吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 教功課教到情緒失控

少年成長今日: 1|主題: 16021

收藏本版

發帖

返回列表

跳至頁

查看: 24199 | 回覆: 28

教功課教到情緒失控 [複製鏈接]

csir3290

子爵府

積分: 12064

1^#

發表於 21-1-10 11:43 |只看該作者 |倒序瀏覽 |打印

過新年之前聽到一單令到家長好唔開心嘅新聞，話有個媽媽喺屋企教個仔做功課嘅時候，唔知係咪因為教極都唔識，到最後情緒失控想殺咗自己個仔，唔成功之後就自己自殺，呢中悲劇但係亦都令到家長要反思嘅事件。我成日都話教阿仔阿女做功課係真係要無比嘅耐性仲要EQ好高。我自己都試過尤其是當阿仔阿女細個嘅時候，教功課搞到自己越教越忟憎甚至乎發脾氣。忟憎在自己放咗工仲要教功課其實都已經好攰，梗係想佢哋快趣搞掂但係佢哋又好似講極都唔明越做越錯，有陣時真係會控制唔到情緒。雖然自己自覺而家都好似好咗好多，但係好間唔中都仲會有啲忟憎。但係而家嘅處理手法我都覺得自己唔同咗好多，發覺自己開始掹嘅時候自己都會停一下，唔教住又或者係叫阿仔阿女做咗其他嘢先。因為情緒真係需要時間平復，當自己都察覺到自己嘅情緒越嚟越忟憎嘅時候，再落去都只會令到自己越嚟越控制唔到，最慘就係當自己情緒唔好嘅時候，細路仔嘅情緒亦都唔會好其實到頭來又係教唔到。

其實有陣時家長面對最大嘅問題就係啲細路仔教極都唔識，唔知點解教極都唔明，尤其係啲家長自己覺得淺嘅嘢。而家我自己嘅諗法已經唔同咗，唔可以用大人嘅角度覺得啲嘢簡單細路仔一講就會明，有陣時唔明就係唔明與其糾纏落去不如大家都休息下，可以叫細路仔做其他嘢，做其他功課先。自己就係呢段時間平復下情緒之餘亦都可以嘗試諗下會唔會有其他方法去解釋畀細路仔聽令到佢明。

另外最重要可能係我覺得心態唔同咗，我開始明白有啲嘢係真係需要老師去解釋，佢哋讀書讀教育就係學唔同嘅方法去教細路仔，做家長有陣時真係唔可以強求細路仔會聽得明自己嘅解釋，如果萬一真係唔得，就真係可能要同老師講希望老師可以幫下手。而家我覺得家長最重要嘅責任唔係教佢做功課而係培養佢有一個良好嘅學習態度同埋讀書習慣，至於功課明唔明同識唔識，宜家阿仔阿女讀小學都仲話可以勉強幫佢睇下，到佢讀高班啲，啲嘢深啲其實我自己自問都未必識點教佢，所以我依然每一日都會幫佢檢查功課但係個盡重點係睇佢有冇做曬啲功課，喺能力範圍入面當然亦都會幫佢檢查做得啱唔啱，佢唔明嘅我會嘗試教，但係如果真係講唔明我就會交番個責任畀老師。

教佢做功課係其中一樣好需要耐性嘅事，但係我覺得家長應該要好明白個重點，我哋唔係要教識曬佢所有嘢，反而係要培養佢哋有良好嘅學習態度同埋習慣，因為我覺得呢個絕對係家長嘅責任而老師可以幫到嘅亦都唔多。當我自己開始越嚟越明白呢一個重點嘅時候，我就知道我唔可以強求仔女一定聽得明我用嘅方法，當佢哋真係唔明嘅時候，一係就要嘗試轉方法，一係就真係要交返畀老師。可能我有啲阿Q精神，但係我真係覺得功課嘅對與錯其實係可以交返畀老師去批改。當我自己明白阿仔阿女已經盡咗力，我就可以接受功課上面佢哋有唔識嘅地方，可以接受佢哋做錯，可以接受佢哋分數唔係咁理想。

當自己情緒唔好就算到頭來你教識咗個細路仔，其實另外一方面亦都係做緊一個壞榜樣畀佢哋，因為你教緊佢哋唔去控制自己嘅情緒發脾氣發忟憎。所以家長真係需要放鬆自己嘅情緒，當遇到忟憎嘅時候真係需要俾自己休息一下平復一下，要知道勉強的成效只會越嚟越低。

0 0 0

私人傳訊

baby.kaka

大宅

積分: 3699

2^#

發表於 21-1-15 04:16 |只看該作者

回覆樓主:

JM，你已好叻，加油！

私人傳訊

csir3290

子爵府

積分: 12064

3^#

發表於 21-1-15 09:43 |只看該作者

回覆 baby.kaka 的帖子

謝謝!

私人傳訊

bigmacq88

男爵府

積分: 5444

熱血勳章畀面勳章 BK Milk勳章

4^#

發表於 21-1-16 23:17 |只看該作者

謝謝分享

2022年還是必須好好過下去...

私人傳訊

lojo11

翡翠宮

積分: 97426

2024年龍年勳章牛年勳章

5^#

發表於 21-1-17 09:13 |只看該作者

仔三年級開始都唔同佢睇功課, 咁咪唔洗勞氣囉... 不過小一, 小二我都無咩勞氣... 教極唔識還需教..

點評

csir3290

發表於 21-1-17 10:46

私人傳訊

mandy952

琥珀宮

積分: 175986

6^#

發表於 21-1-18 13:16 |只看該作者

csir3290 發表於 21-1-10 11:43
過新年之前聽到一單令到家長好唔開心嘅新聞，話有個媽媽喺屋企教個仔做功課嘅時候，唔知係咪因為教極都唔識 ...

本帖最後由 mandy952 於 21-1-18 13:17 編輯

如果普通人都咁容易教識小朋友，老師就唔使讀咁多書，收咁高人工
其實唔識未唔識，有咩問題，咩都識就唔使返學
錯左未由佢，老師會教返佢，唔比佢錯，點知佢有咩唔識呢
而家嘅細路就係缺乏面對錯誤嘅經驗同心智
好多野家長要放手，佢地先會成長