吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 奶奶令我唔開心

婆媳關係今日: 0|主題: 27777

收藏本版

發帖

返回列表

跳至頁

查看: 5785 | 回覆: 52

奶奶令我唔開心 [複製鏈接]

12 3

shuuenki

大宅

積分: 1207

1^#

發表於 09-5-31 23:27 |只看該作者 |倒序瀏覽 |打印

好唔開心，覺得係男家既感覺永遠是一個外人。

事緣，99有張燒肉券，咁今日我同老公去換，仍冇燒肉，話可以換四分一隻燒鵝，咁我地考慮左一陣，因為驚99唔知鐘唔鐘意，我就打電話問佢，佢冇聽。咁我地自己決定左要四分一隻燒鵝，返到屋企。99話點解唔加多小小錢要夠半隻，之後就嬲左我地。一直冇出聲，食完晚飯，我湊囡囡返婆婆度。老公就返屋企(我地同老爺奶奶一齊住)，之後我返到娘家，老公打比我話同99鬧完交，落左公園靜下。
99話我地唔識做，加多小小錢要夠半隻都唔加。覺得我地唔識做，其實我都知道可以加多D錢既，因為屋企多人，半隻都可以食。但個刻冇諗起，所以冇加。
之後就羅返之前D野黎話老公，話依家層樓佢地兩老羅左好多錢出黎幫手供(層樓我老公名，佢地係羅左好多錢出黎)，話我地平時除左老公羅$3000家用，就冇其他錢，我平時就冇比錢兩老，因為我份糧係負責囡囡日常用品同婆婆湊BB既家用。所以我自己淨得唔多。
每個月我都要老公比$3000，我就羅$2000，共$5000儲蓄，諗住我地一個家庭都需要積蓄，到依家都儲得唔多。但99知道老公都比我$3000，佢唔鐘意，話點解仲要比錢我，我知道真係覺得好唔開心，我99有咩都唔會同我講，有咩都係我唔係度時同個仔講。個仔講返我知，我聽完真係覺得好唔開心，點解佢要咁樣，我地都好辛苦，蓄左咁耐都蓄唔到錢。
我唔係羅晒黎用，係全部都儲起晒，佢講到我好似返工有份糧仲要羅晒老公D錢黎用。
我真係喊左成晚，我老公就層樓，話會轉返比佢地名，之後搬出去，如果佢今日因為覺得我唔識做，我想話打比99道歉，我老公叫我唔好打！叫我當冇事發生，咩都唔知咁，我覺得好唔開心。
而且99話到明我羅老公D錢，平時又冇咩買比佢地，連半隻鵝都唔羅錢買多d。講到我咁衰，我覺得好委屈呀！我每個月真係錢都唔多淨，我真係喊左好耐。佢地有咩事都唔會同我講，我結左婚3年，我都唔覺得屋企係我自己，同佢地一齊住，我成日都好驚做漏野，驚比佢地話。佢又唔會正面話你，但佢會同親戚講，所以我好唔想見到佢D親戚。我覺得佢地一定認定我係一個衰媳婦，我好DOWN。
唔知點算，成日都要對住，但大家就好假，我好唔鐘意咁。我想垣成，但老公叫我唔好講，話佢地思想唔同，攤牌仲衰。但我只係想同佢講清楚，如果我做錯可以同我講，唔洗背住我，我覺得咁想似自己人多D。依家咩都唔講，我覺得好似一個外人，佢地平時係屋企都係用福建話，我係聽唔明。

99平時要佢老公比$4000比佢，佢本身有樓收租，兩個仔都會比家用佢。我想知！佢可以叫佢老公比錢佢，點解佢個仔比左家用，比老婆就唔得，唔通佢想羅埋我個份。

好唔開心，我唔係個D扮演叻既人，我唔知點面對，我可以點樣呀！講真，佢要我做晒家務我都冇所謂。

[ 本帖最後由 shuuenki 於 09-5-31 23:41 編輯 ]

0 0 0

私人傳訊

傻媽媽2007

複式洋房

積分: 386

2^#

發表於 09-5-31 23:47 |只看該作者

你試下平時買啲嘢比6299, 小朋友識打講嘢就叫佢打下電話比爺爺麻麻, 老人家都要" dump" 唔好成日諗有咩要講清楚, 你諗下 , 大家年紀相隔幾十年, 一定有鴻溝, 想下辦法去改善下關系先, 真系改善唔到再諗, 人心肉做, 你對佢地尊重啲, 好啲. 佢地一定感受到既, 佢地會攞好多$$$ 去買層樓, 又系寫你老公名, 已經好好, 向好方便諗, 唔識聽福建話, 咪試下學囉, 學唔到都大家有交流過, 有得著既, 比啲心機, 加油.

