少年成長今日: 0|主題: 16109

收藏本版

發帖

返回列表

跳至頁

查看: 5015 | 回覆: 1

教功課越來越難 [複製鏈接]

csir3290

子爵府

積分: 12568

1^#

發表於 20-10-18 10:19 |只看該作者 |倒序瀏覽 |打印

之前曾經講過阿仔阿女而家好鍾意用嗰個叫Zello嘅apps嚟同我哋聯絡，呢個apps成為我哋嘅親子對講機。除咗傾閒偈之外而家佢哋仲多咗個好重要嘅用途就係即時問功課。尤其是係阿女，而家都唔使等到我同老婆返屋企，有陣時佢直情就咁將條題目影張相然之後就問我哋點做。如果可以嘅我都會透過個軟件教佢。

講開教功課，阿女而家六年班其實啲嘢開始越嚟越深，尤其係啲數學，唔再係好似以前低班咁多數都係啲機械式做啲加減乘除嘅操練，只要小心就可以。所以真係越嚟越佩服啲老師要用方法令佢哋明其實係最困難。我以前都講過教阿仔阿女做功課，我慣咗要諗方法慢慢引導佢哋自己搵到自己邊度做錯同埋點樣搵返個答案出嚟。以前細個都好啲，因為通常都係啲機械式加減乘除，做錯就通常都係唔小心呀，但係而家佢哋越嚟越高班，由其係阿女好多時都係要佢哋明個方法點做。好似好似而家學緊百分數咁，又部分求全部，又全部求部分，又有求幾多折總言之鬼死咁多變化。有陣時連我自己都覺得混亂，但係喺教嘅過程入面我自己都要諗方法點樣令阿女明白。所以反而令到自己都會更加明白用乜嘢方法先至係最好，真係透過教嘅過程自己都增長咗知識，因為以我哋大人嘅程度其實啲數唔係難，但係難在係要諗方法引導阿女令佢自己明白，同埋知道個原理係點做。我哋自己細個讀書都係只要明白咗個道理，有陣時就唔使死記咁多公式。

好似我而家教阿女咁，我成日都會叫佢你嘗試下用番啲最簡單嘅方法去諗，即係你唔好當佢係百分數小數咩數都好，你嘗試變返曬佢做簡單嘅整數去諗，其實好多時我發覺係阿女諗得太複雜，同埋諗嘢嘅方法有問題。其實只要改善咗呢樣嘢，好多時佢自己都會諗得返究竟啲題目點做。

喺小學階段嚟講我覺得要睇細路仔啲功課唔困難，正正就係知道答案啱同錯唔難，但係要令佢哋明白點解錯同點樣改正先至係最困難。當然我明白唔係個個家長都能夠做到可以諗方法令到自己嘅仔女明白，但係都唔好只係淨係指出錯處，因為其實我哋要明白究竟個細路仔佢只係唔小心做錯定係真係唔識而做錯，如果只係唔小心當然最簡單啦，但係如果佢唔識個原理而做錯嘅話，做家長就有責任去引導佢搵到方法解決個問題，如果家長自己都唔識嘅可以同佢一齊嘗試喺網上面搜尋方法又或者可以請教下老師點樣教。如果睇功課只係指出幾個錯誤唔教佢點樣做，到頭來只會不停削弱佢嘅自信，亦都唔能夠令到佢哋喺錯嘅經驗入面去搵返正確嘅方法。好似我個女咁見到佢到最後終於用啱方法去搵到正確嘅答案，其實阿女自己都好開心好有成功感。學習就係需要建基於呢啲成功感令到佢哋自己更加有信心先至會學得越好。透過而家教佢哋兩個做功課，反而我自己都會諗到一啲原來以前自己讀書冇諗過嘅方法，更體會到乜嘢叫做教學相長。