吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 姐姐情緒好失落 (有點長文)

論盡家傭今日: 0|主題: 134084

收藏本版

發帖

返回列表

跳至頁

查看: 2469 | 回覆: 6

姐姐情緒好失落 (有點長文) [複製鏈接]

bbchu15

大宅

積分: 1853

1^#

發表於 20-5-27 11:15 |只看該作者 |倒序瀏覽 |打印

話說年頭plan左5月會放假返菲放假, 當時已經知道要隔離14天, 咁佢都明白額外假係要無薪的。因為當時疫情都幾高峰, 勸過5月好危險又好多變數, 當時亦買唔到5月的直航機票去佢城市(佢話馬尼拉好遠,唔想去馬尼拉), 只有轉機, 但我提出唔建議用多10倍既時間去搭機返去, 結果姐姐唔開心喊左兩日話6月有機返去都OK, 咁我都無法....只好買機票去安撫左佢先.....然後姐姐當然開心返晒, 有返心情。

到5月頭, airline出左通知6月航班取消, 機場關閉, 姐姐又一次成個人down, 然後話想改7月返, 由於當時我太忙, 準備唔切資料同佢去傾不如考慮下今年唔好返住..... 等疫情平和d同無左隔離措施時先返... 為平伏佢心情先, 然改7月機票比佢....

到早兩個星期我終於有時間整好D資料喇, 問埋AGENT去了解下菲律賓現況, 我就同姐姐坐低認真傾左如果返去既會出現既問題, 兩地的隔離時間的薪金安排, 如果有事返唔到黎又會點安排後...... 叫佢自己考慮下推唔推遲放假, 同埋我比1 個月時間佢同屋企人商量下先, 如果最後決定係要返, 咁我都唔會阻止既, 會尊重佢.

咁之後一星期見佢日日都好失落, 我都唔安落...... 我又唯有開解下佢, 佢話仲未有決定, 咁我都主動咁讓多步, 話: 如果你照返, 真係無問題, 返黎之後要扣既人工可以分期扣, 等你唔好咁大壓力先. 但健康就係你既, 依家最關心同最擔心就係呢個問題, 所以先叫你去衡量同考慮。

結果又一星期過去...... 都係無晒心機, DOWN晒咁, 又無下文......

想請教各位僱主, 我仲可以點開解下佢呀? 佢喺我度做左2年有多, 未試過咁, 一直都好坦誠, 好笑容的....所以我依家見到佢咁樣, 我又覺得有D心痛佢, 自己都有內疚感...好似我喺度反口咁, 臨飛前比咁多問題佢諗去阻撓佢放假咁, 但我同佢講呢D係出於關心佢為佢好既角度去講的.

0 0 0

私人傳訊

PonyMom

子爵府

積分: 13640

2^#

發表於 20-5-27 13:51 |只看該作者

其實你已經做得好好啦

，又不斷花錢花時間同姐姐安排機票，又有同理心。
或者試吓了解姐姐究竟甚麼原因咁想即刻返？由呢度入手安慰下呢？
可能佢不得不miss某個屋企人生日？或者miss佢當地嘅Fiesta日子? (當地Fiesta對菲傭原來係好重要嘅歡樂日子）

私人傳訊

honeybid2

男爵府

積分: 8127

3^#

發表於 20-5-27 15:45 |只看該作者

bbchu15 發表於 20-5-27 11:15
話說年頭plan左5月會放假返菲放假, 當時已經知道要隔離14天, 咁佢都明白額外假係要無薪的。因為當時疫情都 ...

算啦，你已經做左你本份。佢地民族係冇詳細考慮呢樣野，佢地要做就做，你唔俾佢做佢就覺得你搵藉口阻住佢...
例1）朋友賓賓回鄉堅持帶無限多朱古力手提上機，認為自己可以喺機場講得掂地勤姐姐俾佢帶

朋友勸姐姐唔好試就覺得佢阻撓佢...
例2）朋友賓姐二月完約，疫情下其實冇得返菲又冇新工。朋友勸話不如你喺我度做多幾個月到時你有得返菲我又有新工人咪大家好咯。姐姐堅持完約要走。結果走唔到，要自費喺agent boarding house 度住。

所以你唔使自責.... 佢地人種係咁....

私人傳訊

bbchu15

大宅

積分: 1853

4^#

發表於 20-5-27 17:16 |只看該作者

回覆 PonyMom 的帖子

我真係花好多時間去睇資料, 由唔睇新聞, 到依家日日都睇下佢地國家有咩新消息...我自己都要了解下真實情況, 唔能夠只係聽人講...

佢提及過佢老公話會等埋佢返去之後, 先再決定之後的工作安排, 可能係呢個就係姐姐既壓力卦,
我有勸過姐姐如果有困難或咩唔開心, 就講出黎, 一齊諗點解決. 但姐姐唔同我講, 我當然唔亂猜測問佢啦, 或者如果真係呢個問題, 姐姐會覺得我都幫唔到同佢老公講, 所以唔講我聽啦

兩年幾時間, 一直都見到佢開開心心, 突然咁大反差, 我自己都覺得唔安落呀