HELLO，我係第一次出POST既新婚人妻!寫得唔好，大家唔好見怪!今日想分享我一個租婚紗的不幸經歷，希望出POST令大家唔好再中招!
官塘間Casey’s wedding售後服務勁差，職員無責任心跟進得勁差!以下舉大量例子，希望身邊將會結婚既朋友唔好再幫襯呢間黑店!
罪狀1:
我係幫襯Casey’s wedding租媽媽衫既，Big day前一日諗住拎衫時職員打黎同我講有2位客人媽媽租左同一款衫，問我媽媽係咩SIZE?我心諗我點知，呢D唔係你責任幫我紀錄架咩?去到鋪頭，佢就揀其中一件比我，話應該係呢件!我唔放心，叫左我媽媽特登搭車再黎鋪頭試身，點知唔係呢件，係另一件! 仲要我媽試身(屬於佢果件衫)既時候，發現佢未改好長度，要佢再改過，我心諗好彩我有叫媽媽黎試姐，如果唔係咪瀨野?結婚一生人一次，都係想家長開心架嘛!有乜理由比件唔岩SIZE既比人架? 雖然佢職員改好件衫拎去酒店比返我，我都諗住算，點知之後發生既事越來越離譜先令我要開POST講比大家知!
罪狀2:
我喺Casey’s wedding仲買左件婚紗，諗住之後去旅行時影相，12月頭已經度好哂SIZE，去到1月頭我上黎拎婚紗時FITSIZE時發現原來件婚紗跟本無改到SIZE，仲係勁大件勁鬆!個職員又搵唔返我個RECORD，之後又要即場再度過身又要再改遲D先有得拎!我心諗點解你地做野可以咁甩漏，但我都無講D咩，只係諗住算之後拎返就得!
罪狀3:
到1月中要拎婚紗，因為就唔到時間，講左星期日拎，Casey’swedding職員話佢地收工，所以放件婚紗喺管理處度等我自己拎，仲講明會6點幾已經放好!咁我就信佢啦!星期六晚上8點仲問多句:明天管理處收幾點架?我驚我遲到拎唔到件婚紗! Casey’s wedding職員仲叫我放心，有得拎!點知星期日晚上我去到時，管理員話從來無收過要比咩婚紗，我果刻真係呆左!我估唔到呢間公司可以差到咁，無責任心到講左要做既野又無做!我已經第2次由天水圍出到官塘去拎婚紗，點知都係拎唔到!當時打極電話都係無人聽!我真係覺得Casey’s wedding好過份，係直頭離譜到接受唔到!之後我再FACEBOOK INBOX佢，職員先SAY SORRY話星期日早上先睇MESSAGE，以為講緊明天(星期一)喎!其實我心諗你地唔係第一日出黎做生意，點會犯呢D低級錯誤，仲要星期日呢個日子係你自己講架喎!依家又扮失憶?做生意唔係咁做呀嘛?雖然我好嬲，但都係一句都無鬧過佢地，職員話星期二特登拎返去天水圍比我，咁我諗住都算啦!(其實我真係好心軟，點知真係對人仁慈係對自己殘忍，錯事繼續一單接一單)
罪狀4:
明明約好左Casey’s wedding職員星期二6:05PM天水圍西鐵站等，我仲特登在星期二早上WHATSAPP多次日期時間地點比佢，諗住咁樣做足哂準備就無問題啦!點知原來一間公司衰喺上黎，真係可以無恥到極!去到6點鐘既時候先打比我話會遲半小時，原因係:個鐘壞左，自己睇錯時間!佢依家先開始搭西鐵!其實我覺得佢講咩我都唔會信架喇!我都懷疑佢地咁樣既服務態度點解仲可以生存到?哀莫大於心死，我只係想拎返件婚紗姐，講左我屋企地址比佢知就再等佢拎黎啦!最終佢7點半先到(說好的會遲半個鐘呢?依家遲左個半鐘喎!即係之前又講大話?)
講左咁耐，呢間公司係點，大家有目共暏啦!其實我都爭扎講唔講出黎，唔想搞咁多野，Casey’swedding做左咁多錯事，我一句都無鬧過佢地，只係覺得好失望!好彩我今次係唔趕住拎婚紗姐，如果其他結婚既姊妹中左招咪慘囉!同埋我又諗其實都要比呢間公司學習，等佢知道:今時今日咁既服務態度係唔得既!所以先決定打咁大篇野出黎!建議大家唔好貼錢買難受幫襯呢間終極黑店婚紗鋪Casey’swedding!
發表於 
返回列表
