想生BB 今日: 3 | 主題: 109525

積分: 808

1^#

發表於 20-4-30 00:03 |只看該作者 |倒序瀏覽 |打印

由2x歲開始已經同老公不設防。當時因為年紀仲細，所以心態係中左就生，唔中亦唔急，仲後生。直至踏入3字頭，先開始認真去試，開始用紅d綠d。

試左一輪唔成功，開始去搵婦科嘗試搵出原因。當時只係搵普通婦科，未去到不育科。照左輸卵管係通嘅，但就發現有粒朱古力瘤。上網搵盗料，爬文見有好幾個jm分享話割完朱古力瘤之後好快就中，於是我都決定做手術，仲滿懷希望，以為割完朱古力瘤之後就會輪到自己中。但希望越大失望越大，手術後每個月都被一次又一次嘅白板打擊....

0 0 0

私人傳訊

積分: 808

2^#

發表於 20-4-30 00:04 |只看該作者

一年之後都唔成功，開始去搵不育科。身邊有朋友喺威院做ivf一次成功，咁於是我都去左威院。驗曬啲standard嘅test，雖然我地數字唔靚但都算正常，令我覺得係我子宮問題，令bb著床唔到。而因為我有朱古力瘤嘅history，所以醫生建議直接試ivf，成功率會高過iui。

再睇好多文，大家都話放鬆心情，唔好比壓力自己就會中；而且我連ivf呢一步都行埋嘞，實得啦掛？於是我又再次滿懷希望，冇乜點備孕，連supplement都冇食，保持住輕鬆嘅心情開始左我第一次嘅ivf。

私人傳訊

積分: 808

3^#

發表於 20-4-30 00:05 |只看該作者

sandra12345 發表於 20-4-30 00:04
一年之後都唔成功，開始去搵不育科。身邊有朋友喺威院做ivf一次成功，咁於是我都去左威院。驗曬啲standard ...

第一次ivf，抽到7粒卵，有6粒授精。嘩！好開心呀！有6個希望喎，算係唔錯啦！咁醫院就約我返去放day5鮮胎啦。點知去到day2，收到醫院call，話啲胚胎唔得啦，養唔到去day5，叫我day3要返去放胎啦。當時成個人灰曬，但亦都終於知道我試極唔中嘅原因，唔係著床唔到，而係質量問題，有種迷底終於解開嘅感覺。醫生之後都有comment話我啲卵子啡啡黑黑，質素好差。

私人傳訊

積分: 808

4^#

發表於 20-4-30 00:05 |只看該作者

sandra12345 發表於 20-4-30 00:05
第一次ivf，抽到7粒卵，有6粒授精。嘩！好開心呀！有6個希望喎，算係唔錯啦！咁醫院就約我返去放day5鮮胎 ...

當然第一次ivf係失敗左啦，仲要冇得雪胎，真係好失望好大打擊。但亦因為知道左係質量問題，我開始食supplement同做運動，準備下一次ivf。三個月之後，我竟然自然bingo左！驗到中果一刻，手都震埋，第一次見到綠d有兩條線嘅感覺真係好震撼！但好可惜，驗到中之後果一日已經見紅，即日睇醫生，有胎囊但未見bb，訓左個幾禮拜床，最後自然流左。呢次係第一次小產。

私人傳訊

積分: 808

5^#

發表於 20-4-30 00:06 |只看該作者

sandra12345 發表於 20-4-30 00:05
當然第一次ivf係失敗左啦，仲要冇得雪胎，真係好失望好大打擊。但亦因為知道左係質量問題，我開始食supple ...

雖然由驗到有到小產，係由天堂跌落地獄，但比起每個月嘅白板黎講係好大嘅進步！我將呢次小成功歸功於食左3個月嘅supplement同運動。而且聽人講小產後6個月係黃金期，於是我積極備戰交功課。但6個月過去，綠d又每月白板，於是我踏入第2次嘅ivf，都係去返威院。

第2次ivf同第一次嘅過程同結果差不多，唔多講了。第2次ivf失敗後嘅下一個cycle，我竟然又再自然bingo！我茅塞頓開咁，發現唔係supplement有效，而係ivf嘅針藥幫左我。

私人傳訊

積分: 808

6^#

發表於 20-4-30 00:08 |只看該作者

sandra12345 發表於 20-4-30 00:06
雖然由驗到有到小產，係由天堂跌落地獄，但比起每個月嘅白板黎講係好大嘅進步！我將呢次小成功歸功於食左3 ...

