喺所谓「民主派初选」，激进揽炒派可以话係「大获全胜」，趾高气扬嘅十几位初选胜出者，就特意开咗个记者会「回应初选结果」，表明无论确认书加入「港区国安法」内容与否，佢哋都会义无反顾反对「港区国安法」，又称会商榷係咪签署确认书。喺呢段说话入面，大家睇到咩？广男就睇到，佢哋为咗入闸，已经留咗条后路俾自己，随时准备为入闸签确认书喇！
确认书的内容有什么？
如果听激进揽炒派呢番话，广男大致理解为佢哋势必反对「港区国安法」，但又会谂谂签唔签确认书；对于确认书会唔会有关于「港区国安法」嘅内容，广男暂时唔知，不过睇返2016年立法会选举嘅确认书，参选人或者候选人要示明自己会拥护《基本法》同保证效忠香港特别行政区，当中包括拥护《基本法》中香港係中国不可分离部分、香港係高度自治而直辖于中央嘅地方行政区域等内容。一班激进派，尤其係曾经提倡「自决」、认为「港独」係「自决」选项嘅本土抗争派，签呢个确认书，係咪认衰仔先？係咪为咗铺路入立法会，就「未抗争，先跪低」？
反国安法 = 反基本法？
至于反对「港区国安法」嘅问题，参选人或者候选人要拥护《基本法》，而「港区国安法」已经纳入咗《基本法》附件三，一班激进揽炒派反对「港区国安法」，係咪等于无拥护到《基本法》呢？喺呢个情况之下，广男都好想知道，一班摆明反对包含「港区国安法」嘅《基本法》嘅政客，係咪仲可以入到闸？尤其甚者，一班抗争派表明入到立法会会用揽炒立法会嘅手段胁逼政府，本身又有冇违反「港区国安法」，又係一大问题！
最后一点，如果呢班人本身有「港独」、自决倾向，其实法理上不容易俾佢哋入闸，无论黄之锋等人讲乜嘢呼吁中央「悬崖勒马」都好，对唔住，改变唔到立法会选举有法例可依嘅事实。拒绝拥护《基本法》、效忠特区，仲点解要俾你哋选立会、玩揽炒呢？
發表於 
返回列表
