大仔大女媽媽會 今日: 0 | 主題: 177861

積分: 20676

好媽媽勳章醒目開學勳章 2011精緻種植勳章親子達人勳章

1^#

發表於 07-11-20 14:03 |只看該作者 |倒序瀏覽 |打印

我自己係, 本來唸住阿女6mth出返黎做野 ..
不過而家唔捨得比人揍 ..

怕會有人蝦阿女...

大家一齊分享下呀 ..:loveliness:

0 0 0

私人傳訊

家家公主

翡翠宮

積分: 84421

畀面勳章 BK Milk勳章

2^#

發表於 07-11-20 14:19 |只看該作者

我都係全職媽媽...我自己唔想錯失BB每一個既第一次...時間好快過...BB階段好快過左就追唔返...我覺得好珍貴...所以我選擇湊仔...

不過湊仔真係辛苦過返工好多架...D男人係唔會明白既...

若問今世所遇，皆是前世的緣。今生寬以待人，來世皆是善緣。

私人傳訊

積分: 8294

3^#

發表於 07-11-20 14:39 |只看該作者

我都係FT MAMA, 湊仔真係辛苦過返工好多...但見到亞仔一日一日咁成長, 非常之開心

私人傳訊

fanfanhei

子爵府

積分: 14626

好媽媽勳章醒目開學勳章

4^#

發表於 07-11-20 15:48 |只看該作者

我都係全職媽媽, 開頭係俾我阿嫂湊, 但真係好唔捨得個仔, 仲要一個星期先見到個仔一次, 所以放完產假返工唔夠一個月就辭左份工做全職媽媽

私人傳訊

積分: 20676

好媽媽勳章醒目開學勳章 2011精緻種植勳章親子達人勳章

5^#

發表於 07-11-20 16:12 |只看該作者

我由陀住bb已經無做野 ... 自己近排發覺自從阿女出左世...
同老公成日都有野argue:-( ... 我成日覺得老公唔將阿女放係第一位 .. 而我就always 從阿女個方面唸先 ..

同埋做ft mama 無獨立經濟能力 ...... 好彩之前自己都儲落d ..如果唔係唔知點算 ..

有時同老公argue 個時真係有唸過出返黎做野比人揍 .. 自己唔使甘受氣 ... 但係眼見我老公個妹個囝比工人揍到一舊飯甘..雖然話男仔講野遲d ... 都唔係2歲幾都係講bb話 ...

真係有好有唔好 .. 同埋無哂私人時間 ..

老公又成日覺得我係屋企好得閒 .. 阿女訓左咪做乜都得 ..
又唔唸下我地有請工人.. N甘多樣家務要做 .. 煮飯..拖地 ..洗衫一腳踢 ...

私人傳訊

積分: 8294

6^#

發表於 07-11-20 17:06 |只看該作者

做FT MAMA真係好忙呀, 乜都要做, 而BB又大個左, 要陪佢玩, 更加無時間做屋企野, 所以老公請左個工人, 但要2月先到

私人傳訊

winglink

大宅

積分: 3280

7^#

發表於 07-11-20 17:32 |只看該作者

你老公真係好唔體諒你

，不如搵日佢放假，叫佢自己一個人湊亞b，做家務，做晒你平日要做既野，等佢知道做全職媽媽有幾辛苦啦!
我都係全職單拖媽媽，屋企無工人，乜都自己一手一腳做晒，好彩亞媽晏晝會過唻幫我睇住亞b，咁我先有番少少私人時間，上下網，執下屋、買下餸，準備晚飯......到weekend亞媽唔過唻，就我地兩公婆湊亞b，淨係哩兩日，我老公已經體會到湊亞b既辛苦，所以佢無論幾夜收工，都堅持奶樽留番佢洗，塊地留番佢抹，盡可能佢可以幫倒手既家務都等佢返唻先由佢做，我覺得有個咁既老公，夫復可求囉!

雖然全職單拖湊b係好累，但係可以睇住佢一日一日咁成長，一日比一日蠱惑、一日比一日老積，已經覺得好滿足，最開心係出親街，D人問"個B係你自己湊架?湊得好好呀!"既時候，係最開心。:loveliness: :loveliness: :loveliness:

有樣野我覺得好自豪既係亞B由開始食糊仔至粥仔，佢每餐粥都係我親手買料、親手煲，從未假手於人，所以睇住亞B食我親手煮既野，食到咁肥肥白白，又係另一種開心。:loveliness: :loveliness: :loveliness:

之前諗住頭一年全職湊亞b，第二年先返番工，眨下眼仲有兩個幾月就到"期限"，但係以而家既情況睇唻，我應該會繼續湊落去，可能要等到亞B3歲返學，我先甩得身返工喇!

