0-6個月 今日: 1 | 主題: 37399

積分: 689

1^#

發表於 20-4-14 06:58 |只看該作者 |倒序瀏覽 |打印

本帖最後由 OrioleLeong_FB 於 20-4-14 06:59 編輯

我個b岩岩三個月

由初生到衣家都係抱睡，好少放落床，因為佢一放床就勁易醒，然後喊得好惡，之前腸脹氣，佢又喊得西利，驚佢訓得少，其實就連抱睡佢都係麻麻，有時郁郁佢都醒，勁煩

同老公就成日輪流抱睡，呢排間5中係佢訓冧時都會放佢落床，有時都可以訓到一個鐘多d，但吾係次次得，佢自己中途醒左更加冇可能自己訓返。bb係24小時都抱睡，不分昼夜，見到人地話夜晚吾洗抱嗰d 我已經好羨慕，起碼夜晚有得休息下。

呢三個月黎抱睡令到我地成日都訓得少，冇精神

所以我地開始爬文睇如何幫bb 自主入睡

但係真係遇到好多困難，雖然知道要下定決心，仲有最重要狠心。

咁今日係第一日就已經失敗左又吾知個問題出左係邊

我地係由傍晚時分開始進行training

首先將bb 進行平日既哄睡（拍打+奶嘴，奶嘴佢係好需要，吾比佢佢會不停擘口揾，揾好耐都得，好似吸毒咁款，然後又揾手指含，比左佢就成個人定哂）等佢有一半睡意我地就放床，當然佢一定係極度不滿意，一黎爆喊，然後我捉住佢隻手，另一手就佢心口，佢喊兩分鐘左右我就吾理佢

0 0 0

私人傳訊

積分: 689

2^#

發表於 20-4-14 07:02 |只看該作者

回覆 OrioleLeong_FB 的帖子

出房門由佢喊左三分鐘後入返去，試左來回幾次，開始都有少少成效，就係起碼吾喊，有睡意，眼皮半打開，然後再拍拍下，居然訓左，可惜呢個覺維持左十五分鐘就又醒了，繼續哭，我地又重覆返岩先既步驟，中途都抱過兩次，比奶嘴時就吾抱，抱就冇奶嘴，喊左一輪終於又訓返，然後又十五分鐘就醒，再喊，喊喊下就到下餐奶了，諗住快快餵埋支奶就早少少比佢訓啦，然後又重覆返令佢自主入睡既步驟，間5中入去拍下佢心口，又行返出房門咁，咁今日真係抱少左，對手都冇咁累。個問題黎啦，由傍晚開始訓練到凌晨五點至六點，真係足足十二個鐘，佢居然加埋訓得三個鐘，係斷住黎訓，佢次次喊咁耐都好快又食奶（3.5-4個鐘餵一次）1. 十二個鐘訓得三個鐘會吾會少左d，定係正常架？ 2. 佢試過中途醒左吾喊自己係到玩，我觀察佢十幾分鐘，佢個樣係勁眼訓但都吾會識得自己訓，咁當時我又吾知洗吾洗行入去拍佢心口氹佢訓，最後我有入，點知拍拍下就大喊。

私人傳訊

積分: 689

3^#

發表於 20-4-14 07:02 |只看該作者

回覆 OrioleLeong_FB 的帖子

到淩晨五六點佢都係好眼訓又訓吾到我又好心痛，好想比佢訓多d，我就抱起佢比佢訓，因為我想佢起訓返兩個鐘先啦，補下眠都要呱，我最驚係佢訓得少影響佢腦部發展，但係又覺得會前工盡癈。究竟我邊到做得吾好，有冇人同我經歷緊同樣既野又或者係已經成功訓練到自主入睡既媽媽們分享一下你地係點train架？

