烹飪搵食

收藏本版
發帖
返回列表
跳至頁

首頁
1

尾頁
   0
pakchunmama


大宅

積分: 1529


1#
發表於 09-6-15 00:27 |只看該作者
事情發生o係今晚，本身奶奶話不如我地一行十四人，包括11個大人，5個BB連小朋友出去食晚飯，咁我就提意不如去葵涌呢間"味x世"食日本o野。呢間日本料理之前我地已經去過三次，味道同服務都覺得ok，但今晚o既水準大不如前，不但味道差咗，就連服務態度都直插谷底！
先講味道，其實我地都叫咗好多o野，而其中o既兩客鹽燒三文魚頭，就真係未試過有一間日本料理整得咁唔好食，肉質不單至又乾又'鞋'，而且係接近冇咸味，平時去其他地方食呢味餸都會覺得有種咸香味，而且有好多魚油，亦係我地平時必食之選，但今晚真係好dry囉！跟住個牛肉鍋物，湯底超甜！好似糖水咁！好難食！最後令我地成枱人食到一肚氣o既就係叔仔個天婦羅冷麵，其實個麵唔係難食，天婦羅亦只算普通(咁當然唔及o係日本食咁好味啦)，而係個冷麵汁o既問題，叔仔話因為個汁冇味，所以佢就將同冷麵一齊上o既'x春蛋'mix埋d冷麵汁度啦！但點知mix完更加唔掂，所以就要求個待應不如再俾多份冷麵汁佢，等佢唔駛浪費咗碟麵啦！點知個肥待應就話要收番$5，咁叔仔諗住我地幫襯食咗咁多o野，問佢$5可唔可以free俾佢，佢跟住就好晦氣咁話:「我地唔係冇俾冷麵汁你喎！係你自己將隻蛋搗咗落去，咁唔係我地o既問題喎！」講完既刻走咗去。佢咁o既態度我地梗係條氣唔順啦！咁我奶奶咪叫佢叫老闆出o黎囉！點知個肥待應話:「我地老闆唔係度，淨係得負責人啫！」咁我地心諗，老闆唔出o黎唔緊要，有負責人見下都好吖！起碼可以反映下佢地有d好冇禮貌o既待應，而且亦諗住做得負責人應該唔會為咗$5得失我地！(其實我地知道老闆o係度，只係佢地唔肯叫佢出o黎)但點知個所謂o既負責人出到o黎更加唔好老'皮'，(係一個中年女人o黎，我地估佢係老闆加藤師傅個老婆)佢一出場就起晒'gong'，我地同佢好聲好氣咁再解釋一次再攞冷麵汁o既理由，亦都話我地之前都幫襯過幾次，咁我地咁多人食咁多o野可唔可以free俾我地，但佢竟然話:「我地d汁係師傅續碗整ga，係用d靚料o黎整，而且我都有底線囉！呢d o野係冇得free ga！」跟住話一講完，佢就即刻調頭走！唔止咁，佢跟住聽到我地o係度話佢地冇禮貌，佢仲好冇品咁話:「你係咪想要吖！一係我撈d豉油俾你囉！」嘩！你地話激唔激氣！簡直扯火呀！而家又話經濟唔好，生意難做！我覺得佢地好似唔休做咁，完全唔志在我地呢班客，連最基本做樣o既說話:「唔好意思，幫唔到你！」都冇！勁冇禮貌！我地全家，本來真係覺得呢間o野之前食ok先至會再o黎，點知仲要受埋d咁o既氣，如果我唔係有咗，我實抵唔住頸，幫口鬧呀！今日食咗$1600幾蚊真係唔會再有下次呀！

[ 本帖最後由 pakchunmama 於 09-6-15 00:41 編輯 ]
私人傳訊

薯仔阿ME


複式洋房

積分: 463


2#
發表於 09-6-15 14:46 |只看該作者
加藤先生呢間嘢唔係第一次俾人投訴,
佢個肥老婆好惡架, 成日好似你白食佢咁,
食壽司都限制1-3人叫8件, 4-6人叫16件......
佢地話壽司係蝕本喎, 咁你唔好賣囉, :tongue: :tongue:
食物又真係OK嘅.

所以, 我淨係星期六下午先幫趁佢地食Lunch,
因為有套餐食又無加一.:lol :lol

《常聽說世界愛沒長久，哪裡會有愛無盡頭？》
《而我卻確信愛是恆久，碰到了你已無別求。》
私人傳訊

pakchunmama


大宅

積分: 1529


3#
發表於 09-6-15 17:10 |只看該作者
o個兩條肥女人(負責人同個待應)可能見我地今次冇叫魚生船，所以覺得我地cheap同食唔起呱！但冇辦法喎！我同叔仔老婆都大肚，又有咁多小朋友同BB，但我地都有叫咗D細碟魚生啦！唔通咁仲唔滿意呀！我覺得佢地真係好唔識做生意，其實個客每次入o黎食o野都係對佢地o既支持，但佢地d咁o既服務態度真係好無視呢樣o野同好唔尊重d客！
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy