吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 記錄ivf 2024 (深圳中山婦產)

想生BB 今日: 6|主題: 109514

收藏本版

回覆發帖

返回列表

跳至頁

查看: 12115 | 回覆: 21

記錄ivf 2024 (深圳中山婦產) [複製鏈接]

wwy729

複式洋房

積分: 169

1^#

發表於 24-9-13 15:42 |只看該作者 |倒序瀏覽 |打印

本帖最後由 wwy729 於 24-9-13 15:44 編輯

上網搵資料見到好多香港人都係呢度做，有夜診方便收工去。
記錄一下，7月我係公眾號預約初診，我想搵識講廣東話既醫生，果陣我考慮緊莫/胡/耿，問左醫助話耿唔識, 莫同胡識，最後預約左胡醫生。

初診要去一樓初診接待處掛號，比$33掛號費，同埋買一本病歷本好似$1.2，但我之前已經有所以冇買。
填寫完資料會有醫助帶你上去4/F簡單介紹，等見醫生。
但係過左時段都未見到胡醫生，後來佢出現左話原來有urgent case 佢要即刻去幫手做手術，要約半個鐘。之後我先生同醫助講有冇咩檢查要做住先，邊做邊等胡醫生返黎。

題外話，有姊妹分享過初診要空腹check胰島素。未初診前問過醫助要唔要空腹，佢話到時醫生睇情況，
好彩我空腹去，因為我真係要check 血糖+胰島素，即係飲糖水抽一次再加之後0.5, 1, 2, 3小時都要抽血，要準時抽，我較左個鬧鐘提自己，落差唔可以超過3分鐘。好crazy ，果朝已經抽左至少5筒血。

係1小時果次醫助通知我，胡醫生返左黎，咁我抽完血又上返去，胡醫生比我感覺好穩重好nice，了解左我個case 之後問我地會唔會試下IUI /監測卵泡先, 但我試過監測卵泡，機會好微（我自身問題）又要成日請假返去照B 超，所以就同佢講我決定左做試管，傾傾下我又夠鐘落去抽血。再上返去搞搞下都12點幾，仲有白帶未採，2點先再開，所以係附近食D野，空腹到而家真係好肚餓。

跟住返去拎晒報告就去諮詢室建檔。有D報告如果做過可以帶埋去，係有效期內可以唔洗再做, 變相慳返D錢。仲有就係結婚證一定要帶去，有結婚證先可以建檔，跟住簽名打指印，建檔完成。
因為染色體報告要大約10日先出，所以約左2星期後再返去。
初診呢日用左差唔多8xxx人仔。

待續

0 0 0

私人傳訊回覆引用

dordorbb2021

別墅

積分: 872

2^#

發表於 24-9-18 12:15 |只看該作者

wwy729 發表於 24-9-13 15:42
上網搵資料見到好多香港人都係呢度做，有夜診方便收工去。
記錄一下，7月我係公眾號預約初診，我想搵識講廣 ...

我想問問呢，你係咪用Apps去掛號？因為掛好啦都唔見佢哋三位個名

私人傳訊回覆引用

wwy729

複式洋房

積分: 169

3^#

發表於 24-9-18 16:00 |只看該作者

本帖最後由 wwy729 於 24-9-18 16:02 編輯

dordorbb2021 發表於 24-9-18 12:15
我想問問呢，你係咪用Apps去掛號？因為掛好啦都唔見佢哋三位個名
...

