懷孕前後今日: 3|主題: 330659

收藏本版

發帖

返回列表

跳至頁

查看: 2686 | 回覆: 0

2019 法國醫院順產無痛分娩上集 [複製鏈接]

nds62597

洋房

積分: 64

1^#

發表於 19-12-12 13:09 |只看該作者 |倒序瀏覽 |打印

本帖最後由 nds62597 於 19-12-12 18:12 編輯

第一胎分享下

2019.10.06 約05:00 見紅有間歇性陣痛以為自己生得，起身沖涼執哂野，點知沖完涼又無陣痛，訓到10:00起身入法國醫院check 胎心監，因為10.03當日去產檢，當時胎兒已經38周幾，醫生（郭醫生）話BBSize得36周幾，加上當日我血壓高左少少，建議我提早入院催生，因為我果陣無任何準備，同先生，媽媽傾過後就決定番屋企先，晤入院住。。。但係醫生就建議我每日到醫院check 住BB心跳（胎心監），所以10.6就入去check 順便同姑娘講半夜已經見紅，雖然我去到醫院果陣感覺晤到任何陣痛，但胎心監察顯示我有宮縮，同宮縮的同時，BB心跳就弱左。。。建議我入院，咁我就辦手續入院。

過程就係姑娘先幫我內檢（好痛苦），話開左1-2度，跟住俾衫我換，剃毛毛同通知定醫生，然後簽幾份文件，大致就係風險評估呀，BB食咩奶粉，BB做咩檢查等等，姑娘都會詳細講解，咁我一早決定要打無痛分娩，所以會簽多份關於無痛分娩的聲明書，跟住就可以擇住幾人房，咁我就擇左六人房近住洗手間床位，同埋我係無join plan ge,姑娘都建議我地晤join,跟住就去待產。

待產房入面有5張床，全部都滿哂人，醫院會送一個迷你走佬袋同一個袋仔，入面有牙刷杯毛巾等用品，同埋係可以食野同叫屋企人黎探你，咁我就叫左老公同姨媽黎陪我同買野我食。

由入院13:00左右等到夜晚19:00都無任何動靜，姑娘入過黎抽血，會問你有無陣痛，又會量下血壓探下熱咁，大約20:00左右醫生就到啦，一黎就會內檢，都係得2度半（進度好慢）醫生就問我開晤開刀，我就決定都係順產，咁醫生就安排我整晚check 住BB心跳，如果都無咩動靜，就會係10.07上午催生。

22:00就晤可以探病嫁啦，老公同屋企人都要番屋企，我以為自己可以舒服咁係到訓教，點知屋企人前腳一走，姑娘就入黎通知我轉房，因為要整晚check 住BB心跳，晤可以留係待產房，會阻住其他媽媽訓教。。。跟住叫我姐係拎電話（其他野都晤俾拎）就推左我入產房。。。