原文章由 zoesychan 於 07-11-20 16:12 發表
我由陀住bb已經無做野 ... 自己近排發覺自從阿女出左世...
同老公成日都有野argue:-( ... 我成日覺得老公唔將阿女放係第一位 .. 而我就always 從阿女個方面唸先 ..

同埋做ft mama 無獨立經濟能力 ...... 好彩之前 ...

私人傳訊

冰琪

大宅

積分: 2304

8^#

發表於 07-11-20 17:33 |只看該作者

i'm a full time mami

newborn: 3.03kg, 47cm
1st year: 10.05kg, 74cm

私人傳訊

積分: 20676

好媽媽勳章醒目開學勳章 2011精緻種植勳章親子達人勳章

9^#

發表於 07-11-20 19:05 |只看該作者

你老公真好 .. 肯做家務 .. 我老公 .. 踢都唔郁 .
試過有次我整野叫佢睇住個女.. 阿女係 playmat 玩緊 ..
佢就真係遙距係梳化度坐係度 ... 睇緊佢d投資magazine ..
我話你睇住架喇 .. 佢話係呀 .. 咪睇住lor ...

你話比唔比佢激死呀 ..

佢而家only 會拎垃圾去垃圾房掉 .. 其他 duty .. 咪使止意 ..

私人傳訊

積分: 20676

好媽媽勳章醒目開學勳章 2011精緻種植勳章親子達人勳章

10^#

發表於 07-11-20 19:07 |只看該作者

你地會唔會自己帶阿b去街架 ?
我就日日都會帶佢落街行下 ...

等佢見多d野 ..
行下 supermarket 比佢睇下野 .. 話佢知呢個係橙 ..果個係 apple 甘 lor ...

阿女睇得好開心架 ..
日日落街都有人"了" 佢玩架 ...

私人傳訊

積分: 8294

11^#

發表於 07-11-20 19:32 |只看該作者

我都係日日帶亞b落街架, 朝早我帶, 下午如果老爺奶奶過黎, 佢地會帶亞b去下午茶, 夜晚老公收早又會一家3口落街行一陣..

私人傳訊

GUB

別墅

積分: 707

12^#

發表於 07-11-20 22:21 |只看該作者

我成日覺得老公唔將阿女放係第一位 .. 而我就always 從阿女個方面唸先 ..

---> can't agree more!!!!!

我真係覺得就算爸爸幾錫, 男人同女人都係有D分別, 我去煮粥叫我老公同個囡玩下啦, 佢就一邊抱住個囡一邊上網. 有時我煮粥做家務, 佢湊半個鐘就叫好累呀....... 假期一定唔會自動自覺起身湊囡, 下下都要我要去煮粥然後叫佢起床, 先會起, 仲要好唔願意個隻.

有時真係比佢激屎 :tongue:

其實我都想各全職媽咪分享下, 你地平日湊BB, 如果要行開去煮粥呀, 去下洗手間, 你地會放BB係邊? 我係大半職媽咪, 一星期返3日工, 唔返工就自己湊, 但我自己一個湊時, 我完全做唔到任何野, 因個囡唔訓我就會全程陪實佢, 我又唔鍾意用網床, 通常會放個囡在地墊玩, 但有時佢玩得興奮, 仲係會成日跌落地, 所以我唔敢行開, 而個囡又訓得少, 一日訓2次, 一次訓30-45分鐘, 我完全做唔到家務, 只有佢訓了先有少少時間去食野同去洗手間. 本來想home office都實行唔到

所以想請教各位全職媽咪, 你地每日點分配D時間架? 謝謝!!!

