夫婦情感 今日: 0 | 主題: 42730

積分: 308

1^#

發表於 20-6-26 12:31 |只看該作者 |倒序瀏覽 |打印

前年第一次發現老公有女人，係message 到話唔愛我，只想同女人一齊。之後我發現左佢就同我道歉又話會同個女人完。
點知上年我又發現佢地去左酒店，佢唔多認但就要生要死，話唔可以無左我。咁我又比返機會佢。
到上年年尾，又發現佢地去酒店，之後又係話最後一次。應承左斷聯，同我見到佢同第三者者互相block左對方。
咁上個月，我突然見佢unblock左個女人，佢就話都相識一場，唔想block人。

我地有2個小朋友，幼稚園生。我同佢都係30頭，結婚7年。佢對小朋友好好，係好爸爸，平時都成日係屋企(可能因為小三都有家庭)。對我都可以，每星期都有同我2人世界岀去，每日都同我傾下計咁。

0 0 0

私人傳訊

crystal媽咪

寶石宮

積分: 341355

2025中秋節勳章 2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章 2018復活節勳章 2018母親節勳章 2018父親節勳章牛年勳章 BK Milk勳章畀面勳章環保接龍勳章

2^#

發表於 20-6-26 12:40 |只看該作者

freemanyay 發表於 20-6-26 12:31
前年第一次發現老公有女人，係message 到話唔愛我，只想同女人一齊。之後我發現左佢就同我道歉又話會同個女 ...

自己有無工作？
佢睇死你唔會走

不要從別人的嘴裡去認識我

私人傳訊

freemanyay

積分: 308

3^#

發表於 20-6-26 12:46 |只看該作者

佢幾孝順我屋企人，大時大節一定係我屋企擇時間先，先再就佢個面。收入6成比我做家用，樓寫我名

當然我自己都有收入，搵得比佢多。一個人湊大2件無大問題。

呢年我同佢生活其實好唔開心。佢到今日都會覺得佢對唔住個小三，件事令3個人都受傷，所以唔想繼續。如果我忍唔住起佢面前話小三，佢會即刻言語保護佢。

我每日都反思點解自己咁唔爭氣，比機會佢傷害我(我唔肯定佢係咪斷唒)，又可能已經無信任，成日懷疑佢。佢想同我親密啲，我一合埋眼就諗到佢同個女人去酒店，即刻唔想佢掂我。

應該離婚嗎？會影響小朋友成長？老左會無人理？大部分男人都唔忠誠，係咪忍佢算？

私人傳訊

積極的人

積分: 2866

4^#

發表於 20-6-26 13:14 |只看該作者

freemanyay 發表於 20-6-26 12:46
佢幾孝順我屋企人，大時大節一定係我屋企擇時間先，先再就佢個面。收入6成比我做家用，樓寫我名

當然我自 ...

個問題係佢一直都冇同小三斷，咁你自己一廂情願想重新開始，有可能咩，佢而家對你好好，係想你接受佢三人行

私人傳訊

AudiQ7

積分: 1178

5^#

發表於 20-6-26 13:30 |只看該作者

freemanyay 發表於 20-6-26 12:31
前年第一次發現老公有女人，係message 到話唔愛我，只想同女人一齊。之後我發現左佢就同我道歉又話會同個女 ...

如果樓你名，收入六成比你，你仲要搵得多過佢，件事爆左都唔驚一無所有，斷極都唔斷尾，仲要幫小三講說話，留佢係度仲乜？

佢對你家人好係值得加分，但唔係理由原諒，佢係同你過世，唔係同你家人。

一次又一次都唔斷，其實真係好難了。你自己好好諗

私人傳訊

HOPEFORBB

積分: 14722

6^#

發表於 20-6-26 14:00 |只看該作者

回覆 freemanyay 的帖子

其實一次又一次，佢係睇死你唔走，同埋一哭二鬧你就會心軟，根本食硬你

至於你話收入六成俾你，層樓你名，你搵得多過佢，如果你同佢離婚，佢都可以分返你半份，最worse係佢根本唔使俾贍養費你，因為你搵多啲。

其實點揀真係睇你自己，呢度好多post，都成日話驚小朋友無完整家庭，自己會孤獨，搵唔到下一個，但比著我，我唔會因為以上原因，迫自己同件垃圾一齊，

私人傳訊

JM0910

積分: 4631

7^#

發表於 20-6-26 14:19 |只看該作者

freemanyay 發表於 20-6-26 12:31
前年第一次發現老公有女人，係message 到話唔愛我，只想同女人一齊。之後我發現左佢就同我道歉又話會同個女 ...

佢到今日都會覺得佢對唔住個小三　＜－－佢無覺得自己對唔住你？反而係對唔住個小三？

一次不忠，百次不用。佢一次又一次呃你又再搵返個女人，
證明佢對個女人都係認真啦，係心目中有一定既位置。

既然層樓係你名，你又搵錢搵得多過佢。
加上你都話同佢生活得唔開心，離婚同小朋友過新生活。

私人傳訊

WongMW2019

積分: 378

8^#

發表於 20-6-26 14:28 |只看該作者

你老公死硬左你, 佢喊喊就可以得到你原諒, 所以一次又一次咁傷害你, 其實佢不停傷害你, 你覺得佢仲愛你?
你可以為左對仔女唔同佢離婚, 但唔好期望佢會同個女人斷, 你可以嗎?
其實唔WORKABLE 點解唔同你老公講清楚? 佢係同個女人一齊就要放棄呢個家, 佢喊喊就可以CONTINUES? DON’T KIDDING ME!

