唔鐘意自己屋企嗎?我都知佢忍咗好耐,忍得好辛苦...學校爛哂,又有人亂噴字同痴美國旗,有次佢都有啲嬲同我講話佢有搣走痴响學校嗰啲美國旗貼紙...果吓我都好驚,叫佢唔好衝動,明白佢諗法,但佢做埋啲危險高危野,做阿媽既點都會驚...但又覺得我囝好可憐,明明佢好有心去讀好書,番學都係想讀書,唔係個個都想做政治家,亦唔係個個都適合搞政治...想好好地番學做好學生本份而已,咁都剝奪埋?

私人傳訊

Lhin

侯爵府

積分: 24759

2024年龍年勳章

5^#

發表於 19-11-24 14:40 |只看該作者

回覆 ~仔仔媽咪~ 的帖子

樓主，加油
其實我都好睇唔過眼班垃圾周圍破壞
不過，我一個師奶仔可以做d咩
又試過因為同老公亞仔政見不同而嘈交，為什麼？

總要為自己和屋企人

私人傳訊

20162016

翡翠宮

積分: 86178

6^#

發表於 19-11-24 15:09 |只看該作者

Lhin 發表於 19-11-24 14:40
回覆 ~仔仔媽咪~ 的帖子

樓主，加油

你見人好，人哋又見你好啫，香港總有幾百萬人好似你依家嘅心情，所以你並不孤單架！其實你已經好好，起碼你個仔都冇激你心！有好多人一樣，窮得只剩下自己屋企人添啦，呢場仗但求無愧於心，做好自己，環境未必因你而改變，但你嘅心情還可以由自己作主！！得閒上嚟呻下，呢到d jm 都好有正能量架！

私人傳訊

c9hoyeah

複式洋房

積分: 266

7^#

發表於 19-11-24 15:26 |只看該作者

樓主放心，你並不孤單！我諗呢個時候有負面情緒好正常，唔需要覺得係咪得自己先咁誇張，始終香港一直以黎都太和平，好難面對突然之間變到咁亂。你知道邊D係岩邊D係唔岩就得啦，相信自己。你要明白呢個世界連邪教都會有好多人信，有D人諗既野你真係唔會明白。你會覺得社會搞到咁，你會為你囝囝感到傷心係因為你有善良既心，總之好好做人，但求無愧於心！捱過就冇事嫁啦，一場仗點都會有完既一日，好好照顧自己同囝囝。

點評

cathngai

發表於 19-11-28 08:14

私人傳訊

tp-windy

男爵府

積分: 7823

8^#

發表於 19-11-24 16:17 |只看該作者

~仔仔媽咪~ 發表於 19-11-24 12:52
突然好似覺得淨係我諗到咁絕望咁灰,但出面個個人都仍然好似冇野冇問題一樣,照樣夜夜笙歌,照去旅行玩樂亂買 ...

樓主，日子難過日日過！
大家都好無奈！
但一定唔可以灰心，你已經睇得太灰喇！唔好再困住自己係果五個月裏面，因為果五個月，已經過去咗！

明天係新一日，可能就係雨後天晴嘅日子，大家樂觀d，雨後彩虹不會遠

！
快d食杯雪糕，睇套喜劇，等自己開心番！

點評

cathngai

發表於 19-11-28 08:15

逸逸不敗

發表於 19-11-25 11:57

私人傳訊

maskuito

複式洋房

積分: 134

9^#

發表於 19-11-24 16:23 |只看該作者

~仔仔媽咪~ 發表於 19-11-24 14:02
回覆 maskuito 的帖子

多謝您回我先!