我係用微信同醫助講指明想搵佢地，揀好之後醫助幫我約，去到再比掛號錢。
你試吓同醫助講想邊位

私人傳訊回覆引用

dordorbb2021

別墅

積分: 872

4^#

發表於 24-9-18 21:42 |只看該作者

wwy729 發表於 24-9-18 16:00
我係用微信同醫助講指明想搵佢地，揀好之後醫助幫我約，去到再比掛號錢。
你試吓同醫助講想邊位

明白，方便可以分享他們的微信嗎？謝謝你。

私人傳訊回覆引用

wwy729

複式洋房

積分: 169

5^#

發表於 24-9-19 15:30 |只看該作者

更新下先

唔知有冇準備移植既姊妹呢
***
過左2個星期，返去睇報告。未見醫生之前要做埋上次未做既尿常規，之後等埋呢份報告出左先可以見醫生。
呢份好快，10分鐘左右報告就出左，咁就係手機激活等見醫生

今次睇既係胡團隊既醫生，佢話一般係黎M第2日可以開針，但我多囊黎M好唔準，所以同醫生傾左，佢就開左黎M既藥比我，連食7日左右14天內會黎M。黎m第2日返去
***********************
食完D藥大約4日就黎M了，預約左第2日夜診返去。
深中既好處係有夜診，方便打工人，一般我收工到去7點10分左右。抽血前用WECHAT 比左錢之後就去抽血站出面部機Scan 之前開定既抽血紙，抽完血就上去照B超，夜診B超拎飛既位置唔係日診果度，係再入面，第一次唔識，我都係問D姑娘，佢地好好會教我點用，下次就可以自己黎。
抽完血多數要等1個鐘先出報告，所以我抽完再等B超再食個美團快飯係OK既。
好啦，終於見到醫生啦，佢話今日可以開針啦

佢知我係香港過黎，所以開左進口針比我自己打肚皮。（國內針要返院打的）
開左一支450IU既果納芬，每日打112.5IU，過3日再返去監測卵泡。
跟住去到注射室姑娘幫我打左次先，佢教係肚臍左/右隔3隻手指既位置都可以打，同埋佢排左氣之後支針就唔洗再排。但支針要雪，佢地話2小時內返到屋企雪返就得。但我都係唔放心，所以買左個冰包 $2一齊袋住。第3日要帶返支針返去。

（待續）

私人傳訊回覆引用

Chubird233

別墅

積分: 506

6^#

發表於 24-9-21 19:40 |只看該作者

私人傳訊回覆引用

wwy729

複式洋房

積分: 169

7^#

發表於 24-9-23 17:16 |只看該作者

繼續紀錄，分享

促排既第4日，要帶埋上次果支，淨返112.5IU，收工之後，我都係拎左冰袋同冰包雪住返去。
去到就抽血照B超。
同日，先生去男科做採樣分析，就等見醫生。
因為醫生話想我既卵泡可以大得平均D，所以將促排針調左每日100IU，然後再加一支防排針。今日共打左2支針。支防排針比促排果支痛感大DD，但都接受到，打完又拎左一日份量返去，隔一日再返黎監測。
*************
促排既第6日，抽血結果顯示我既E2 17XX，夜診醫生建議我轉第二個牌子既防排針去防止E2急升。但原來呢支針唔可以帶返去自己打，因為要溝針，同埋佢想我聽日返黎抽血睇成效，之後見日診既醫生睇下個方案要唔要調整。就係咁，我第2日要請假返去抽血

好彩既係轉左呢支針之後 E2 冇升得咁誇張

但就意味住我要每日返去打呢支防排針。
日診醫生都話呢隻我反應比較好，聽日都要再打多次，仲要由一支轉左做2支，分早午打。我問醫生可唔可以夜晚返黎打，佢話效果冇咁好，但因為我好難連續請假。同左佢講我既情況，佢好好，幫我諗計，佢話一係早上打返開頭果支防排針，下午返黎打呢支。可以咁樣但效果可能冇咁好。
我糾結左好耐，因為我多囊而且D卵泡又開始大，有D驚提早排，最後都係同老細請左假，唔想對唔住自己辛苦打針返黎既卵泡。
決定左之後就去打針嚕，因為聽日都要返黎所以我留低支針同冰包，姑娘remark 返咁下次就唔洗再收我冰包既錢。

好啦，聽日又要返去啦。

私人傳訊回覆引用

4cbb535ddfe0bd

民房

積分: 12

8^#

發表於 24-9-24 12:40 |只看該作者

wwy729 發表於 24-9-23 17:16
繼續紀錄，分享

促排既第4日，要帶埋上次果支，淨返112.5IU，收工之後，我都係拎左冰袋同冰包雪住 ...

