吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 節日的感慨 (好長篇)

心聲留言今日: 0|主題: 17521

收藏本版

發帖

返回列表

跳至頁

查看: 19029 | 回覆: 8

節日的感慨 (好長篇) [複製鏈接]

worthy

珍珠宮

積分: 43744

1^#

發表於 20-12-23 21:38 |只看該作者 |倒序瀏覽 |打印

本帖最後由 worthy 於 20-12-23 21:46 編輯

要從修例風波講起. 盡量簡短. 多多包涵.

我有細佬同妹. 修例事件我同妹係比較温和支持政府, 弟婦中立, 細佬激進地"黃". 初初知道大家唔同政見時, 見面食飯會盡量唔講政治, 但避得好辛苦. 之後細佬都忍唔住講佢嘅言論, 我聽到好火, 不過都死忍唔開口駁, 因為我知道一反駁一定吵. 但我知我面色好難睇.

唔知好彩定唔好彩, 今年年頭開始有疫情, 大家就藉此取消聚會. 到咗年中疫情曾經緩和放寬聚會至8人我地食咗一次飯. 我係好唔想去但大家叫到又唔知點推. 結果如我所料又提及政治, 我無反駁但面色好難睇. 送細妹返屋企途中我忍唔住呻話最好一段時間唔好約食飯, 我唔想見細佬.

之後我妹whatsapp我. 原來呢件事挑起佢對我嘅不滿. 話說我近幾年好鍾意去旅行 (原因太長), 所以大部份節日嘅公眾假期我兩公婆都會出咗門, 好多時做節都要提早. 我唔係太鍾意同細佬妹去旅行, 因為佢地唔鍾意跟團而且一日去好多地方, 我頂唔順. 加上自由行係好貴. 我妹話我無親情又自私, 從來唔主動約佢地, 只顧自己玩樂. 其實我好怕, 佢地好"奄尖". 如果揀間食肆差D會成餐飯係咁彈, 攪到你無心機食. 服務員態度差少少又勁串人. 我好怕呢種場面. 我覺得唔好最多唔幫襯, 唔使大庭廣眾鬧人.

唔見面之後我地喺whatsapp group傾計少之又少. 就算幾大新聞都無人會攞出嚟討論. 可能大家都好有戒心隨時反枱. 有時細妹會講一D嘢, 我會回應但言之無物一句起兩句止. 費事又俾人借題發揮.

本來我同細妹弟婦有個 "女人" group, 我好想喺嗰度同佢地傾計. 但我細妹雖然細我好多, 佢無結婚又好傳統, 唔鍾意一家人唔團結, 佢覺得要傾計點解唔去 "齊人" 個group傾. 所以我試過去嗰個group發起話題, 佢地無乜點答我.

冬至大家一句嘢都無喺whatsapp講. 嚟緊Christmas & New Year好想講greetings, 但我知細妹會話我假. 佢會話既然唔想同屋企人親近就唔好扮嘢. 呢方面我係有唔好嘅地方. 我對關係親疏無乜計較, 只覺得人生已經係苦, 所以我會親近令我開心嘅人, 那怕只係泛泛之交. 如果你每次見完嗰個人都會唔開心好多日, 相信幾親都會避得就避啦!

不過節日都唔能夠同屋企人講句祝福, 呢一年嚟好難過.

寫得好亂, 多謝收看!

0 0 0

HOPE EVERYDAY IS A GOOD DAY

私人傳訊

Nancy20090615

瑪瑙宮

積分: 136728

2^#

發表於 20-12-24 11:19 |只看該作者

本帖最後由 Nancy20090615 於 20-12-24 11:40 編輯

worthy 發表於 20-12-23 21:38
送細妹返屋企途中我忍唔住呻話最好一段時間唔好約食飯, 我唔想見細佬. ...

你尼野真係奇怪, 使乜講到出口唔想見細佬丫. 下次有人約先推囉.

我個仔同佢女朋友都黃架, 我唔會搭咀, 不過佢地都唔會講得好過份就算.

去旅行果 d 我認同你呀, 各自去囉, 有乜問題. 我一向唔旅行 (慳~~) 我 D 姐弟都係自己去旅行, 唔會約埋的, 不過呢有樣野佢地就唔係幾好, 係一定唔會預埋呀媽一齊.

私人傳訊

Jolin_Yuen

珍珠宮

積分: 44912

2018復活節勳章 BK Milk勳章

3^#

發表於 20-12-24 13:02 |只看該作者

其實明知大家政見唔同點解仲要硬傾?

好多時其實都係因為執著, 互不相讓攪到大家唔開心..

我細佬同我政見都唔同,
我男朋友, 老闆同我都係唔同。
我做野好多同事同我都唔同。

控制唔到人就控制下自己。

所有意見,立場, 過份地沉淪都唔係好事。

每個人意見, 立場都一定會唔同。
但不變既係, 要記得所有人出發點都係因為"愛"...
不論藍黃, 佢地出發點都係因為愛香港, 愛我地個家。

我慶幸我是水瓶星座.
爸爸是我心中的大樹.
媽媽是我一生的偶像.
姐姐是我一世的知己.
弟弟是我生活的依賴.
多多是我平常的歡樂.
一家人嘛!

私人傳訊

worthy

珍珠宮

積分: 43744

4^#

發表於 20-12-24 14:08 |只看該作者

回覆 Jolin_Yuen 的帖子

多謝.
我明白呀! 呢一年來不斷自我反省, 不斷同自己講, 我覺得細佬錯, 可能佢都係咁睇我. 又或者我收到嘅訊息有部份係俾人誤導. 政治係從來都存在, 但我對呢方面係無乜感覺, 屋企人都係, 有時攞出嚟傾完笑完就算, 之後根本唔記得自己講過咩. 但唔知點解, 今次修例事件大家都好認真, 真係影響到情緒, 每次聽細佬講完我個心會跳得好快, 之後有一段長時間腦海成日浮返呢D說話出嚟, 好唔開心.

我叫咗自己好多次唔好再咁認真, 但真係做唔到. 解釋唔到點解會咁!!!

HOPE EVERYDAY IS A GOOD DAY

私人傳訊