吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 妊娠糖尿作戰經歷-慎入-長篇

懷孕前後今日: 2|主題: 330433

收藏本版

發帖

返回列表

跳至頁

查看: 13218 | 回覆: 15

妊娠糖尿作戰經歷-慎入-長篇 [複製鏈接]

LOKA1229

大宅

積分: 3837

1^#

發表於 20-3-10 14:25 |只看該作者 |倒序瀏覽 |打印

本帖最後由 LOKA1229 於 20-3-10 14:42 編輯

妊娠糖尿是懷孕期間出現的糖尿病，一般在懷孕約五、六個月時才發生，因為對胰島素需求增加，但胰臟卻未能提供足夠的胰島素分泌；同時懷孕期間身體會分泌一些抗衡胰島素的荷爾蒙，令胰島素的功能降低。在這情況下，身體無法把食物所供應的醣份轉作能量，過多的糖份便會累積於血液而導致血糖上升，造成妊娠性糖尿。對bb影響:羊水多，胎兒容易長成巨大兒、易早產、胎兒畸形率更高、嬰兒低血糖、更容易發生黃疸、新生兒更易缺氧。

我29歲，我第一胎預產期4月22日，打算私家順產，懷孕前66kg到而家34weeks都係64-66kg間上落。我dad、嫲嫲、爺爺都有糖尿，媽咪個邊就得姨媽有，25W5D時去健康院做糖水test，我本身真係超驚抽血，所以當日都係死既心態咁去，早一晚12點後禁食，之後糖水test前抽一次血(喊到死)，跟住我出到去訓著左教，2個鐘後再抽一次。第2朝姑娘就打黎，叫我即刻返去(我話後日得唔得，佢都叫我即日下午)，話要返黎聽醫生報告，話醫生會安排下午第一個見我，語氣都好急。咁我就請左下午假2:00返到去，醫生話我唔合格，糖水前5.7(正常5.1-6.9)，糖水2個鐘後12.6(正常8.5-11)，叫我即刻拎封信去威爾斯排，話會即刻安排入院觀察，如果都控制唔到就可能要住院打針，因為好高，話呢個數直頭糖尿。我以為即時入院啦，心情好亂，自己又驚打針抽血，又驚影響到bb，都喊左出黎，跟住打比老公叫佢早小小收工，幫我執野過黎啦。我食埋野4:00去到威爾斯比封信同file佢，拎左個籌叫我等等,話轉頭比個期我(話要等45分鐘)，但我心諗又話入院?又比個期我?咁都無多問就繼續等啦，10分鐘左右，姑娘叫我問我知唔知好高，我話知~健康院講左，姑娘話:可能要即刻入院喎你，你等等啦，我比醫生睇睇先。等多20分鐘，又叫我了，話拿你下星期1返黎啦20/1返黎聽講座先啦，我問:咁係咪今日唔洗入院，姑娘話:係呀，今日唔洗，你星期一聽完講座先返黎覆診啦。咁我就叫我老公唔洗執野啦，但係當日真係好亂，嚇死，好驚篤手指同抽血。

一星期後26w5d，係威爾斯聽完糖尿講座後，姑娘就會逐一叫你自己篤一次手指，之後返屋企一星期篤2日，每日4次。(試篤時，好多國內媽媽係唔排隊的，所以我坐返位等到最尾幾個先出去試篤)。篤完姑娘會問你叫咩名派返張假紙比你，我講完叫咩名佢就留住我，話我test好高，要問醫生洗唔洗入院。問完醫生話要，咁我就要求第2日先入，因為咩都無準備。(姑娘會比張餐單你，1800卡路里，1日分6餐食)。

26w6d入院第一天，跟返醫院餐食，照返一日篤4次手指，其實篤手指真係一d都唔痛(我咁驚痛既人黎講都)，我空腹、早餐、午餐都岩岩好合格的(6.6-6.9)，合格係(4-6.8)，到6點醫生問我想唔想返屋企我話想，佢姑娘就話因為床位有限，想我今晚出院，但因為我話睇野朦朦地佢之前安排左照眼底，所以就叫我請home leave咁返，第2朝返黎可以直接住院帶人咁去眼科，第二朝早餐前返到去，空腹合格，跟住去照眼底，照完就食早餐啦，點知早餐後7.3，醫生就唔放我走喇，話要留多一日，之後呢日午餐合格，晚餐合格，係第二朝年廿九就放我走了。我發覺個關鍵係一定一定要行，至小25分鐘-45分鐘，醫院真係無位比你行，但為左出院同bb，實係不斷唔理有無阻住人/無位，狂來回行，因為我真係10級唔想打胰島素。另一方面真係好擔心bb會受到影響，