私人傳訊

我捨不得你

男爵府

積分: 5847

4^#

發表於 20-4-14 07:06 |只看該作者

唔好意思，想問開初有無用包被包到佢實嚟瞓？bb 無安全感好易放床就醒。。
佢咁想搵食咀，佢每餐飲得夠嗎？係咪已排除咗佢唔夠飽？

私人傳訊

積分: 689

5^#

發表於 20-4-14 07:14 |只看該作者

回覆我捨不得你的帖子

初生時有用包被，但係吾會特別包到好緊，滿月後都冇再用包被，加上天氣開始熱，驚佢熱親。至於佢奶既問題，佢差吾多兩個月就有厭奶，我地都好比心機餵，一餐都飲到4-5安，不過中途要搞好耐，如果飲到4-5安我又覺得佢應該都夠，有時飲到4安都推開已經吾肯食，我諗吾關肚餓事。

私人傳訊

kkkiiimmm

積分: 331

6^#

發表於 20-4-14 07:42 |只看該作者

OrioleLeong_FB 發表於 20-4-14 06:58
我個b岩岩三個月由初生到衣家都係抱睡，好少放落床，因為佢一放床就勁易醒，然後喊得好惡，之前腸脹氣， ...

先訓練佢擺落床氹佢訓覺先啦，要佢自主訓覺係好難，我開頭都試過，但係我女喊到癲左，又唔忍心，後尾我抱訓抱到好攰，就試下最後餐奶之後，就入房，熄燈先，然後就放落床用薄巾仔包住佢，最緊要包實對手，怕佢熱可以留返對腳唔包，然後再搵兩條野貼住佢兩邊，等佢有安全感（我用包被卷左兩條攪枕），然後就開始拍佢個心口，輕輕拍，但係速度快既，好似係媽媽個肚時feel到媽媽心臟咁，開頭拍左好耐，但係最後都訓到，之後每晚大約夠鐘我就氹佢訓，有時會喊好耐，或者佢又未係好眼訓，但係最後都拍到佢訓，要比d耐性。

私人傳訊

kkkiiimmm

積分: 331

7^#

發表於 20-4-14 07:43 |只看該作者

OrioleLeong_FB 發表於 20-4-14 06:58
我個b岩岩三個月由初生到衣家都係抱睡，好少放落床，因為佢一放床就勁易醒，然後喊得好惡，之前腸脹氣， ...

記得放落床前就鋪定野，落床就抱好，有時佢會掙扎，我就會輕輕禁住佢對手，再拍

私人傳訊

積分: 689

8^#

發表於 20-4-14 08:00 |只看該作者

回覆 kkkiiimmm 的帖子

咁我今日試下淨係包住佢對手先，琴日我都拍到佢訓到但係佢最長都冇訓到半個鐘又醒，我個b喊親到好惡，塊面又紫又紅，個口震哂咁，我又一個晚上冇訓啦⋯⋯岩先都係忍吾住抱住佢比佢訓兩粒鐘，希望今日有改善啦⋯⋯

私人傳訊

kkkiiimmm

積分: 331

9^#

發表於 20-4-14 09:59 |只看該作者

OrioleLeong_FB 發表於 20-4-14 08:00
回覆 kkkiiimmm 的帖子

咁我今日試下淨係包住佢對手先，琴日我都拍到佢訓到但係佢最長都冇訓到半個鐘又醒 ...

試下兩邊搵野頂住佢，等佢有安全感，我女而家慣左，有時訓訓下唔使用都得。同埋知夠鐘訓教，放落床好快就氹到，加油

私人傳訊

honeybid2

男爵府

積分: 8127

10^#

發表於 20-4-14 10:19 |只看該作者

OrioleLeong_FB 發表於 20-4-14 06:58
我個b岩岩三個月由初生到衣家都係抱睡，好少放落床，因為佢一放床就勁易醒，然後喊得好惡，之前腸脹氣， ...

其實外國研究係指睡眠訓練其實最好6個月後先開始，就算最快都4個月，原因係4個月後（最快）先會有規則性既深淺睡眠cycle，同埋戒左夜奶（戒夜奶對sleep training 好重要）。
所以有機會係你BB 太細個未ready...
我囡夜晚冇睡眠問題但日間一直都係抱睡，抱到7.5 個月做日間睡眠訓練，一次就成功。因為已經夠大個有足夠安全感同埋明白咩係「瞓覺」。

私人傳訊

conycici

積分: 2204

11^#

發表於 20-4-14 10:34 |只看該作者

OrioleLeong_FB 發表於 20-4-14 06:58
我個b岩岩三個月由初生到衣家都係抱睡，好少放落床，因為佢一放床就勁易醒，然後喊得好惡，之前腸脹氣， ...