本身我唔係一個悲觀嘅人，我對人同埋事物已經睇化了，我身邊都係一堆黃人，好彩嘅係老公同囡囡同我一樣諗法，當然我都需要發洩，因為我公司正正對面2個同事每日都係咁黑警黑警咁鬧，我同一個朋友每日都被身邊嘅白痴影響，唯有佢講時就心裡暗罵囉，唔係又可以點啫，我有時會去睇吓反暴嘅討論區同FB，share裡面啲文章、圖片、影片俾朋友一齊笑吓輕鬆吓，如果破壞畫面真係會令自己不安，盡量唔好去睇！

私人傳訊

tirisc

大宅

積分: 2615

10^#

發表於 19-11-24 16:24 |只看該作者

you’re not alone. 你在街上見人冇乜嘢，可能佢地只在冇辦法之下盡量令自己過返一如以往嘅正常生活。我地就算不能改變什麼，亦吾可以被擊倒，我地要愛(emoji)自己同家人，就要保持正面積極嘅態度，而家吾係天災，係人禍，為左果d搞事份子，影響心情太吾值得!

私人傳訊

怪獸青BB

珍珠宮

積分: 34734

11^#

發表於 19-11-24 16:29 |只看該作者

回覆樓主:

有d人只係自我麻醉，例如我，唔開心會返大陸行下食下野開心下，只係逃避下問題，但起碼個刻，自己係開心，藍人其實好敏感，因為黃人太衰太邪惡，所以唔出聲怕惹麻煩，你只需要管好自己工作，家庭，利用手上一票表達意見已經夠，至於d黃人朋友，佢地繼續癲就由得佢，可以癲幾耐?生活還是要繼續，不是嗎?

私人傳訊

蚊毛

男爵府

積分: 9401

12^#

發表於 19-11-24 17:19 |只看該作者

回覆樓主:

下星期3，27號又有1田大減價，呢排sogo大減價，我成日都去，掛住shopping和吃喝玩樂，唔好睇咁多facebook和新聞，睇美容化妝&時裝&購物大減價資訊，放心，香港仲有好多正常人，無黃人咁顛喪狂

私人傳訊

~仔仔媽咪~

水晶宮

積分: 51912

13^#

發表於 19-11-24 22:24 |只看該作者

回覆 Lhin 的帖子

我還好,屋企果兩位公子都同我同一陣線,只係我囝真係被黃迫到佢變咗紅,呢樣我都頭痛,支持國家唔係問題,唔好咁偏囉...但我都明白我囝自己都忍得好辛苦...上星期解放軍出嚟幫忙清走磚頭,果半小時新聞簡直係我地呢五個月以嚟最感幸福開心既半小時...真係睇住電視都感動到想喊.

我最hurt就係自己身邊既朋友同埋同事加老闆都係黃...黃都唔係問題,大家政見唔同唔係問題,但唔好個個諗野講野都咁涼薄咁打橫倒轉嚟講吖.好辛苦...我响呢間公司做咗六年,我真心愛鍚佢地包容佢地,真心想好好守護保護愛護住佢地...五個月前初初反修例示威發生,啲人塞灣仔警署...班同事開始黃俾我睇,同我講話有朋友嗌佢放工一齊去圍灣仔警署,我叫佢唔好,語重深長要佢地安全第一,講完我真心响群同佢地講,我鍚哂佢地...但之後佢地既言行,雖則佢地強調自己唔係前線,有去遊行但唔會搞事,但每日佢地番嚟公司,或者响我地圍內既WhatsApp群,佢地講啲野我真係發夢都冇夢過佢地會咁樣講野,啲野打橫嚟講,道理反哂咁當真理去講,明明啲示威者唔堵路唔掟野唔放火唔打人,警察係唔會有位出手放TG放題佢地,唔會揾警棍制服示威者,明明道理就係咁簡單,點解佢地都仲鬧警察好TG好拉人,但有冇諗過我地都好想問,抗爭同示威,點解要跟犯法暴力相連...呢樣到依家都冇人認真答到我.我都冇阻止佢地响WhatsApp痴核突井底蛙公仔,佢地呢期好似驚我冇情緒咁,個個淨係貼井底蛙公仔去回我WhatsApp msg...早幾日我話我囝學校決定呢個學期轉網上教學,個囝冇得番學校上課,其中一個後生仔同事竟然連俾十幾個連登喊果個黃頭公仔响個群度,係咪我真心對佢地好,佢地都要咁樣嚟hurt我呢?呢個公司群係我開,但我呢次已經第二次離群,個公司妹妹仔私下WhatsApp氹我,話遲啲會再add番我入群,話個群冇咗我唔得,但佢地又咁樣,係咪虐待我為樂?我好confused.

