少年成長今日: 1|主題: 16085

收藏本版

發帖

返回列表

跳至頁

查看: 11638 | 回覆: 1

無辜被強制隔離 [複製鏈接]

csir3290

子爵府

積分: 12388

1^#

發表於 21-2-21 10:26 |只看該作者 |倒序瀏覽 |打印

今年過咗一個好特別嘅農曆新年，因為老婆唔喺身邊。點解呢？因為老婆俾人送咗去強制隔離檢疫。並唔係我老婆有事，而係佢公司有啲好自私嘅客，嗰日佢喺公司做嘢要見埋個客因為都好多嘢傾點，知個客就帶埋佢個仔個仔都十幾歲。咁我老婆不以為意點知原來佢個仔根本早一日就發燒等緊檢測報告咁佢又跟埋去我老婆公司，明明等緊報告都唔明啲父母點諗，點解仲帶埋佢出街，又係嗰句話驚冇人睇住啦可能。咁終於佢個仔最後確診，咁因為佢喺老婆公司停留得耐，所以我老婆公司有接觸嘅職員全部要去曬隔離檢疫。其實當晚我老婆個老闆通知我老婆呢件事之後，我老婆已經即刻去做檢疫驗出嚟又係陰性，但原來因為個小朋友住嗰棟大廈嘅群組有第二個感染，終於我老婆都係要隔離，但要等衛生防護中心安排都要兩日，終於臨過年前畀人送咗去酒店做隔離檢疫。知道我老婆要去檢疫嗰晚，我個仔攬住我老婆喊咗幾耐。由於我老婆要去隔離所以我哋全家都要強制檢測我哋第二日已經即刻做曬，幸好全家都係陰性冇事啫！

由於阿仔阿女慣曬上網課，所以喺我老婆未入去隔離之前已經整定曬啲zoom，之後日日都同我老婆喺度zoom。佢兩個小朋友都算聽話，今個新年又唔可以出去拜年比平時靜咗好多，雖然成日要喺屋企，但係佢兩個都冇乜投訴亦都好多嘢可以做。今個新年真係非常特別從來未曾試過農曆新年人哋唔敢嚟我屋企拜年不特止自己亦都唔敢去人哋度拜年。多得啲自私嘅人令到我哋今個新年過得咁特別。

其實都唔明啲人點解可以咁自私，話細路仔唔知啫做父母嘅都應該識得教個細路吖！明知個仔等緊檢測報告都唔爭在等埋嗰一兩日先至畀佢出街啦！就係一個諗法，覺得自己冇事終於搞到幾個家庭都要過一個咁特別嘅農曆新年，因為我老婆公司連埋我老婆差不多十個要入去隔離。新嘅一年除咗希望個疫情快啲解除，大家回復以前正常嘅生活之外，亦都希望掃走曬啲自私嘅人，新嘅一年作為父母請好好教導自己嘅仔女。