我同你個case好似都係多囊中途要轉國產針拮抗日日上去打針上星期已經取卵依家等緊下一步進週凍胚移植
加油(emoji)

私人傳訊回覆引用

wwy729

複式洋房

積分: 169

9^#

發表於 24-9-24 14:36 |只看該作者

4cbb535ddfe0bd 發表於 24-9-24 12:40
我同你個case好似都係多囊中途要轉國產針拮抗日日上去打針上星期已經取卵依家等緊下一步進週凍胚移植 ...

嗯嗯加油(emoji)(emoji)你移胚胎定囊胚呀？
我聽日又要返去了，祝大家一切順利

私人傳訊回覆引用

4cbb535ddfe0bd

民房

積分: 12

10^#

發表於 24-9-24 15:15 |只看該作者

wwy729 發表於 24-9-24 14:36
嗯嗯加油(emoji)(emoji)你移胚胎定囊胚呀？
我聽日又要返去了，祝大家一切順利

囊胚呀因為取卵比較多全部都養囊我day3嘅60%成功去day5
你係鮮胚移植定凍胚？
另外都分享下我取完卵過度刺激同日計埋我有3個要住一晚開頭好抗拒住院不過原來有私家房一房一廳都好舒服同乾淨(emoji) 第二朝出院好辛苦咁過關返香港抖左兩日就好返晒

私人傳訊回覆引用

wwy729

複式洋房

積分: 169

11^#

發表於 24-9-24 16:44 |只看該作者

本帖最後由 wwy729 於 24-9-25 08:00 編輯

4cbb535ddfe0bd 發表於 24-9-24 15:15
囊胚呀因為取卵比較多全部都養囊我day3嘅60%成功去day5
你係鮮胚移植定凍胚？
另外都分享下我取完卵 ...

我都係囊胚呀
醫生都有話我有機會要住院，叫我帶定套衫，但係我真係唔想住院，因為我唔想請假

佢建議我高蛋白質飲食防止腹水，我真係日日飲2-3杯蛋白粉，抽完無腹水，抖一陣就返香港。

私家房一房一廳幾好喎

私人傳訊回覆引用

wwy729

複式洋房

積分: 169

12^#

發表於 24-9-24 16:53 |只看該作者

又繼續講下我既故事

促排第8日

唔洗照B超, 唔洗抽血，唔洗見醫生。只係返黎打針。早上打完要隔4小時先可以再打，中間既時間去左東門行街，下午打完就返香港啦。
***********
促排既第9日

前一日，因為見到D卵泡都過14，醫生都話有機會今日夜針，我一心諗住好呀，今日夜針既話咁後日星期六取卵可以夾住個假期，good la。點知醫生話今日仲未到夜針最好既時機，D泡泡係過左15-16 mm但仲有D 係10-12mm，佢想我D細泡泡都長大可取。
佢指留太多泡泡係身體裡面唔抽既話會形成積液，所以盡可能都抽埋。聽到呢度，我相信佢，呢D事真係急唔黎! 所以今晚繼續打促排針同防排針啦。而之前支大果淨低好似12.5IU，所以加左支尿促，打patpat 既，今日打左3支針。
與此同時，可能多左激素係個身體度，我發覺個胸變得漲痛!

********************
待續

私人傳訊回覆引用

wwy729

複式洋房

積分: 169

13^#

發表於 24-9-26 10:25 |只看該作者

回覆樓主：

本帖最後由 wwy729 於 24-9-26 10:30 編輯

黃體酮針打完個pat pat痺痺地，唔知有冇JM 都打緊呢

*　****
促排既第10日
今日如常抽血照B超，今次B超個醫生話我既卵泡都夠大了，叫左主診醫生入黎confirm，今晚可以打夜針啦!
跟住返返主診室傾下一步點做，醫生話我因為卵泡比較多，要我抽卵果日帶多套衫，有機會要住院，我聽到要住院，我十萬個唔想，跟住我就同醫生講我唔要住院。佢話如果抽得多既話，最好還是觀察一下，怕有腹水。我真係唔想，佢都睇得出我好唔想，佢就叫我飲多D蛋白粉，早午晚各一杯。

