少年成長今日: 1|主題: 16109

收藏本版

發帖

返回列表

跳至頁

查看: 2479 | 回覆: 0

電視遊戲機 [複製鏈接]

csir3290

子爵府

積分: 12560

1^#

發表於 20-8-23 11:59 |只看該作者 |倒序瀏覽 |打印

呢輪日日都要留喺屋企放假都冇街去，兩個小朋友都算乖，但係留得多喺屋企都真係會悶。所以開始都畀佢哋接觸電視遊戲機。但係有個大原則就係要一齊玩，咁一家喺度玩其實都真係幾開心。

一路都有個原則就係希望兩個細路仔唔好接觸咁多電子娛樂設備，尤其是係手機同埋遊戲機。因為呢兩樣嘢所提供嘅娛樂實在太吸引，細路仔越早接觸就越容易上癮。所以我覺得要開始畀細路仔開始接觸遊戲機之前家長自己都要有啲準備。

首先我覺得家長自己應該要有自制力，如果家長自己都冇自制能力嘅話，咁就真係唔好畀細路仔開始接觸遊戲機，因為家長係細路仔最大嘅榜樣，如果家長自己都玩到唔停甚至乎同啲細路仔爭嚟玩，咁真係好難教細路仔要有節制。第二，家長要知道玩遊戲機嘅控制權係喺家長手上，細路仔絕對唔可以未經家長同意就自己開遊戲機玩。第三，玩遊戲機除咗用嚟消磨時間之外最重要嘅原因係要嚟增進一家嘅感情，所以我自己係一定成家一齊玩，而唔係匿埋自己玩或者各自各玩，咁樣只會令到大家越嚟越有隔膜，越來越疏離。

基於呢啲原則就算而家佢哋放暑假，我都係禮拜六日先至可以一齊玩遊戲機，而且每次都只係玩大約兩個鐘頭。不過我當然明白玩得開心嘅時候要停係好難，所以一早未開始之前就已經同佢哋講明今日玩遊戲機玩到幾多點，通常喺夠鐘之前都會同佢哋講呀仲有半個鐘，最後就係玩埋呢一鋪就要完。咁佢兩姊弟有曬心理準備幾時要完，咁佢哋都願意按時就完。細佬直情係一話要完就放低個手掣添。為咗公平同大家都係同一套規矩，所以有陣時有啲game就算我幾想玩，平日我自己都一定唔會自己開嚟玩，一定係等到星期六日同佢哋一齊玩。因為有呢個習慣，所以佢兩個平日都唔會問可唔可以玩遊戲機。我覺得最唔好就係同細路講因為我係大人所以平日可以玩，咁樣就算佢哋平日唔玩但根本就唔會服。

毫無疑問係咁悶嘅情況之下成日要留喺屋企，遊戲機係其中一個幾好嘅解悶方法，所以當細路仔去到咁上下大，自理能力比較高嘅時候就可以開始慢慢畀佢哋接觸，但係家長真係要知道個控制權係喺自己手上，遊戲機千祈唔可以成為要嚟充塞細路仔時間，或者唔想佢哋煩住自己嘅工具。即係無時無刻唔想細路仔煩住自己就開畀佢哋玩嘅工具。我自己好清楚遊戲機喺呢個階段對我哋嚟講除咗解悶之外係增進全家感情嘅一個媒介，唔係攞嚟充實細路仔時間令佢哋唔好煩住家長嘅工具。如果家長唔能夠處理好遊戲機嘅問題就千祈唔好開始畀細路仔接觸遊戲機。