我幾時都話,最痛最傷最sad唔係啲野受破壞,而係每日眼見香港人個心真係變哂質,變到咁樣,每次我都會問,香港人,呢啲係咪我所認識既香港人?究竟香港人想自己係啲乜野人?您讚美日本人有幾美德重禮儀,某啲大陸人有幾冇文化冇修養時,睇番依家出嚟搞事既香港人,您呢啲就係叫有修養有文化同文明民主理智講道理嗎?如有人問我香港人係點樣既人,我依家真係答唔出,因為我真係唔知.連我兒時老友,佢本身係一位虔誠基督徒,又係幼稚園班主任,個人好純好乖,但依家走嚟黃,仲要好黃...我都唔知點樣去解讀個原因.您教開小朋友,真心想小朋友因政治遊戲而受傷嗎?您係基督徒,您真係願意自己信仰同教會咁樣被政治騎劫嗎?聖詩係要嚟讚美神,唔係讚美人,榮耀只能歸於神,唔係歸於人或某個地方.點解連我信仰都咁樣俾人騎劫同抹黑....

點評

cathngai

發表於 19-11-28 08:21

私人傳訊

~仔仔媽咪~

水晶宮

積分: 51912

14^#

發表於 19-11-24 22:37 |只看該作者

回覆 20162016 的帖子

多謝您吖...我真係默默忍咗五個月...其實打從佔中忍到依家...我一直好叻冇喊,但真係搞到我囝同老公,我真係會崩潰...個囝同我講呢個學期冇得番學,我都仍然乜都唔諗,淨係好實際咁同佢諗點安排佢出國升學,到我同老公講,我老公番緊工,佢靜咗一陣,然後佢好嬲咁話:"我呢吓真係好想講粗口...F佢個K..."我隻佬不嬲同我一樣,報喜不報憂,有咩唔開心都唔會表現出嚟,因為驚大家情緒更低落...我聽到我老公咁樣,我即刻拎住電話爆喊...我老公即刻收油,但我已經缺堤...呢幾日我都係偷偷地喊,雖則隻佬同隻囝都好知我喊過,眼紅紅咁,但我响佢地面前依然繼續同佢地講吓笑...但之前果隻冷靜已經唔知去咗邊...呢幾日都好down,都問自己點解我仲未死...我吽响樹做咩?依家真係死執住為咗個囝同老公我至頂住唔敢死,如果佢地唔响樹,我都唔想留响度...我都好想同個囝一樣咁樣,講出聲:"我好唔鐘意香港,唔鐘意香港人,唔鐘意呢個世界,唔鐘意人呢個生物...etc."

正如老公所言,我係識諗既,人生必須有起有落要面對困難才叫做人生...係,我係道理大師,慣於自我輔導自己,但就係因為咁,呢幾日我輔導唔好自己,我開始覺得有啲打敗仗feel...

私人傳訊

~仔仔媽咪~

水晶宮

積分: 51912

15^#

發表於 19-11-24 22:42 |只看該作者

回覆 c9hoyeah 的帖子

多謝您吖!其實我做人真係好簡單.我唔鐘意咁複雜...我都只不過係一個好普通既平民百姓,我唔叻政治,只要生活到,平平凡凡過日子,有家人愛鍚陪伴已經超級幸福.依家要我地個個硬做政治家,好辛苦,明明呢啲擺明係國與國之間既小學雞欺凌把戲,點解仲有人咁好陪老美個痴線佬玩?諗唔明...搞到自己住既地方咁,真係好咩?