第2次懷孕，今次照到閃閃啦，仲見到bb有手有腳郁吓郁吓！勁開心！又點知，去到做nifty果日，醫生一照，話bb頸皮厚，建議唔做nifty直接抽絨毛做test。醫生轉介左我返政府抽絨毛，初步結果係正常(唔係21,18,13 trisomy)，要再做詳細karyotype。果時仲係抱有一絲希望bb水腫會自己退。詳細報告返到黎，都話karyotype係正常，但醫生照到bb結構好有問題，再搵埋林勇行照，都係同一結論，先死心決定人流，當時係16週....比起之前無數次白板加ivf失敗嘅打擊，呢次真係好心痛。望住排左出來嘅bb，十分心痛；就算到左今日，諗返都依然十分傷心。

私人傳訊

積分: 808

7^#

發表於 20-4-30 00:09 |只看該作者

sandra12345 發表於 20-4-30 00:08
第2次懷孕，今次照到閃閃啦，仲見到bb有手有腳郁吓郁吓！勁開心！又點知，去到做nifty果日，醫生一照，話b ...

呢次之後知道左ivf嘅針藥係我嘅神藥，我計劃先做幾次iui去boost up quality，再接住做ivf，亦都轉左去私家診所做。iui當然係失敗啦(預期之內)，緊接住連續3次ivf抽左卵子去maximize個quality。第一個cycle，卵子質素同之前一樣差，啡啡黑黑，養唔到去blastocyst。第二個cycle，卵子冇再啡黑啦！養到day3有幾粒grade A，亦都養到2個good quality嘅blastocyst雪胎，真係好震奮！第三個cycle，卵子又變返啡黑，但都養到2粒blastocyst但質素麻麻。胚胎養到去day5 blastocyst，對我黎講係一個好大突破！

私人傳訊

積分: 808

8^#

發表於 20-4-30 00:09 |只看該作者

sandra12345 發表於 20-4-30 00:09
呢次之後知道左ivf嘅針藥係我嘅神藥，我計劃先做幾次iui去boost up quality，再接住做ivf，亦都轉左去私家 ...

做完呢3個cycle，就放左1粒雪胎，中！之但係，去到6週都照唔到胎囊，呢次第3次懷孕。黎一次m之後，自然中左，但去到10週都只照到胎囊照唔到bb，呢次第4次懷孕。又黎多次m之後，再自然中左，呢次係我第5次懷孕，亦係一年內第3次懷孕！其實去到呢個地步我已冇咩感覺，已經接受左可能一世都生唔到，而心入面亦都預左又會小產，但就係呢次，我終於去到終點！呢次懷孕亦唔係一帆風順，去到12週先黎個大出血，以為會就咁冇左bb，但感激遇到個好醫生保住個胎，最後有驚無險，終於生左我嘅心肝椗！第一次抱住bb，心情複雜，不其然流下眼淚。

私人傳訊

積分: 808

9^#

發表於 20-4-30 00:09 |只看該作者

sandra12345 發表於 20-4-30 00:09
做完呢3個cycle，就放左1粒雪胎，中！之但係，去到6週都照唔到胎囊，呢次第3次懷孕。黎一次m之後，自然中 ...

望返轉頭，由認真試到成功生到，用左5年多時間，知道自己行左好多怨枉路，總結一下經驗：
-如果第1次ivf失敗，而又有心做第2次，建議接住下個cycle做，唔好諗住抖返幾個月先再做。如果我當初連續做2次ivf，我諗一早就成功左。
-另一樣我後悔嘅事就係冇搵個好手勢嘅醫生割朱古力瘤，個醫生幾乎將我生瘤果邊嘅全個卵巢割走左。做咁多次ivf，基本上所有抽到嘅卵子都係come from冇割瘤果面嘅卵巢。
-中醫效用不大，至少對我黎講，睇幾多次中醫針灸都唔及一次ivf嘅藥咁有效果。

私人傳訊

積分: 808

10^#

發表於 20-4-30 00:10 |只看該作者

sandra12345 發表於 20-4-30 00:09
望返轉頭，由認真試到成功生到，用左5年多時間，知道自己行左好多怨枉路，總結一下經驗：
-如果第1次ivf失 ...

