day 1 : 凌晨機去大概朝早6點落機，喺機場食少少野，(比左個喼朋友攞走)，就買船飛由關西機場去神戶機場，去神戶動物園，開10點，玩到2點左右。嗰度唔大，不過真係可以近距離接觸動物，餵動物，因為野食放喺扭蛋機度，又可以玩下我兩個囡最鐘意餵兔仔，嗰度仲有得餵企鵝，水豚，龜，鴨，魚，鹿，袋鼠，草泥馬，嗰度有間餐廳係食自助餐，不過我冇食，之後去三宮站搭jr返大阪，因為大人好攰好眼訓
day 3 : 去左木津卸壳市場，生果ok既，朋友買左晴王，好甜都係百幾蚊港幣。可能我地晏左去，所以覺得冇咩野賣，生蠔同海膽我去既時候得一檔仲開緊，貴過黑門市場，所以冇食。之後去左食壽司，食夠好似5碟，有得抽獎，朋友中左個扭蛋，之後去左天保山legoland，都幾細，玩左2個鐘左右，附近有個迷你動物園，真係好迷你，有兔仔，又係我兩位小姐都鐘意餵既動物，有龜，狗，貓，豬，草泥馬，袋鼠，貓頭鷹，日本真係好早天黑，玩完岀黎天都黑晒啦，去左民宿附近食野，小朋友真係好鐘意兒童餐
day 4 : 今日去萬博紀念公園，星期六，好多人，我諗打卡位應該係個高達，去左食野，食飽飽就去公園玩滑梯，一去到有個單車公園既地方，要比錢，玩30分鐘，有d好特別既家庭單車，格離就係比小朋友玩既細單車，有雙人小朋友一齊踏既，不過我嗰兩個唔肯同對方踏，係都要同我踏，玩著自己，好攰
格離有個木制迷宮，都係要比錢既，不過我地冇玩，再過格離就係免費既滑梯，因為唔識日文既關係，比小朋友打尖，都唔識點開口叫人排隊，我地玩左半個鐘左右就走啦，因為兩件都放晒電，我地帶左一架b車，去返商場諗住借車，比人借晒，一架都冇，殘忍地叫醒大嗰個，比細嗰個繼續訓，行左陣
day 6 : 京都，本來諗住有時間租兩套和服比2位小姐著，不過天氣不似預期，去到河完町，朋友話想食天婦羅飯，早到左未開，就去左八坂神社先，因為我要同老公去睇帆布袋，喺八坂神社對面，有間餐廳，我經過既時候有4個人左右等緊佢開門，到我行完再經過大概15至20分鐘左右，已經有廿幾三十個人排緊隊，佢門口似係整緊煲仔飯咁樣，下次要去試下先，之後去錦市場，行下食下野，再去左京橋附近行下，再返民宿
day 7 : 最後一日喺日本，今日行程係去臨空城outlet，cheakout左之後就直接去，上年去記得一岀車站未到西松屋嗰面有個小朋友既樂園，仲諗住今次去帶我兩個囡入去玩，點知冇左啦，變左做比人寄存行李既地方，不過都平300日元一件行李，放好行李之後去食野先，跟住見到有個細d既樂園，都唔貴，就放低左我兩個囡同老公喺入面，我就去行街，之後就到我睇，我老公行，去左adid買左3對波鞋，都係11000左右日元，之後夜晚6點幾就去機場，行下免税店，9點上機返香港
發表於 
返回列表
