話說樓主老母張床又舊又爛，於是樓主就盡下孝心同老母去左睇床，千揀萬揀...就係果間傢私鋪訂左張單人床...
1月頭落訂。
「口頭」承諾農曆新年前貨到。
約好新年前幾日送貨上黎。
送貨前一日，老母好高興咁拆左自己張床...丟埋！
就係果晚一定太開心，結果一訓訓到今日，仲訓緊地下！
1月23日，
鄭師奶（傢c鋪負責人）就話：喔喔，床板運送途中整爛左，要等2月。
結果又話大陸疫情，停工，等3月。
3月頭，鄭師奶又話：在等出货，大陸海关不给过，快了。
快了？
一直都係催佢先覆一兩句，有時老母問完佢野都唔覆...
3月17，送左整錯曬嘅床上黎，但要強收4成錢，床板個邊爛曬，話係「新嘅」、「訂製嘅」，點解可以禁無恥。
[img]blob:https://www.baby-kingdom.com/5f0fb2f9-152b-4dff-964b-02ad740ffeed[/img]
[img]blob:https://www.baby-kingdom.com/5bacf5f5-76b7-4689-a5b9-8a440d0f7fbc[/img]
叫佢退換，退到依家...
到今日又送件垃圾板上黎，又係爛嘅，又要我地等...
[img]blob:https://www.baby-kingdom.com/1ad5b2cb-bb2a-4927-88b6-fdc2fd257973[/img]
等到幾時？叫佢退貨又唔肯退，退錢又唔肯，點算
求高人指點。
垃圾消委會都搵過，但仲未有回音。
大家小心呢間黑店！
慢真係唔緊要，但起碼整得好好睇睇，交到貨就心滿意足，但...唉
發表於 
返回列表