Ivf真係好大心理壓力。金錢上同生理上付出已經好大，而且仲會將每一個細節都放大：幾個基礎卵泡、卵泡大細、幾粒成熟卵子、幾粒卵子授精、胚胎有幾個細胞咩grade.... 無了期覆診、幫自己打針、抽卵嘅痛，都唔係最難克服嘅野，接受到失敗先係最難嘅一步！畢竟每個月都被打擊一次已經夠沮喪，ivf仲要付出咁多但到頭黎可以連個桔都冇...

我好感恩自己可以走到終點，但生bb冇必然嘅成功，果種無論你點努力付出都唔成功嘅無力感同絕望感，我都體會過。可走到終點當然最好，但若有朝一日真係要放棄，都要學識放開。各位努力緊嘅jm們加油！

私人傳訊

lycheewong

積分: 548

11^#

發表於 20-4-30 00:27 |只看該作者

sandra12345 發表於 20-4-30 00:10
Ivf真係好大心理壓力。金錢上同生理上付出已經好大，而且仲會將每一個細節都放大：幾個基礎卵泡、卵泡大細 ...

媽咪你好叻呀，無放棄到！(emoji)(emoji)(emoji)(emoji)(emoji)(emoji)

私人傳訊

singingcat

積分: 3276

12^#

發表於 20-4-30 00:32 |只看該作者

sandra12345 發表於 20-4-30 00:10
Ivf真係好大心理壓力。金錢上同生理上付出已經好大，而且仲會將每一個細節都放大：幾個基礎卵泡、卵泡大細 ...

非常佩服你！呢條路真係唔容易，謝謝分享！

私人傳訊

白羊花花

侯爵府

積分: 20958

13^#

發表於 20-4-30 00:37 |只看該作者

上天會見到你既努力

私人傳訊

陶淵明

積分: 3134

14^#

發表於 20-4-30 01:30 |只看該作者

sandra12345 發表於 20-4-30 00:03
由2x歲開始已經同老公不設防。當時因為年紀仲細，所以心態係中左就生，唔中亦唔急，仲後生。直至踏入3字頭 ...

同我差唔多都係七年先生到bb

私人傳訊

Nagomi

積分: 3178

15^#

發表於 20-4-30 05:12 |只看該作者

回覆樓主:

見到jm你個經歷，最後成功真係好替你高興

, 千辛萬苦終於有回報，回望返過去一切嘗試都值得了，恭喜晒~~

私人傳訊

totow

複式洋房

積分: 315

16^#

發表於 20-4-30 10:01 |只看該作者

本帖最後由 totow 於 20-4-30 10:01 編輯

睇完之後好感動，你真係好叻，多謝你的鼓勵！祝BB健康快樂成長

私人傳訊

irene555

積分: 505

17^#

發表於 20-4-30 10:49 |只看該作者

sandra12345 發表於 20-4-30 00:03
由2x歲開始已經同老公不設防。當時因為年紀仲細，所以心態係中左就生，唔中亦唔急，仲後生。直至踏入3字頭 ...

你好叻呀，我也用7 年時間生得出個BB，之前已經做左4 次ivf,,今月原本想中二寶，已經最後一粒胚胎，但今天放胎第10日應該冇中呀，咩感覺也冇呀，我同自己專心湊帶個仔，唔做ivf，大家加油

私人傳訊

good_good

積分: 2110

18^#

發表於 20-4-30 11:36 |只看該作者

sandra12345 發表於 20-4-30 00:09
望返轉頭，由認真試到成功生到，用左5年多時間，知道自己行左好多怨枉路，總結一下經驗：
-如果第1次ivf失 ...

睇完你嘅經歷，心情好複雜，真心鄧你開心，你條生育之旅真係好難行，真係可以出本書。不過，最终苦盡甘來，過中滋味真係難以形容，旁人講一句恭喜，相信你用咗畢生嘅勇力、堅持同埋眼淚换返來。想問不，你話第二次針要接住來，意思係未小產後來一次M，之後就開針啊？

私人傳訊