我告佢好狡猾和無良,我是訂做兩張鐵架床,但單上就寫一張72吋 X 79吋巨型床,收費好貴,因佢whatsapp張單畀我,我一時大意冇睇內容,後來打算去小額錢債追討,才發覺張單內容有問題,我上傳了木板發霉,發票內容,whatsapp對話內容.
在庭上豬寄傢俬個無良老板講當日送貨係佢親自送,我即講當日是滿頭白髮起碼70幾歲肥佬送來.
佢重話完成裝床後,我還畀了30元貼士,我隨即向法官講床價已收得貴,我點會再畀貼士.
佢話塊板當日送去是完全冇問題,我即反駁佢,佢的答辯書都有承認當日送貨嚟,我有指出板上有綠色,呢D叫鬼拍後尾枕,就是最好證明.
佢呈上法庭有3塊板,佢話同送去我處兩塊板同一批號,當法庭職員拿3塊板給我看時,3塊板中有一塊好細塊,只得2,3分厚,另外兩塊板的夾層和送去我處兩塊夾層完全不同,而且我兩塊板是6分厚,點會同一批號.
法官判詞:
1.法官指出佢在答辯書都有承認當日送床,我有指出板邊出現綠色,就是最好證明.
2.法官再指出,從我與佢老婆whatsapp內容,佢老婆一睇我d 相片,佢即話是發毛,法官指出我當時先知道是霉菌,重有佢老婆好狡猾,將塊板發毛推落我身上,話我開冷氣,間房太濕啦,導致塊板發毛,我跟住同佢whatsapp講話其實當日送嚟我已發覺塊板已有綠色,安裝師傅,話呢塊係印尼板,已做防蟲處理,叫我放心,當我講完呢番說話後,佢老婆就唔再回應我,心虛囉.
3.(我覺得最精境就是呢句)法官話佢呈交到法庭的3塊板應是經過精挑細選才呈上法庭,話是同一批號,法官只睇到3塊木板上有木紋,完全睇唔到有綠色在板上,和送去我處兩塊板上的綠色完全不同.
法官最後提醒佢,若今日不將款項交到法庭,明天開始以年息8厘計算,都幾貴架.
我當庭笑了出來,真是大快人心
發表於 
返回列表
