夫婦情感 今日: 10 | 主題: 42730

積分: 131

1^#

發表於 20-4-2 21:40 |只看該作者 |倒序瀏覽 |打印

計劃一至兩年內結婚，都希望生小朋友，而且生小朋友後必須要請工人湊，因為父母都無人幫到手。
想係結婚前安排好住所，可能先同居一排

我諗緊應唔應該先租套房，等真係懷孕先搵兩房單位搬？上網睇過似樣少少兩房單位可以同套房相差五，六千左右，一年就慳七萬

生小朋友之後又無辦法全職照顧BB，要靠工人，有無人會因為咁而覺得唔應該生？正常計我地兩人一年儲廿四萬，我自己期望三年內買樓，對方就話唔洗咁急，可以儲耐d到時先算。

好似太多野要計劃
想知你地係點樣去計劃婚後生活？
由結婚前幾耐先一齊住？

0 0 0

私人傳訊

vdici

積分: 3927

2^#

發表於 20-4-3 02:38 |只看該作者

一年儲24萬扣左請工人同租2房單位既錢未?
3年內買樓條數係咪真係計好?

如果可以既最好婚前同居一段時間試下真係相處先,
免得婚後先發現生活唔夾

個人認為初生bb交比工人湊真係會唔放心......

點評

858D

發表於 20-4-9 04:06

私人傳訊

cedarcone

男爵府

積分: 7281

3^#

發表於 20-4-3 05:10 |只看該作者

回覆樓主:

同意樓上所講的 !
另外補充少少，如果決定生小朋友既話，就唔好搵套房，萬一懷孕期間唔太適合搬屋，孕婦又幫唔到手。新單位唔多唔少都要裝下修，包括用電鑽鎚仔之類，玄學認為動土對胎兒不利，唔怕萬一最怕一萬，迷信好過冒險。
唔喺撥冷水，而家樣樣嘢講就容易，到真實情況未必100%，正所謂計劃來不及變化 ! 重點多了小朋友開支大咗，要預留筆錢應付。如果儲到首期，仲要諗諗每月供唔供得起。
如果無計劃工人和小朋友，儲錢就比較輕鬆。

點評

858D

發表於 20-4-9 04:07

私人傳訊

CCHINGC

子爵府

積分: 11935

4^#

發表於 20-4-3 09:29 |只看該作者

我地本身遲婚，所以結婚時大部份野都準備好，長老又住附近，生左小朋友請工人，長老又過來幫手睇下。

我認為首先要同未婚夫有共識，金錢、住屋固然要準備，但大家共識更重要，未有小朋友之前，要留有足夠儲備(3-6個月收入)應付突發情況，有小朋友之後，要預留更多嘅儲備(6個月-9個月收入)，餘下錢先用來實踐計劃。

點評

858D

發表於 20-4-9 04:08

私人傳訊

english1221

男爵府

積分: 7544

5^#

發表於 20-4-3 15:47 |只看該作者

不如唔好生住，儲多個錢先

私人傳訊

stella^^

積分: 4848

6^#

發表於 20-4-3 20:36 |只看該作者

english1221 發表於 20-4-3 15:47
不如唔好生住，儲多個錢先

樓主最好婚後两年過吓兩人世界？再計畫生育兒女如果年紀不太大既話！

私人傳訊

honeybid2

男爵府

積分: 8127

7^#

發表於 20-4-5 21:19 |只看該作者

里程發表於 20-4-2 21:40
計劃一至兩年內結婚，都希望生小朋友，而且生小朋友後必須要請工人湊，因為父母都無人幫到手。
想係結婚前 ...