私人傳訊

豆丁

子爵府

積分: 11206

3^#

發表於 09-5-31 23:52 |只看該作者

同意~

原帖由 傻媽媽2007 於 09-5-31 23:47 發表
你試下平時買啲嘢比6299, 小朋友識打講嘢就叫佢打下電話比爺爺麻麻, 老人家都要" dump" 唔好成日諗有咩要講清楚, 你諗下 , 大家年紀相隔幾十年, 一定有鴻溝, 想下辦法去改善下關系先, 真系改善唔到再諗, 人心肉做, ...

私人傳訊

shuuenki

大宅

積分: 1207

4^#

發表於 09-6-1 00:00 |只看該作者

買錯佢地會伸，會話。
好多野都想做，但佢地既回應，話你唔識，買錯。。。

原帖由 傻媽媽2007 於 09-5-31 23:47 發表
你試下平時買啲嘢比6299, 小朋友識打講嘢就叫佢打下電話比爺爺麻麻, 老人家都要" dump" 唔好成日諗有咩要講清楚, 你諗下 , 大家年紀相隔幾十年, 一定有鴻溝, 想下辦法去改善下關系先, 真系改善唔到再諗, 人心肉做, ...

私人傳訊

十一月

大宅

積分: 1900

5^#

發表於 09-6-1 00:02 |只看該作者

原帖由 shuuenki 於 09-5-31 23:27 發表
好唔開心，覺得係男家既感覺永遠是一個外人。

事緣，99有張燒肉券，咁今日我同老公去換，仍冇燒肉，話可以換四分一隻燒鵝，咁我地考慮左一陣，因為驚99唔知鐘唔鐘意，我就打電話問佢，佢冇聽。咁我地自己決定左要四分一隻燒鵝，返到屋企 ...

你好唔開心, 我真係唔知點安慰你, 不過你都知你點做佢地都係當你係外人, 咁點解要強迫佢地去接受你呢, 我都係嫁左個福建家庭, 佢地一唔想我知的事就會用福建話講, 但我無理佢地, 我覺得人家唔當我自己人, 我都無耏當佢係屋企人。
另外, 我覺得把口生係人度, 繼而你做得幾好都改變唔到他人的想法, 不如做返自己, 咁自己會開心d。

我99都好鍾意係背後話我, d什麼親戚朋友, 不過我好少理, 人家點睇我係人家的事, 咁佢地都無權話我, 一係佢地唔好比我聽到佢地講我半句閒話, 如果比我聽到, 我一定回敬佢, (咁得閒理人d野, 理掂你自己先啦)

樓主, 唔好為呢d無謂人, 無謂事令自己唔開心, 學下柴九講(人生有幾多個十年, 做人要活得開心麻)

私人傳訊

心抱

子爵府

積分: 13095

好媽媽勳章醒目開學勳章畀面勳章

6^#

發表於 09-6-1 00:08 |只看該作者

多做多錯,少做少錯,吾做吾錯

樓主,聽你c6講,乜都吾好理,你c6肯企你果面咪得囉,你吾駛刻意去討好99,講真,你响99面前做得幾好你都係一個外人,同親戚閒話家常中既衰新抱

最緊要做返你自己,你而家要做既係,做多d會令自己開心既事

私人傳訊

k1123a

子爵府

積分: 10632

醒目開學勳章畀面勳章 BK Milk勳章

7^#

發表於 09-6-1 00:16 |只看該作者

就算個奶奶點對你好都係，真係好難搵到個奶奶當媳婦係自己人0家！好似你自己父母都會對自己好過老公啦！
我0既性格同你差唔多，我以前每當有誤會都想攪清楚，但而家唔會啦！因為有時會越講就越錯，咁不如順其自然或者會好d呢！
奶奶唔當你一家人就算啦！唔緊要0家！最緊要個老公錫你明白你係點諗就可以呢！
我同我奶奶d關係都係麻麻哋，我爸爸就叫我唔需要刻意去"乙水"佢，只要做足本份就可以了！但亦唔好攪到關係太差。
樓主，放鬆一下心情唔好再理奶奶同人講乜，問心無慚就ok！