所以我呢幾日好聽話，飲足蛋白粉，食肉。同埋第2 日早上8:00前要返黎抽血。夜針既時間而家仲未知架，要等醫院打電話比你，咁我去左注射室打埋今日要打既針先，跟住再去沖洗，

去到注射室，姑娘問我幾點打夜針，我話未收到電話，佢幫我睇下出左時間未，出左係今晚10:30。
中間出左去食飯之後再返去等夠鐘，夜針係2/F 打，打手臂，姑娘話我係最後一個，我打完就即CALL 車去關口
果晚我細睇發現唔洗check HCG，我睇其他姊妹話要check 驗孕棒2條線/ check HCG先知支夜針有冇效。我問醫助，醫助回覆醫生說不需要查。

第2朝又沖返去抽血，跟住去到抽血個姑娘問我係唔係少了一項HCG，好奇怪，我話我問過醫生說不用，帶住疑問等結果，出左之後醫生都唔洗見，前台幫我比醫生睇結果，我就走得。

第二日一早就要抽卵，所以呢日book　左附近酒店休息訓一晚。

抽卵前一日我都盡量食多D肉同埋係床度休息，由於我全身麻醉，所以12點開始就禁食，10點幾我就去左訓教嚕。

到左抽卵果日，係一樓取飛簽名之後就上去5樓，男同女要各取一張飛，等叫號。
先生入去先，跟住就到我，換衫同將D野放係locker 度就等等等‧‧‧
前面有個女仔都等緊，就同佢傾左陣計抒媛下個心情
本身心情都唔算好緊張，但係當得返自已一個係張椅子等緊時間有D耐，我就開始緊張。等左差唔多45分鐘終於叫我個名。

入到左，佢地會問你叫咩名，先生叫咩名，幾點打夜針，跟住幫我種豆，沖洗…跟住我就訓著左
我醒返之後，吊住點滴，跟住姑娘過黎幫我貼左脈衝機果D比我電左一陣。我先生就去沖左D暖好似係葡萄糖水電完之後飲，仲打左支針，冇乜痛感，跟住就諗叫美團食下野先啦。
但我一食野，即刻嘔返出黎，勁辛苦。心諗，我唔要住院呀!

休息左陣，
之後被通知要去照2/F B超，我好慢好慢咁行去，B照係男醫生幫我照架，但我OK，因為係香港睇婦科都係男醫生，同埋當下都冇咩心情去尷尬。佢問我有冇咩唔舒服，我話有呀，我嘔到7彩，佢再問我，幾時嘔，我話岩岩。

佢話我麻醉藥未過，正常的，檢查冇乜特別。咁就拎住報告等見醫生，當下我都舒緩左好多，原來唔係腹水而係麻醉藥既反應。高蛋白質預防腹水真係好用，不枉我日日都飲，飲到麻木。

上返4樓，我問醫生我係咪可以唔住院，佢問左我情況同睇左份報告，話可以，就交帶我要每朝報告返尿量，然後開左藥同2日針比我自己打，話防腹水，我就走得啦！

（待續）

私人傳訊回覆引用

wwy729

複式洋房

積分: 169

14^#

發表於 24-10-8 20:00 |只看該作者

好耐冇更新啦，唔知有冇人有追我呢個post呢
國慶假期我係屋企休息左一個星期，邊度都冇去，就只係休息，幾好既！
***
又講返，取卵後，好好彩，冇好大反應，返去食多啲肉同飲蛋白粉，等day 3聽受精情況。
胚胎結果一般要同另一半返去聽，但我同先生傾過，唔特登再返去，所以同左胚胎師講到時打電話比我，仲要備注，打給女方。因為先生既普通話很普通