29weeks，返去威記覆診(咁既情況姑娘話以後不用返健康阮，因為會直接返醫院跟進)，1.會見產檢醫生(聽心跳)，2.糖尿科姑娘3.營養師4.admin姑娘。今次覆診無咩特別，係驗小便同度高磅重，而糖尿姑娘會check你既功課，即係返屋企自己篤手指既記錄，姑娘會拎你部糖尿機驗查記錄睇你有無出貓，係呢4星期我有3次係唔合格，分別試過餐後7.2-8.8，姑娘就叫我跟足1800卡個餐食同埋要做運動啦。問心我真係無大魚大肉，飯就一定食唔足佢既份量，但跟住佢個餐黎講我都有跟足8成，係有時真係唔方便運動。

33w1d，返去威記覆診，即日捉左我入院。因為餐後真係多左好多7.2-8.5呢個數，糖尿科姑娘就都明白bb週數愈大係愈難控制，佢就話一陣見埋醫生睇下點講先，因為我有時餐後都有6.5呢d數，唔係一直高。見完醫生，真心覺得政府醫院既醫生同出面私家真係差好遠囉，第一個態度，第二個專業。一入到去，醫生金色頭髮，好後生(似廿幾歲咁既)坐到轉下轉下咁，度完個肚圍正常，咩都無問嘩你好高喎，你咁樣唔得架喎，我地入院啦。我心諗糖尿科姑娘就會同我講明白bb週數愈大係愈難控制,點解你要講到好似我做錯左d咩咁，怪我呢，你係醫生一定比姑娘更加明白，加上我記錄係我餐餐都行左最小25-30mins。跟住我就問佢可唔可以睇多一至兩星期先，跟住醫生話因為週數比較後，係要開始控制，咁我地入院啦。跟住我就同佢講我話入院真係行唔到，無位行，跟住醫生話無辦法，一定要開始睇下係咪要打針控制，咁我地入院啦。跟住我話ok，咁好啦。佢都仲係用好輕挑既語氣話，唔~咁我地入院啦。好輕挑既語氣:唔~咁我地入院啦呢，我係聽左不下6次。我唔係d重覆問完又問野既人..但你咁輕挑對一個有壓力既媽媽黎講係好難受。咁出到去我就忍唔住喊，同我老公一齊等安排入院。

33w1d，入院，跟返醫院餐食，照返一日篤4次手指，食完午餐一篤9.4，嚇到我!即時換另一張試紙再篤另一隻手指8.4，再即時借埋醫院個機再篤另一隻手指(姑娘陪同)，7.4!之後姑娘就叫我咁你用死一部篤啦，咁我就返返床，另一個巡房姑娘問我岩岩度到幾多，我同佢講返呢個情況，佢mark我9.4落佢簿囉，我唔肯，我話咁我照寫哂3個比醫生睇(我照mark落我張醫院比既糖尿記錄紙)!大佬~關符我洗唔洗打胰臟素，點解你可以咁求其。之後同老公講，老公買左部全新糖尿機過黎，我次次篤手指，我都捉姑娘陪我，全新糖尿機+醫院機一齊篤!都會出現相差0.5-1。但都好過我部舊機差1-2度(
舊機其實係同我部新機型號一樣contour pxxx，只不過係朋友2年買前，現借我的)。之後留左一晚，第2日度埋下午個餐都合格就放我走了，因為我第2朝要去私家產檢，走之前個醫生都有照一照超聲波記錄返。

33w3d，私家照完bb size正常，未有過大或過小，但胎水醫生話不要過8cm高，現在8.4cm，所以醫生話之前真係有機會高左，就叫我keep住，唔洗咁擔心。

因為26weeks時，政府醫生已經開左張紙比我，叫我38weeks要入院催生，但未作動催生真係好驚產程好長，又要塞藥，又要探幾次開幾多度，真係頂唔到，住院時個個探幾多度都叫到好慘，仲要有2-3個都係男醫生，手骨都d大啦(haha)，咁既情況食全餐機會有成50%，同埋疫情下無探病無陪產，所以現在決定38weeks在私家開刀，放放心心咁，有老公陪住，bb同媽媽唔想有太多變數。

真心覺得需要打胰島素既媽媽好偉大好西利!!!我其實都好興幸，到而家都未去到要到胰島素，但由糖水test完開始心就好累，食又食唔飽，飲品得返清水/牛奶/無糖豆漿，連食個咸餐包都話唔可以食哂，汁都唔可以食多，早午晚3餐食完仲要行30mins，日日都擔心影響到bb，現在希望快d到38weeks順順利利，健健康康出世。

各位媽媽都加油!!!

