時政擂台今日: 0|主題: 60382

收藏本版

發帖

返回列表

跳至頁

查看: 292 | 回覆: 3

睇下中大同理大搞成點, 就知如果香港比你地管治會點 [複製鏈接]

cccman0338

複式洋房

積分: 354

1^#

發表於 19-11-26 10:11 |只看該作者 |倒序瀏覽 |打印

一個戴住黑超,蒙哂面嘅人話叫我地忍耐, 會比我地光明嘅未來...............光明到要戴住超, 個未來都好刺眼下喎?定係其實佢自己都睇唔到未來?
理大成個軍火庫, 衰到連用納稅人錢買嘅嘢都偷/整爛哂. 一間大學由好多代人辛辛苦苦咁一磚一瓦咁起, 一點一滴咁累積, 由好多代香港人共同建設出嚟, 當年得2,3間大學, 到而家有咁多間, 都係想下一代有更多機會接受教育, 令香港更文明
而家呢, 一句唔喜歡就整爛, 一句唔鍾意就破壞, 我地辛苦搵錢納稅比錢大學運作,你地就唔珍惜. 未有貢獻就已經進行破壞
你地話政府唔啱就要訴諸暴力, 咁係咪假如你地當權, 有人唔滿意就可以用番同樣手段對你地?咁樣其實同古代蠻夷有乜分別? 根本就係生藩

我真係好唔明白而家香港點解會搞成咁, 好多事都倒轉嚟講
話警察用TG.........咁點解要用先, 7個月前香港警察有放過TG咩?
話放TG令小朋友聞到........(1)我小朋友從來無聞到TG, 因為我唔會帶佢地去示威範圍; (2) 如果係屋企聞到, 咁即係示威者係附近集結唔走, 呢個係應該追究示威者, 唔係警察; (3)唔放TG放乜?實彈?定係任由你地任意破壞?
私了...................點解可以?你地講緊警察用"過份暴力", 你地又何嘗唔係?唔啱聽就打同破壞, 其實最唔聽人講最野蠻係你地囉. 你地破壞嘅嘢係人地嘅財物, 你地有乜權去整爛? 你地掌權, 唔駛立法啦, 你地睇心情定人罪之嘛.
藉口多多........比火燒果個係特技人, 掟單車去警察度就問單車有無事, 塞機場搞出國際笑話就話"不完美", 話有人"被自殺"仲令人摸不著頭腦, 問黃C同事"一個人死,至少啲家人會搵吓嘛?", 答我"連屋企人都殺埋", 再問"咁每個屋企人都有生活圈子, 每個生活圈子唔講多, 10個人好嘛, 一家5口, 由原本可能只有4個人搵, 會變成幾十個人搵喎,咪總多人知?", 即刻唔再應我. 一有外國人訪問話支持示威者就好似中獎咁, 比我都咁講啦, 講之嘛, 要負責嘅咩, 我可能只係一個遊客今晚就走, 講句支持好過我比你圍到我連機場都去唔到

仲有, 其實呢啲文宣, 同神化金正恩, 話佢3歲會開車、9歲會開遊艇, 有乜分別? 咁都信....

果啲"犯法係因為要守法", "坐監令人生更精彩"...........你咁講, 駛乜要律師?同埋唔再需要法律啦, 你寫明犯法我都係要做, 個態度就係"吹呀"咁, 根本就係視法律同刑罰如無物,而呢啲說話仲要係律師講出嚟. 仲有, 夠薑就下次你地唔好定罪時求情,又話有屋企人照顧, 又話初犯, 又話做身體檢查發現有粒"塵"係個腦度要緩刑, 總之以後求情果啲就正PK

各位, 道德嘅尺只有一把, 無可能你做事就拎一把, 人地做就拎另一把, 如果而家你對全香港人做嘅事可以完全做番去你身上, 我就唔會再有說話去講. 但而家睇你地所用嘅手法, 香港比你地管治, 最後可能仲衰過啲非洲落後國家