私人傳訊

Money媽

積分: 10959

9^#

發表於 20-6-26 14:31 |只看該作者

回覆 freemanyay 的帖子

樓主, 你只係三十出頭以後重有好長條路要走, 如果你只需要一個表面工夫做到100 分(對小朋友好好係好爸爸) 男人, 當然無所謂, 但你一定要心甘情願接受自己係LOSER, 日日夜夜想C6係唔係同小三去爆房, 係唔係同小三講電話? 同小三去旅行等等.... 但重點係你唔可以問, 因為問咗你就會胡思亂想, 令自己人唔似人.鬼唔似鬼, C6今日唔離開你係因為方便佢同小三去爆房, 無人會想到呢對狗男女各自有家庭都去爆房!

我真心想講 "放過自己令自己活得有自尊"!

私人傳訊

Yee_ng

男爵府

積分: 6303

10^#

發表於 20-6-26 14:51 |只看該作者

回覆樓主：

本帖最後由 Yee_ng 於 20-6-26 14:52 編輯

咁如果離，自己又應唔應付到生活開支及住屋問題？如果唔成問題你又比左咁多機會佢都斷唔到小三，你自己又痛苦不如放手，表面再好好先生都無用佢都唔理你幾痛不斷傷害你

私人傳訊

0030

公爵府

積分: 26410

認識瑞士牛牛第二回認識瑞士牛牛第一回

11^#

發表於 20-6-26 15:23 |只看該作者

何必為難自己，有錢有能力何必受委屈～

私人傳訊

布甸小狗

男爵府

積分: 6272

12^#

發表於 20-6-26 15:38 |只看該作者

我每日都反思點解自己咁唔爭氣，比機會佢傷害我(我唔肯定佢係咪斷唒)，又可能已經無信任，成日懷疑佢。佢想同我親密啲，我一合埋眼就諗到佢同個女人去酒店，即刻唔想佢掂我 <<<<<<<<<<<<既然係咁, 我覺得兩個人再喺埋一齊已經冇意思了, 分開可能更好

私人傳訊

chupachups15

男爵府

積分: 8345

13^#

發表於 20-6-26 16:20 |只看該作者

freemanyay 發表於 20-6-26 12:46
佢幾孝順我屋企人，大時大節一定係我屋企擇時間先，先再就佢個面。收入6成比我做家用，樓寫我名

當然我自 ...

呢度好多姊妹都好叻，忍到，忍唔忍到好睇個人。我冇咁嘅能耐，當年我一知道前夫出軌，就即時安排分居。

答你最後兩個問題。

會影響小朋友成長？我離婚五年，小朋友一直表現正常，成績無受影響（社工同我講過，睇小朋友有冇受影響，最主要就係睇成績）

老左會無人理？點解睇死自己冇第二春？我知好多單親媽媽都搵到第二春，我自己都識咗個比前夫好一萬倍的男朋友

私人傳訊

bobo88hk

積分: 13981

14^#

發表於 20-6-26 16:34 |只看該作者

回覆樓主:

係我會離婚佢三番四次咁樣出軌無左信任真係好難行落去玩開有條引了
太多大話可能唔只呢個女人可能聊一大班女睇下邊個下位上釣

私人傳訊

FennieMan

珍珠宮

積分: 37430

減齡達人勳章

15^#

發表於 20-6-26 18:45 |只看該作者

你都唔想比佢掂，就算唔係呢個女人，佢遅早出外求，要你勉強自己應酬佢，又點會長久？
其實佢哋仲係咪藕斷絲連，你心中有數。如果你可以接受三人行，又或者當我老公出去叫私家雞，食散餐，咪隻眼開隻眼閉囉

私人傳訊

soso1227

珍珠宮

積分: 37354

醒目開學勳章畀面勳章

16^#

發表於 20-6-26 19:18 |只看該作者

機會唔係唔俾，但唔可以俾完一次又一次。
Fool me once, shame on you.
Fool me twice, shame on me.

Wake up!

私人傳訊

freemanyay

積分: 308

17^#

發表於 20-6-26 20:17 |只看該作者

多謝大家。。其實我都成日同自己講要離婚，但到打比律師個下又做唔岀。

佢每星期會同我岀街拍拖，個啲時候好幸福咁，但佢只要一有脾氣或者玩電話，我就即刻唔開心。佢想親密時我真係成個腦者只有佢同個女人既畫面。

有時望到小朋友同佢玩得好開心，我又唔忍心，好怕小朋友價值觀同愛情觀受影響，又怕佢地會無安全感。好似因為我自私要同佢爸爸分開，就累左小朋友一世咁。

私人傳訊

漱口水

積分: 13060

18^#

發表於 20-6-26 20:21 |只看該作者

freemanyay 發表於 20-6-26 12:46
佢幾孝順我屋企人，大時大節一定係我屋企擇時間先，先再就佢個面。收入6成比我做家用，樓寫我名

當然我自 ...

咁你仲留低？言語維護小三咁你呢？

私人傳訊

一嚿大番薯

積分: 2225

19^#

發表於 20-6-26 22:39 |只看該作者

回覆樓主：

本帖最後由一嚿大番薯於 20-6-26 22:40 編輯

如果我係你，應該會選擇離婚。有時我都會諗如果我老公有第二個我會點，以前我靠幻想，會覺得俾個機會再重新開始好容易，但其實原諒真的好易，以後嘅路先係最難行。個心無左信任就永遠都有種距離感。難得你自己有能力照顧到兩個小朋友，三十出頭我會選擇善待自己重新出發。男人，其實真的好多大話，接受唔到趁早離場無咁傷，好過拖下一年又一年。

私人傳訊

一嚿大番薯