咁就帶住緊張既心情等3日，因為返工既原因，好驚miss左，當日早上又問醫助大概幾點會打黎，佢話11點至11點半左右，我就特登11點放低手頭上既野，等電話啦！
我先生都好緊張，時不時msg我有結果未，真心緊張！好啦，11:30，真係呢段時間打黎！個心卜卜卜咁跳！
佢首先要同我對回鄉證號碼，但係我冇帶出黎，我只記得頭幾個字，好彩佢都放過我，話我知結果。好開心既係受精情況超乎我預期，我全部送去養囊，不枉我當時高蛋白飲食

佢話轉頭會有另一個醫院電話打給我，要線上簽名。果然，收左線之後，好快有另一個電話打黎，要簽好似5份文件，喺微信小程式，自己簽完，另一半都要簽。如是者，再等day 5既結果

（待續）

私人傳訊回覆引用

接線生

子爵府

積分: 13217

15^#

發表於 24-10-16 16:53 |只看該作者

wwy729 發表於 24-10-8 20:00
好耐冇更新啦，唔知有冇人有追我呢個post呢
國慶假期我係屋企休息左一個星期，邊度都冇去，就只係休息，幾 ...

Day 5之後點呀？我默默支持祝福妳

私人傳訊回覆引用

wwy729

複式洋房

積分: 169

16^#

發表於 24-10-18 10:44 |只看該作者

接線生發表於 24-10-16 16:53
Day 5之後點呀？我默默支持祝福妳

多謝你

呢排返工，特別易攰，好早就訓左，而家可以繼續更新啦

私人傳訊回覆引用

wwy729

複式洋房

積分: 169

17^#

發表於 24-10-18 10:48 |只看該作者

因為Day 5 係星期一，我係公司一早準備定等佢打黎啦，今次拎埋定張回鄉證係手，點知原來今次唔洗。

佢係電話度同我講左養左幾多個囊胚，不過冇講級別，詳細就要今個星期內返去見醫生先知。所以我收線之後即刻搵左醫助約第2日夜診返去啦~
到左第2日，返去照左B超就等見醫生!

成績係養成6成，其中有4個係1級，好感恩。
醫生講話今個月可以進周啦，可以定移植日!

開左補樂佳比我，每日食4粒（早晚各2粒）
5日後返去覆診。
之後見完醫生就去檔案室正式建檔進周了！
簽完文件，要預繳3個月既保管費，當時係$110 一管，6管封頂，每個月$ 660（9月既事），共$1980
而家因為醫保，所以11月1號開始加價，每管$150冇封頂。呢度都唔少錢呀。
好啦，之後等5日再返黎。要保持心情

私人傳訊回覆引用

wwy729

複式洋房

積分: 169

18^#

發表於 24-10-18 11:04 |只看該作者

回覆樓主：

本帖最後由 wwy729 於 24-10-18 11:05 編輯

繼續繼續
***
因為我人工周期，隔5日要返黎睇一次內膜，係第3個5日返黎可以揀邊個醫生幫你移, 我揀左胡醫生。

然後到左最後一個5日，重頭戲黎喇，內膜係9，正常8-12mm 就係適合既厚度，今日開始可以轉化內膜了! 即係開始要打黃體酮針，要打5日!!! 係醫院打完一針之後果幾日係先生幫我打，先生好緊張，佢話發夢都諗緊點打。王天不負有心人，打左幾針之後，流程愈黎愈順暢，抵讚。

講返正題，針係要自己買定架，係打針前我已經想買定，當時去左香港醫院既store 冇得買，頭痕既時侯，好在有個姊妹話我知係邊買，唔至於周圍搵，佢仲教我點用，好感謝佢!

聽聞藥房都有，但我唔太sure

另外，我係用21G 1/2TW (0.8mm x30 mm) 抽完再換23G X1”針頭，感覺都痛痛地但冇咁痛。
如是者，打到移植前一日再返去照內膜同沖洗，B超顯示轉化內膜係8，醫生解釋本身9 轉8係因為內膜收縮形成更好既形態，所以8都係冇問題。
然後就等聽日移植啦!