私人傳訊

alicemic

翡翠宮

積分: 92572

2025勳章蛇年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

8^#

發表於 09-6-1 00:16 |只看該作者

樓主，上一代人d諗法好唔同！佢其實係心痛個仔，我諗你平時唔識做，d99好要面架，覺得個仔好慘咩都就晒老婆比晒老婆，連你唔啱做錯野個仔都會幫住晒駁嘴，所以佢唔鍾意你係正常！
你同你老公好多野無話比佢知，所以佢成日估估下諗歪咗！你就當無事發生，好似平時咁，得閑同佢傾下計，話比佢知你哋既計畫，如果佢唔量解，又係d好算爆既人，搬出去真係一件好事，起碼你同你老公生活都可能開心d啦！

私人傳訊

driedpork

禁止訪問

積分: 2182

9^#

發表於 09-6-1 00:17 |只看該作者

提示: 作者被禁止或刪除內容自動屏蔽

私人傳訊

豆丁

子爵府

積分: 11206

10^#

發表於 09-6-1 00:40 |只看該作者

你地2公婆都係咁差,起碼你會話,層樓係你老公名,62,99佢地係羅左好多錢出黎~你老公話會轉返比佢地名,之後搬出去~起碼你地5係貪佢地間屋~

老實講四分一隻燒鵝又真係無咁好睇,可能你醒5起,咁下次咪知lor~我都知一個家庭需要積蓄,但係62,99老本可能5係厚,所以會覺得佢地5同你地計~62,99扲$買屋,反而你地每月積蓄同家用1樣,佢地會吃力~你地1家3口俾$3000家用,e+d野樣樣貴,可能62,99仲要貼$~好似我地1家3口2大1細淨係食,日用品,半個月都5止$3000~你99叫你老公每月俾$4000家用絕5過份,就算係你每月都只係蓄少$1000~你99都5係拎埋你老公俾你果份,你老公每月仲有$2000俾你~你99本身有樓收租,兩個仔都會比家用佢,但係呢d係99既$,5係要來幫補開支~如果99要用埋來幫補開支,咪變相99貼$養你地~

就算99有同d親戚講你又點,你做自己,人地有眼睇,知你5係咁既人,分分鐘幫你平反~你99背後講你,你又5會痕,又5會痛,咪由佢~5係講風涼話,我係過來人~你話99 5當面話你,道理就如你會當面話ar ma,而5會當面話99 1樣~62,99日常講福建話,可能只係習慣,成日向壞處諗當然5開心~

私人傳訊

NicoleTszChing

大宅

積分: 2333

11^#

發表於 09-6-1 02:07 |只看該作者

咁你地一齊住,比$3000又少左d~
我地唔係同99一齊住,每個月都比$4000啦!
(但得我老公一個做野,仲要供樓...其實收入都唔多)
可以o既話咪比多d囉.
況且你話每個月要儲$5000,
係咪一定要儲咁多??
就算o個個月駛大左,
無啖好食都一定要儲到$5000???
儲錢係好,
但都要量力而為,有幾多咪儲幾多.