私人傳訊

Lhin

侯爵府

積分: 24759

2024年龍年勳章

16^#

發表於 19-11-24 22:47 |只看該作者

回覆 ~仔仔媽咪~ 的帖子

樓主，你公司同事咁黃，又真係好辛苦

幸好我而家呢份新工，公司暫時無人講政治

當然有黃同事，但只要在公司唔係高談闊論
我都唔理

至於朋友，又甚少在群組發表言論

唯一，就係fb，之前有親朋戚友不停無限loop垃圾
我做咗一個好明智決定，unlike/unfollows 他們

樓主，加油

私人傳訊

~仔仔媽咪~

水晶宮

積分: 51912

17^#

發表於 19-11-24 22:47 |只看該作者

回覆 tp-windy 的帖子

您講得啱,過去果五個月事情已經成為過去式,可能响呢方面咁去諗我會舒懷啲.只希望聽日,之後新既每一日都係好,唔好再係咁傷我心...過去既每一日,簡直係非人生活,感覺每日都受傷,舊傷未痛完未止血,啲新傷係咁嚟...搞唔掂.

私人傳訊

Jameskey

子爵府

積分: 14613

18^#

發表於 19-11-24 22:51 |只看該作者

~仔仔媽咪~ 發表於 19-11-24 22:24
回覆 Lhin 的帖子

我還好,屋企果兩位公子都同我同一陣線,只係我囝真係被黃迫到佢變咗紅,呢樣我都頭痛,支持 ...

jm 睇你文字都感到果份傷痛。我由六月初同啲朋友討論反修開始就陸續咁見住一個個朋友變黃，變黃都唔緊要，而係社交平台上嘅言詞己經超乎左是非觀純粹係個人主義行頭，所以我無同佢哋糾纏，停用FB IG,WhatsApp群亦表明唔講政治，如果唔方便我退群便可。到宜家即使有黃友係我面前講黑警反政府，我都會聽而不知，無討論空間時就忍一時之痛。真係忍唔住就會講兩句，有邊個政府係無問題?個個都出黎砸鍋掘路?係香港人先有咁高質素咁樣去反政府，係香港人先咁高文化去理解支持呢啲行為。個個話警察濫暴濫捕，唔睇下果班人行為? 唔單止針對警察本身，仲有警察嘅屋企人，父母仔女都受波及。

私人傳訊

~仔仔媽咪~

水晶宮

積分: 51912

19^#

發表於 19-11-24 22:55 |只看該作者

回覆 Lhin 的帖子

我全間公司都好黃...尤其老闆,扭曲哂啲事實嚟講,仲要日日出嚟大大聲講,佢擺明挑我機架,佢明知我唔係黃...我都唔弱,以彼之道還施彼身,佢認為咁樣唔守規守法同不合作運動冇問題,我就唔守規守法又不合作佢睇,我依家一見到佢出嚟播黃,我即刻用耳機塞哂兩隻耳仔大聲聽歌甚至用公司我位個電腦開youtube播野聽野睇片,佢憑咩嚟話我?我睇youtube 睇片聽歌,但我對手依然係咁做好手上既工作,唔似得佢,日日放低哂手上啲工作,成日走出嚟洗我班後生同事腦...

私人傳訊

~仔仔媽咪~

水晶宮

積分: 51912

20^#

發表於 19-11-24 23:03 |只看該作者

回覆 Jameskey 的帖子

我都知部份人係因為早幾個月前有警察响醫院打醉酒佬而搞到咁多人憎警察...但唔係全部警察都係咁吖嘛...上次睇新聞見到康山啲防暴俾屋苑樓上住客係咁掟野,果吓我都覺得好無言...係咪對警察有偏見要去到呢個咁唔理智既地步?警察係嚟保護您地,係維持社會秩序,佢地都係人都會攰都有妻有兒有屋企,都會有想休息想躲懶既時候,依家仆心仆命冒住日日俾暴徒打既危險嚟保護您地,您地竟然咁回敬?係咪真係想香港以後警察冇哂阻嚇性,個個唔再怕警察,以後有殺人犯有劫案有罪犯,個個都只能自己DIY保護自己?呢樣就係佢地為下一代鋪出嚟既未來?生活响危險,幸福嗎?我真係諗唔明佢地條tone.