fb <陪月員/保姆ee 方太>
1)每日正式開工前都會喺廁所裡面搞好耐先出嚟。每次佢痾完屎之後都唔會閂廁所門,啲異味供哂出嚟(bb房就喺廁所對面)！
2)每朝一入咗廚房洗餸,bb喺房到點喊都唔會理,每次都係我媽咪幫手入房照顧bb。
3)bb習慣每次飲緊奶嗰陣都會痾屎,佢10次有8次都係餵完奶就算,唔會換片或者檢查有冇屎,呢8次我媽咪都係會問佢bb有冇痾到屎,佢都係好快答冇,每次我媽咪都唔會信佢,走去檢查bb片片(係有屎)。而剩低嗰兩次喺bb好明顯痾咗屎(好大聲+我同我媽咪都聽到),所以佢先會去換片
4)衛生程度極差~1)洗完手未抹乾就走埋嚟想抱bb(當我bb係抹手布？) 2)喺廚房洗面⚠️ 3)餵完bb飲奶啲紗巾周圍擺 4)幫bb沖完涼條毛巾擺喺床就算 5)坐我張床又艾住我訓教枕頭餵bb飲奶 6)bb嘔濕咗件衫唔理,扮睇唔到,每次都係我或者我媽咪幫bb換衫
5)餵緊bb飲奶照樣傾電話
6)抱住bb行入廚房睇火(極之危險！)
7)唔明點解每次佢幫bb沖涼都係會喊(喊到好似被虐打咁)？！佢放假嘅時候我媽咪幫bb沖涼係一聲都冇喊過
8)煮餸好鹹,每次食完我都要飲好多炒米茶
9)終於捱到佢last day,佢夾硬迫bb同佢自拍影相,當時bb已經不耐煩地喊緊,我唔行出嚟望發生咩事,佢都唔諗住理bb喊繼續自拍,佢見我一行出嚟先扮晒嘢收埋電話,問bb做乜扭計！
*之後仲好意思叫我寫推薦信,我冇寫,佢就拎咗張佢打嘅推薦信叫我簽(我當然唔會簽)
發表於 
真系貼埋錢比自己受氣！尼d 陪月真系好PK！
返回列表
