本帖最後由 choyki 於 21-3-10 10:53 編輯
大斗夫人 發表於 21-3-10 01:19 
月供
我喺南商月供過股票,中銀應該差唔多。分別好似只係南商首兩年唔收供款手續費,而中銀則唔收首一年,其他都好似係相同嘅,例如:
供款手續費:月供 $20,000 或以下一律收 $50(過咗免收供款手續費期後收,即南商由第三年起收,中銀由第二年起收。即月供 $1,000,收費為 5%,貴!月供 $20,000,收費為 0.25%,平!)
存倉費:免收。所以擺銀行好。
代收股息手續費:免收。所以擺銀行好。
沽售:好似同一般沽售股票一樣要收佣金,要印花稅、交易費、交易徵費。但碎股可以正股價沽。
可用中銀信用卡供款,賺取積分。
* 擺銀行,可以隨時沽,但收唔到公司通訊,唔知佢發生緊咩事。
* 攞出嚟,要畀手續費,要去過戶處過戶(亦要畀手續費),要沽時亦要存返入銀行(可能又要收費),要等多日才可沽,但可收到公司通訊,知道佢發生緊咩事。
波幅一定有,怕嘅話就唔好買單一股票,即使係藍籌股,都可能會私有化,可能會供股。分散好啲,2800 含有數十隻股票,應合適。
我自己係供單一股票,一過咗免收供款手續費期就停供,坐緊艇,未沽,但仍然免收存倉費同代收股息手續費。
另一方面,我喺富達同摩根就一直供緊基金,認購費 1%,供 $1,000 就收 $10 認購費,富達如果供 $20,000 或以上更免收認購費,摩根則有積分回贈,積分可用來扣減日後的認購費。亦無存倉費,無代收股息手續費,沽出亦無收費。
南商同中銀都有月供基金,南商好似係首兩年免收 $50 認購費。
我做月供股票系統。 講笑。 不是。
我做證券,認識做月供股票系統的人。 也是講笑。 不是。
我是證券公司的客戶,證券公司不是我的客戶。為客戶(證券公司)找客戶(水魚)並不適用於我。