由出世開始都係抱睡。咁你同你老公咪成晚都無得訓？要抱住bb？日頭都係？

私人傳訊

shersherma

積分: 1634

12^#

發表於 20-4-14 10:50 |只看該作者

我個仔三個半用最夜個餐我地會關暗曬燈開音樂換埋片著左睡袋先會餵奶等佢知道要訓啦我地都係好細個時開始呢個習慣開頭佢都會好扭計要抱住先訓慢慢我地拍下佢心口做曬前面既步驟佢就知要自己訓開頭我地都有好多時候俾奶咀都好work .當然佢會有時好精神咁餵好耐奶咀但食食下佢就會突然訓左都要俾耐性等待我覺得環境同埋著睡袋都緊要如果你怕佢熱可以買薄款既睡袋包住隻手安全感我諗你小朋友成日要抱都想要安全感試下包手既睡袋睇下好唔好點訓練夜晚訓攪係要一段時間呢加油呀！俾信心自己！俾信心bb

私人傳訊

shersherma

積分: 1634

13^#

發表於 20-4-14 10:50 |只看該作者

! 日間大部分時間我個仔都要抱住入睡熟睡才放搖搖椅有時醒左就搖番佢佢又會再訓日間好難訓床哈哈如果有搖搖椅都可以試下

私人傳訊

shersherma

積分: 1634

14^#

發表於 20-4-14 10:52 |只看該作者

最緊要俾佢知道呢個時間係要訓攪唔同間間小睡

私人傳訊

tszyin1209

積分: 119

15^#

發表於 20-4-14 11:09 |只看該作者

我bb依家差唔多4個月係佢2個月個陣同你一樣日日抱睡我同工人姐姐仲要輪流抱住先食到飯個陣夜晚仲要係同床訓嘅覺得真係唔得啦就上網搵自主入睡嘅訓練左一日左右就可以了主要係第一二次佢喊都痴線之後再睇多幾篇文做得好好多心都安落好多

附上當時睇嘅文章幫左我好多嘅

知道佢眼訓時嘅動作我bb係啜拳頭啜手當拍到佢啜手就可以出房門佢就自己訓到

依家bb眼訓放落去自己訓到佢訓唔到嘅話一係到佢玩下一係搖下佢到半合眼就放落床夜晚佢會乖乖自己訓餵奶完掃風個陣如果醒左放落床咁好被都會自己訓唔洗要人哄

私人傳訊

priscilla_yiu

積分: 727

16^#

發表於 20-4-14 11:09 |只看該作者

OrioleLeong_FB 發表於 20-4-14 07:02
回覆 OrioleLeong_FB 的帖子

到淩晨五六點佢都係好眼訓又訓吾到我又好心痛，好想比佢訓多d，我就抱起佢比 ...

我囡由出世十幾日開始已經扭眼訓，可以同你分享下，個陣有陪月，佢會拍佢訓，個陣有三個鐘餵一次奶，跟住試過俾奶咀佢，但不斷跌，我就放棄左，跟住陪月一走，個陣個半月，我就訓練佢訓覺，首先定好時餵食同食玩訓，然後就知道佢只係扭眼訓，因為我覺得，扭眼訓就係佢覺得眼訓呢個感覺唔舒服，所以喊，唔知道訓覺係可以解決到個個唔舒服嘅感覺，同埋唔識自己訓。我包好包巾，同佢講訓覺，俾公仔佢望，開白躁音，每次都做同一動作）佢就喊，佢喊一分鐘，我係遠處望住佢但唔郁，就同佢講兩分鐘野，佢都係繼續喊架，我無理照講，佢喊兩分鐘，我講兩分鐘野，如此類推

私人傳訊

tszyin1209

積分: 119

17^#

發表於 20-4-14 11:11 |只看該作者

一開始第一次第二次佢會爆喊當佢喊到有眼淚就抱起拍拍我記得我嘅第一次比佢喊到自己訓 2至3個鐘之後不斷搵方法當睇明白bb訓教信號有時叫幾下個陣就知道佢自己訓緊

私人傳訊

priscilla_yiu