夫婦情感 今日: 0|主題: 42705

紫晴媽媽 寫道:
由結婚到有bb,由有bb到生bb,我奶奶都係勁煩,我一頂唔順同老公'申',但佢次次都幫佢亞媽講說話,我次次都好唔開心;但最近奶奶d單打我嘅說話老公終於都聽到啦,依家佢都鄧我唔高興,又時重幫我俾返說話奶奶聽添 :mrgreen:
所以我真係好開心呀,我老公終於都醒覺啦

garytai 寫道:
紫晴媽媽 ,

你就好啦, 我奶奶仲乞人憎, 我上個月開刀生bb, 個傷口好痛, 我媽咪即刻煲d生班魚湯俾我飲, 話個傷口埋得快d, 快d唔痛, 之後到我出院返屋企冇耐, 我奶奶就買另外一隻魚黎煲湯俾我, 嚴格黎講係佢買條魚黎叫我個陪坐月煲俾我飲, 我都好感動, 佢都算係咁啦, 不過佢就衰把口, 飲完都唔會多謝佢, 佢問我佢d湯好唔好飲, 我話好好飲, 佢即刻話佢d湯好過飲生班魚湯, 我即刻唔鍾意, 講真, 我亞媽煲俾我飲係心痛我開完刀咁痛, 想我傷口快d好所以煲俾我飲, 佢煲俾我飲咪煲囉, 又要踩我亞媽d湯冇佢果d咁好飲, 但係我老公係唔會聽得明嫁, 正一死蠢

fafafa 寫道:
我奶奶果日打電話o黎本應就係吹下水, 點知唔知邊個得罪佢無啦啦講翻d陣年舊事, 本來我都響到聽佢呻下, 後來佢講講下辣埋我同我嬸母到, 話自己條命唔好, 兩個新抱都唔識做, 話我地過年只係買盒餅比佢, 燕窩都無d, 重講到喊晒, 佢都唔知發咩神經, 我當時都唔知點答佢好, 真係人心不足蛇吞象, 你個仔又唔係搵好多, 我自己好似都係買盒餅比我屋企之馬, 講到出口怪飲怪食, 我後尾忍唔住同我嬸母講 lee單o野, 講到我o地兩個粗口都o黎埋. 重有呀.....我奶奶好鐘意響亞a面前講亞b, 然後又響b面前講亞a. 佢咁大個人都唔化o架!

Kiwizaki 寫道:

會唔會係妳誤會左妳奶奶意思,佢可能驚妳飲左山班魚,傷口埋得太快生肉芽?可能佢係一番好意呢!話晒,佢都肯落手茖腳煲湯妳飲丫!

csc_y 寫道:
所以唔好嘅奶奶最好唔好見,電話都唔好講,費事聽左之後頂住呀!

garytai 寫道:
紫晴媽媽 ,

你就好啦, 我奶奶仲乞人憎, 我上個月開刀生bb, 個傷口好痛, 我媽咪即刻煲d生班魚湯俾我飲, 話個傷口埋得快d, 快d唔痛, 之後到我出院返屋企冇耐, 我奶奶就買另外一隻魚黎煲湯俾我, 嚴格黎講係佢買條魚黎叫我個陪坐月煲俾我飲, 我都好感動, 佢都算係咁啦, 不過佢就衰把口, 飲完都唔會多謝佢, 佢問我佢d湯好唔好飲, 我話好好飲, 佢即刻話佢d湯好過飲生班魚湯, 我即刻唔鍾意, 講真, 我亞媽煲俾我飲係心痛我開完刀咁痛, 想我傷口快d好所以煲俾我飲, 佢煲俾我飲咪煲囉, 又要踩我亞媽d湯冇佢果d咁好飲, 但係我老公係唔會聽得明嫁, 正一死蠢