吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 10/1（五）做朱古力瘤切除手術靳嘉仁醫生 ...

想生BB 今日: 2|主題: 109536

收藏本版

發帖

返回列表

跳至頁

查看: 2442 | 回覆: 6

10/1（五）做朱古力瘤切除手術靳嘉仁醫生 [複製鏈接]

Lenelene

洋房

積分: 76

1^#

發表於 20-1-8 03:48 |只看該作者 |倒序瀏覽 |打印

約左靳嘉仁醫生10/1今個星期五係荃灣港安醫院做7cm朱古力瘤切除手術（微創），成世都未入過手術室，未試過全身麻醉，有冇JM可以share下經驗？

我四年前爆過一次朱古力瘤，當時入左仁安醫院，駐院醫生話留院觀察，如果子宮自己識吸返啲血就唔洗擔心，冇做到手術，淨係開左啲鐵丸比我食就冇左件事，而我唔知道個瘤依然存在

到19年10月尾左右，有一次唔係黎緊m但係忽然間有種極度m痛既感覺

，屋企人驚我去公立醫院會等到痛死都冇人理所以幫我搵左尖沙咀靳醫生幫我睇左咩事先，去到一照肚仔超聲波就已經照到個7cm大既水瘤，再驗埋血之類既野，靳醫生話好大機會係朱古力瘤，因為都唔細所以建議我一係就生bb 一係就做手術切左佢，因為我24歲，唔切既話會有爆既危險，雖然我一直都好想有bb 只係暫時未有能力生，所以唔可以用陀bb既方法去醫，始終生bb要經過慎重既考慮同埋準備好先迎接佢黎會好啲，考慮左一輪最後都係決定要做呢個手術，
想問下有冇人搵過靳嘉仁醫生做呢類型既手術啊？
有冇JM做過類似手術可以分享下過程同術後感覺？

0 0 0

私人傳訊

nss711

大宅

積分: 2466

2^#

發表於 20-1-8 11:52 |只看該作者

本帖最後由 nss711 於 20-1-8 11:53 編輯

你會唔會睇多個醫生？因我上月突然右下腹痛，立即係香港照左，話有個5cm 囊腫，叫我立即安排手術切。過幾日我去sz 睇，佢話我可能功能性囊腫，或黃體導致(岩岩小x 完). 叫我觀察下，遲d m 到後再照下有無縮小。我痛左1日半就無再痛了，打算下月再照多次 (不過我睇果個香港私家無幫我驗血)

私人傳訊

Stellaqq

大宅

積分: 1287

3^#

發表於 20-1-8 18:44 |只看該作者

樓主，我最近都驗到有，6cm左右，傷心難過左好耐，我是岩岩新婚無耐剛發現，因為過左5cm..睇左一個醫生同我講叫我最好做左微創手術先，請問你醫生同你講建議你一係就生bb 一係就做手術切左佢？我都想試左睇下可唔可以自然懷孕先決定做唔做微創，好驚做微創都傷害到卵巢功能，我同我老公都想要bb！

私人傳訊

Lenelene

洋房

積分: 76

4^#

發表於 20-1-8 19:32 |只看該作者

回覆 Stellaqq 的帖子

其實我都唔開心左好耐, 但做多左research就知道其實好多女仔都有, 所以都唯有接受啦, 寧願快D處理左佢唔好影響將來好過

因為我幾年前爆過一次, 真係人生最痛, 同埋都好危險, 因為唔會有人知佢爆既程度會有幾嚴重, 如果撕裂到卵巢/輸卵管既話以後都生唔到BB, 同屋企人商量過之後, 其實個個都唔會建議你放個計時炸彈係個身體入面既

不過如果你新婚冇幾耐, 而又有能力可以要小朋友既話, 你可以問下醫生建議, 睇下可唔可以自然懷孕令到佢委縮啦, 我睇既醫生入面有幾個了解完之後都係第一時間問我可唔可以懷孕, 可惜我同男朋友都未READY, 唔想為左醫病而生個BB住, 所以先冇考慮到

不過個個人情況都唔同, 我唔敢建議你做D咩, 但可以交流下, 大家做過資料搜集所知道既野:) 不過好多人都話有呢個病, 通常都比較難受孕架(輸卵管有機會塞左,要做造影先知道有冇塞)

同埋我都好想有BB, 打算今個星期5做完手術之後都唔會食避孕丸/黃體素, 跟住每幾個月KEEP住照下睇下有冇覆發囉, 我都同男朋友商量過, 如果真係覆發, 到時就會用生BB, 話哂佢剛剛覆發都唔會大成點掛...

但想問問JM你平時有冇痛架?