1）絕不建議先租套房為左慳個錢。大肚先搬屋99% 嘈大交都似。俾得起既俾多個錢住得有安全感先至會令大家覺得有「家」既感覺去生BB。仲要傾好住邊區，budget 幾多，生B後啱唔啱住etc...
2）工人湊B 好普遍，兩公婆有共識就得。工人湊有工人湊既好與壞。長老湊有長老湊既好與壞。如果好似你咁講只有全職媽媽先有資格生仔香港人就絕種都似。
3）兩個人一年儲24萬？生左個B之後既洗費計埋未？你而家計得太盡冇意思，驚你框死左自己到時失望。一步步黎，人生冇得咁樣算住。

私人傳訊

積分: 131

8^#

發表於 20-4-9 01:50 |只看該作者

vdici 發表於 20-4-3 02:38
一年儲24萬扣左請工人同租2房單位既錢未?
3年內買樓條數係咪真係計好?

未生，諗起已經唔放心。但眼見太多香港人只能夠依賴工人睇住個bb，我好粗略估計咋，每人月入三萬各儲一萬咁計。

有四萬蚊用，上網睇過下d似樣既單位似乎都萬2左右。

私人傳訊

積分: 131

9^#

發表於 20-4-9 01:52 |只看該作者

cedarcone 發表於 20-4-3 05:10
同意樓上所講的 !
另外補充少少，如果決定生小朋友既話，就唔好搵套房，萬一懷孕期間唔太適合搬屋，孕婦又 ...

明白，就係有諗過如果頭一兩年二人世界係咪可以住細d,減少開支，儲多d。

買唔買到樓都真係要睇到時夠唔夠比

小朋友開支有幾大我都無咩頭緒啊⋯⋯

私人傳訊

積分: 131

10^#

發表於 20-4-9 02:01 |只看該作者

honeybid2 發表於 20-4-5 21:19
1）絕不建議先租套房為左慳個錢。大肚先搬屋99% 嘈大交都似。俾得起既俾多個錢住得有安全感先至會令大家覺 ...

多謝提醒，無想過要有個家住落好warm先再去plan下一步。有時我又驚自己諗太遠，第一步都未行已經諗緊幾年後，生完b又點

我係有擔心長老幫唔到手湊，不過都一定係請工人，無其他方法。

至於小朋友開支，我無咩概念啊⋯⋯一個正常開支會係幾多？飲食，衣物，保險，尿片...五千？
加埋工人一萬一個月。

私人傳訊

anjaco

積分: 2787

11^#

發表於 20-4-9 03:10 |只看該作者

里程發表於 20-4-2 21:40
計劃一至兩年內結婚，都希望生小朋友，而且生小朋友後必須要請工人湊，因為父母都無人幫到手。
想係結婚前 ...

我結婚一年多先買樓，同一年有埋Bb。作為過來人，我會說如果婚後沒有兩口子的小天地真係好容易會有衝突。如果經濟不容許買樓，建議兩口子先租屋。呢個完全係為左家庭和諧著想，無論係你同老公的關係，還是你們同長輩的關係都會比同屋企人同住好。結了婚已經唔係再係你地兩個人的問題，而係兩個家庭的問題。一D好細微家庭相處方式同生活習慣已經可以變做家庭衝突。雖然租屋洗費會大左，但係相見好同住難，比妳儲到錢又點樣？屋企家嘈屋閉真係好大壓力。錢可以慢慢草，但係成日為屋企有摩擦最後只會令你地感情消磨掉。

私人傳訊

anjaco

積分: 2787

12^#

發表於 20-4-9 03:20 |只看該作者

里程發表於 20-4-9 02:01
多謝提醒，無想過要有個家住落好warm先再去plan下一步。有時我又驚自己諗太遠，第一步都未行已經諗緊幾年 ...

小朋友其實平有平湊，貴有貴湊。尤其係Bb果陣未洗學嘢，只係奶粉錢、尿片錢、同D日用品錢其實唔係真係好多。2000-3000都搞掂。係大個D比佢學嘢錢先貴

不過你地會加人工架嘛，所以又唔洗咁擔心著。工人姐姐大概5000一個月。

點評

858D

發表於 20-4-9 04:13

私人傳訊

vdici