私人傳訊

積分: 8294

13^#

發表於 07-11-21 01:41 |只看該作者

我每日起身後即入廚房洗米, 洗菜, 然後刷牙洗面, 跟住開奶, 然後再叫亞仔起身換片, 抹手抹面, 跟住飲奶, 飲完後陪佢玩大半個鐘先係大人床, 然後出廳), 跟住放返佢落床仔, 話比佢知媽咪依傢要洗奶樽及煮飯飯, 跟住叫佢自已玩, 好彩就係我個廚房同房係可以望到, 咁我可以裝佢做緊乜....攪掂之後又陪玩, 有時會落左街同佢行45MINS-1HR, 跟住返屋企同佢沖涼, 然後開定飯等老公返黎, 我就同亞仔食下一餐, 跟住比佢睇DVD, 我就快快趣食飯, 然後老公陪佢玩一陣, 我去洗碗, 再陪亞仔一陣等佢瞓覺, 咁係佢瞓覺期間, 我就預備夜晚個餐, 4點零叫亞仔起身, 玩1HR之後530PM又開餐, 再玩到7點零8點佢又會瞓覺, 我就有D私人時間抖下, 到9PM就會叫佢起身玩一陣930-1000PM開餐, 然後老公陪佢, 我洗碗, 到11點零12點我陪佢係床睇投影機講野比佢聽, 然後1230-1245AM佢就會瞓覺....之我先真真正正有時間做私人野, 忙到爆.....

**朝早有同亞仔落街的話, 我會買餸
**如果下午奶奶老爺黎的話, 我呢個時間先去買餸及吸塵拖地(佢地一星期過黎3-4次架)

私人傳訊

bonniec2000

別墅

積分: 885

14^#

發表於 07-11-21 02:14 |只看該作者

hi, 我都係全職媽咪嚟架. 湊仔真係辛苦過返工好多, 要24小時工作, 全年無休. 之前試過病到死都仲要起身煮粥仔, 唔係阿仔食風咩, 自己都係買外賣咋.

呢兩日阿仔夜晚又唔肯瞓, 要喺床仔圍住行, 攪到半夜2點幾先瞓, 我就看牛看到眼瞓死呀. 呢個時候就勁想返出嚟做嘢, 起碼可以蛇一蛇嘛.

但係可以睇住阿仔一日一日成長, 學到唔同o既嘢, 真係好開心, 所以無論幾辛苦都會捱落去, 起碼等佢返幼稚園先再諗返工.

私人傳訊

Qbear

子爵府

積分: 11273

好媽媽勳章醒目開學勳章

15^#

發表於 07-11-21 10:15 |只看該作者

我都係full time媽咪, 要揍囡仲要做家務, 真係辛苦過番工. 平日我媽咪會嚟幫下我手, 但係放假就要自己一腳踢. 老公放假時就成日話"好似冇見你停過手", 我就會答佢"我日日都係咁做架啦".
我老公只係識同個囡玩, 唔識揍. 好似叫佢幫手餵飯, 餵兩啖佢就會停左落嚟, 問佢點解, 佢話個囡唔肯食, 跟住唯有自己接番手. 試過叫佢幫手揍個囡去瞓我去沖涼, 點知我沖完涼竟然見佢同個囡係張床度玩, 我話依家係瞓覺時間應該等佢靜靜地瞓, 佢就話個囡未想瞓. 真係俾佢激死.
男人真係唔會明仔囡係女人心中的地位.

私人傳訊

家家公主

翡翠宮

積分: 84421

畀面勳章 BK Milk勳章

16^#

發表於 07-11-21 13:22 |只看該作者

我每日一起身第一件事就係同BB換片...跟住抱BB坐晌HIGH-CHAIR..開TV比佢睇下先...我去晾衫..浸D米煲粥仔...之後我擦牙洗面就同BB清潔...比奶佢飲(KITCHEN煲緊粥)...佢飲完掃埋風又放返佢坐HIGH-CHAIR...我就去整D材料放入粥仔...又由佢煲...我就上一陣網..到咁上下粥仔熄火..我就換衫同BB落街去食早餐再買送..返左HOME BB會訓覺...我就去煲湯整定DINNER既送..等BB訓醒食粥..佢食完就到我LUNCH..同佢玩一陣...佢飲奶之後我地一齊訓晏覺...訓到5:00到起身同BB沖涼...6:00食粥....7:30爸爸放工返...我就去煮飯...食飽之後我去洗碗...爸爸就同BB玩....洗完我就去沖涼...然後到爸爸沖涼...9:30-10:00BB飲奶...飲完等爸爸"暗"佢訓....打後就係我同爸爸既私人時間...我洗奶樽...爸爸拖地...攪掂哂之後...我上網...爸爸打PS2=.=..12:00一齊上床...爸爸幫我全身按摩...訓覺....我除左洗衫..洗碗..洗奶樽...其餘所有清潔事務都係爸爸一手包辦..包括換床單....

[ 本文章最後由家家公主於 07-11-21 13:24 編輯 ]

若問今世所遇，皆是前世的緣。今生寬以待人，來世皆是善緣。

私人傳訊