婦女醫護今日: 0|主題: 34314

收藏本版

發帖

返回列表

跳至頁

查看: 4697 | 回覆: 0

多年嘅痔瘡問題，終於決定做傳統手術，有人可以分享嗎？ [複製鏈接]

Sadsadpig

別墅

積分: 665

1^#

發表於 21-7-10 13:03 |只看該作者 |倒序瀏覽 |打印

我呢個痔瘡問題已經困擾咗我十幾年，尤其是近呢幾年越嚟越大、越嚟越脹，前年仲試過肛裂，足足五個月先完全好返

嗰陣醫生話要等肛裂好返先可以做手術，嗰陣每日去大便簡直係行刑一樣，超痛，個肛門裂開咁，另外個痔瘡又大又腫又流血，加埋肛裂，總之超級痛

嗰陣好想個肛裂可以快啲好返，等我可以做手術解決痔瘡呢個問題，嗰陣好擔心會變慢性肛裂，但西醫基本上除咗手術之外就冇嘢可以醫到肛裂，最多只係搽下藥膏，但嚴重嘅肛裂根本唔係搽下藥膏就可以好得返

於是乎我去睇中醫，日日食中藥，一星期針灸兩次，搽中藥膏，用中藥塞，大約三、四個月已經明顯冇咁痛，但都係痛，直到第五個月先至完全唔痛

當我已經唔痛嘅時候，我又唔想做手術，因為真係好怕做完手術之後去大便嗰種劇痛，真係諗起都驚，為咗逃避做手術，我肛裂好返之後都有一直keep住睇中醫，但就冇針灸冇搽中藥膏，只係飲藥，已經飲咗差唔多兩年

一直都好好，冇復發，但係兩個月前，因為自己衰，食咗好多熱氣嘢，搞到情況差咗，又痛過，我即刻叫中醫師幫我針灸，今次好好彩，大約一個月就已經唔痛

今次我已經下定決心做手術，因為唔想同一個問題會不斷重複，而家雖然唔痛，但係我個情況已經好嚴重，好腫好大嚿，其實遲早都要割

已經約咗醫生做手術，兩星期後入院，好驚，有冇過來人可以分享一下手術後嘅情況俾我知？做完手術之後，係咪去便便會痛到腳軟、標哂冷汗？