私人傳訊

心抱

子爵府

積分: 13095

好媽媽勳章醒目開學勳章畀面勳章

12^#

發表於 09-6-1 02:15 |只看該作者

誰人背後不說誰呢?
做好左自己要做既野,99鐘意點講,由得佢囉,最緊要問心無愧

私人傳訊

ABBC

子爵府

積分: 13533

13^#

發表於 09-6-1 02:46 |只看該作者

樓主~你真係唔好諗住嫁左俾你老公~你62,99果邊就會當你屋企人先得架!!有咩事咪一味只會話你,唔會話你老公?講真~好似我咁,我二伯對我都算係佢地全家人最好~但係佢都唔係好好架咋喎!有咩事都係幫住自己既細佬..不論對與否~我個囡有咩事~明明全家人都知道寵個囡果個唔係我~我教囡仲會俾我老公鬧我~但係有咩野佢地都唔會幫我呀..只會話我唔識教囡!!但口講就話當我屋企人~!人就係咁假架喇~有時街外人仲好過呢d所謂既親人~!你成日都咁諗住...只會自己唔開心囉!為乜丫?你覺得你99真係為左果四分一燒鵝咩?又咪係錢作怪....!
你俾幾多佢都係無用~因為人係唔會心足既~!佢講得出你地俾得少~就姐係代表佢要食埋你老公俾你果份咋嘛!!好似我屋企為例~我老公搵得果8000~俾3000蚊我99~一個人為食..仲要個囡返學呀..學野呀...還債~我地一個月都無3000蚊用呀..我姑9我99佢地都可以話我地俾得少呀~大佬~我地係住最細間房~仲要係有先例兩父子入黎住...日日都有得食都係俾一千~搵萬幾!現時同住既三伯同姑9~三伯搵萬幾俾3000~就無人話少~個個當佢神咁拜~我姑9~時不時唔做野唔俾錢~有做野就俾2000仲要問返轉頭拎d~就大小姐咁~!就無人話~相反我地呢..就俾人鬧到不得了~話我地靠痴~!!所以憎人富貴嫌人貧就係咁解架喇~!人不知足蛇吞象~!!

[ 本帖最後由 ABBC 於 09-6-1 02:53 編輯 ]

私人傳訊

fairyfloss

男爵府

積分: 9660

14^#

發表於 09-6-1 07:33 |只看該作者

我99算係頂級好99架啦,未又係喺關節眼上當我外人好自私,但諗真,我自己都冇可能當佢係親生阿媽啦,我諗我對佢既不滿應該多過佢對我既不滿

所以你都唔使介意佢點對你,如果佢咩都當面話你你未仲難受,而且你老公都企喺你嗰邊,好難得架,都唔知有幾多bk媽咪恨唔到,開心啲啦,

私人傳訊

nokia6300

大宅

積分: 2888

15^#

發表於 09-6-1 08:50 |只看該作者

你老公咁buy你,都已經好好喇,d 阿ma係咁ka,我细佬比$我弟婦,我mami都唔like,我仲係咁詁佢 tim,我都係只比$3,000我99,因我冇做野,而屋企所有開支都系我地比,點知有一次同99argue,佢詰"你地唔係養我ka,我只係食你一餐飯",唉.......所以呢,呢d人,都唔洗理咁多!!

私人傳訊

tsuitung

伯爵府

積分: 18456

16^#

發表於 09-6-1 09:26 |只看該作者

我細妹前夫都係福建人，又係嫁左入去後，都係當佢係外人，有乜野事要商量，永遠都唔會同細妹講，所以我細妹當時都好唔開心架。

世間最美妙的事情，就是擁有一個溫馨的家庭。我們可自然從容地回到家中，無拘無束地被家庭接納為其中的成員。 ;-) (維斯各特)

私人傳訊

bearbear2003

伯爵府

積分: 15109

17^#

發表於 09-6-1 09:35 |只看該作者

I would say in this case 每個月比$3000 少 if you have $5000儲蓄. $3000 is not able to cover your expenses as well as the rent. So you have to make sure the money you gave is able to cover your epenses which paid by your 62 & 99 first.
It is really bad that 62,99貼$, then you keep your own saving.

私人傳訊

123!@#

伯爵府

積分: 16607

18^#

發表於 09-6-1 10:18 |只看該作者

原帖由豆丁於 09-6-1 00:40 發表
你地2公婆都係咁差,起碼你會話,層樓係你老公名,62,99佢地係羅左好多錢出黎~你老公話會轉返比佢地名,之後搬出去~起碼你地5係貪佢地間屋~

老實講四分一隻燒鵝又真係無咁好睇,可能你醒5起,咁下次咪知lor~我都知一個家 ...

agree.
我都想問樓主, 其實你地俾$3000, 包d咩呀??
講真, 如果係全包宴 (屋租/水電煤/伙食), 咁真係太少了.
如果可以既, 你同老公搬出去住, 咁會少d磨擦.

私人傳訊

jj032008

大宅

積分: 2350

19^#

發表於 09-6-1 10:40 |只看該作者

同6299相處，有時真係要識做一點，唔止你，仲有你老公，我同老公每個月比6299既錢，都係以我既名義比佢地架，老公有時會比番錢我，但係我覺得呢d唔洗比兩老知道，唔洗下下都對佢地咁坦白，老公有時買左野比佢地，見佢地鐘意就會話係我要買既，有時見佢地唔舒服，咪問候下囉。

如果一齊住，一個月三千又真係唔係好夠，你話搬出去，其實洗費仲大，要計清楚。

[ 本帖最後由 jj032008 於 09-6-1 10:43 編輯 ]