0 0 0

私人傳訊

繼兒動母

大宅

積分: 2399

2^#

發表於 20-3-10 14:53 |只看該作者

加油呀ＪＭ，我之前第一胎都聽好多人講，要四圍行下散下步，血糖先會靚，我飲糖水時都見到好多大媽四圍行，仲有如果唔夠訓都會好易升ＧＡ

私人傳訊

dettol75

別墅

積分: 529

3^#

發表於 20-3-11 22:05 |只看該作者

打胰島素唔痛架我覺得篤手指仲痛過打針

我都因為糖尿入過2次院最痛苦係日日都要篤手指篤到手指都瘀晒仲要無啖好食

私人傳訊

LOKA1229

大宅

積分: 3837

4^#

發表於 20-3-11 22:32 |只看該作者

dettol75 發表於 20-3-11 22:05
打胰島素唔痛架我覺得篤手指仲痛過打針我都因為糖尿入過2次院最痛苦係日日都要篤手指篤到手指都 ...

你空腹同餐後幾多呀？好擔心(emoji)有時晚餐仲會7-8中間。

私人傳訊

LOKA1229

大宅

積分: 3837

5^#

發表於 20-3-11 22:33 |只看該作者

繼兒動母發表於 20-3-10 14:53
加油呀ＪＭ，我之前第一胎都聽好多人講，要四圍行下散下步，血糖先會靚，我飲糖水時都見到好多大媽四圍行， ...

係呀(emoji)行真係好重要！

私人傳訊

dettol75

別墅

積分: 529

6^#

發表於 20-3-11 23:28 |只看該作者

LOKA1229 發表於 20-3-11 22:32
你空腹同餐後幾多呀？好擔心(emoji)有時晚餐仲會7-8中間。

空腹通常差唔多6 -7 9都試過餐後我會行45-60分鐘就謹謹合格試過行完都超標有次喺醫院食完午飯姑娘唔比我落地冇得散步就9.x

私人傳訊

Ryoi

洋房

積分: 41

7^#

發表於 20-3-19 17:50 |只看該作者

LOKA1229 發表於 20-3-10 14:25
妊娠糖尿是懷孕期間出現的糖尿病，一般在懷孕約五、六個月時才發生，因為對胰島素需求增加，但胰臟卻未能提 ...

我今日產檢，33週，個醫生勁凶我，你想點丫，數字唔靚，又唔想打針，咁隨時胎死腹中架，講左4次，我4日後又要去產檢比佢地睇數，當我係犯咁......我只不過係飲糖水剛剛責界姐

私人傳訊

LOKA1229

大宅

積分: 3837

8^#

發表於 20-5-2 20:50 |只看該作者

Ryoi 發表於 20-3-19 17:50
我今日產檢，33週，個醫生勁凶我，你想點丫，數字唔靚，又唔想打針，咁隨時胎死腹中架，講左4次，我4日後 ...

係呀，其實真係好慘，個個都想唔打胰島素架啦，個個都擔心呀b,點會唔努力，佢係醫生更加知道有情況係媽媽本身控制唔到，仲咁比壓力媽媽。34weeks我食到半碗飯加少少肉再行9個字，都係8.幾，照胎水、頭圍、肚圍都正常，到最後決定開刀，我無返威記覆診了，自己睇住，38weeks我生左喇☺️一切正常(emoji)

私人傳訊

helloyvonne2017

大宅

積分: 1396

9^#

發表於 20-5-3 07:49 |只看該作者

想問樓主生完BB之後血糖有回落嗎？坐月嘅飲食有冇嘢要留意？

私人傳訊

LOKA1229

大宅

積分: 3837

10^#

發表於 20-5-3 08:52 |只看該作者

本帖最後由 LOKA1229 於 20-5-3 08:54 編輯

回覆 helloyvonne2017 的帖子

至今3星期血糖未有回落至6.8樓下，但未有懷孕時高，之前半碗飯+2-3兩肉+半小時步行已經8.幾，而家1碗飯+6兩肉+汁+沒有運動都是8.幾，正常人不是孕婦範圍好像是9樓下，血糖試紙寫UNDER 9 係正常的。本身威記話我生完要再飲超水睇下，但因為我私家生，生完威記打黎確定我生左之後，病房說不知道有無得跟進糖尿因我私家生，叫我打去李嘉誠專科問，但我打算1個月後去私家醫生到覆診時問下個RANGE係幾多，正常就唔返去了。