fantingcc 發表於 21-3-30 19:46 
其實我係想草舊$ 可以有穩定回報
但唔識點樣做月供股票/ETF
有冇JM可以分享下~ ...
我唯一一次月供股票係喺南洋商業銀行供，當時免首三年供款手續費，而南商嘅月供股票亦無代收股息手續費，無存倉費。
所謂免供款手續費，其實係先收後回，我月供 $1,000，佢先扣起 $50，剩下嘅 $950 買最接近嘅股數，因為無零點幾股，所以用唔晒 $950，金額個個月唔同。月尾就入返 $50 畀你。
要注意嘅係過咗免收供款手續費期後，如果月供 $20,000 或以下，都一律收 $50 供款手續費，如果月供 $1,000，就係 5%，好貴！如果月供 $20,000，則係 0.25%，平！
仲有，如果供細價股，買到嘅就可以愈接近月供金額，如果供大價股，例如月供 $1,000 騰訊，就只可以每月買一股。
供基金就無咁嘅問題，供基金無論供幾多錢，費率都相同，無話供款額少就費率高。基金可以買零點幾個單位，所以個個月供款額相同。
過咗免收供款手續費期後，我就無繼續供，但蝕緊，未放。
月供股票 / ETF / 基金唔一定有回報，亦可以係蝕，不過長線就贏嘅機會大啲，而 ETF / 基金則較股票穩陣、可靠。
我做月供股票系統。 講笑。 不是。
我做證券，認識做月供股票系統的人。 也是講笑。 不是。
我是證券公司的客戶，證券公司不是我的客戶。為客戶（證券公司）找客戶（水魚）並不適用於我。
發表於 
返回列表
