自由講場今日: 810|主題: 1352006

收藏本版

發帖

返回列表

跳至頁

查看: 1315 | 回覆: 0

呃錢假陪月！！！ [複製鏈接]

Bo_yi

民房

積分: 5

1^#

發表於 21-4-12 16:51 |只看該作者 |倒序瀏覽 |打印

黑心陪月自稱may姐/英姐，李M英，自稱做左6年、3x個b，住坑口厚德村，電話：954xx768，1959年岀生。

呢個所謂陪月，正一騙子！

開價26000諗住有d本事啦，點知無料扮有料、紮肚唔識、催乳同BB按摩都冇讀過我都算，佢夠膽收30%預支薪金和講到明要車錢（唔係山卡啦，只係坑口去港島東ja！）算，我比，點知後期仲得寸進尺，未做野就講到明要埋開工利是！你唔肯比嘅時候就話你想點就點啦～。

佢最叻就係把口話就晒你，但係句句就俾晒骨你聽。

比份勞工處的勞工合約佢，佢又話唔保障佢喎⋯⋯但係佢自己嗰份合約又話用晒，冇影印本留低喎⋯⋯

把口就話「一係就唔接，一接咗工就會盡力做到最好、我對你同BB都有一個責任喺度、我係要好大嘅責任、我同人做咗咁多都冇話咩解約、冇話啲咩事，我又唔會出嚟呃人哋啲錢」

之後話返我轉頭，話我擔心佢呃我，佢就改為預收我一萬蚊喎！（依家回望先醒起，全部騙徒都係咁的手法！你嫌棄佢貴，佢就降低少少啲價、氹你落搭）

次次都講到話「一切以我為先、以我為主、絕對放心、有緣、絕對冇意見、做到唔需要我勞氣嘅⋯」

但係最後佢可以連個合格的坐月餐單都整唔到俾我，係咁叫我開刀飲魚湯，連我2位中醫師睇到都O哂嘴！

由第一次見面已經講好咗話要煮大份少少比埋我屋企人食，合約上面都寫到明點知到最後尾都可以話俾我聽係我突然之間要求多多？

由第一次interview 已經講到明我對章魚花生敏感，但每次佢都話要煲比我上奶！

合約都簽埋，由上年九月到二月竟然可以唔知道我姓乜、點樣稱呼，仲要好粗俗咁係咁叫我靚女！街市買餸咩？！三識七都可以叫句太太小姐吧？

講話生之前整炒米茶比我，一係就無左件事，一係就死都要我自己準備材料、上我屋企先炒，方死用左佢幾度煤氣？定係佢鐘意大肚婆大住個肚去買米？

講好見面前要做COVID test, 佢話問過個報告要起碼三至五個工作天先至出到，最後尾佢三日的時間都冇先至去做，仲要話係我問題？！佢自己計日子都計錯，根本無心做！我都講話有其他方法例如佢可以去檢測中心做自費檢測，肯定第二日就有報告，佢話打死都唔去、唔會貼錢打工woo! 佢唔係收左1萬蚊的嗎？

未正式上班已經下下要我教返佢轉頭，教完又唔聽人講、唔去做！邊有老闆坐係佢旁下下教埋佢做、岀糧比佢仲貼埋車錢的？！

夠膽收3成最後先話自己唔係金牌陪月、答應過乜嘢都無左件事咁完全無心做！重點係次次比有骨的說話我聽、言談之間激到我高血壓差d早產！（有中西醫證明！）

無料扮三條！最後未開工食哂我的預支薪金！仲話搵區議員、勞工處告返我無理解僱！？

之前個位樓主的擔心係有理由的！就係因為有呢d黑心陪月無料叫高價、迫人炒佢、食錢袋落袋！

我合約已寫明哂有事佢係要賠返比我的，但佢無料、吊高黎賣仲要食人錢、唔尊重合約精神！到依家一萬蚊都無退返比我更莫講話賠錢！呢d人認實佢！我貼街招、拎佢身分證派街都唔會放過佢！！！

騙財又唔報稅仲住公屋！香港大把呢d賤賠月！似住我哋d新手媽媽生完b實忙、無時間追討所以搞到我哋雞毛鴨血！

我不用上班，亦唔怕辛苦，我唔會放過佢、比佢繼續害人！

Please share!!! 以免有其他媽媽受害！！