吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 同老公好大分歧, 令我有離婚念頭

夫婦情感今日: 0|主題: 42729

收藏本版

發帖

返回列表

跳至頁

查看: 26119 | 回覆: 101

同老公好大分歧, 令我有離婚念頭 [複製鏈接]

12 3 4 5...6

mikihk

複式洋房

積分: 356

1^#

發表於 21-5-29 11:54 |只看該作者 |倒序瀏覽 |打印

<長文> 3年前開始, 老公用左99公屋換左居屋 (原本同老公結婚後搬左出去住, 得番姑仔與99同住, 但後來姑仔都住到頂唔順, 寧願提早展開同居生活, 所以有段時間得99一個獨居, 老公見99已經過65, 又開始多老人病, 冇人照顧, 就提出用99公屋換居屋, 實情我覺得老公係唔想間屋比左姑仔換居屋, 因為姑仔係一個不孝女, 對所有人又孤寒, 除左自己, 比佢換左居屋, 佢會踢走自己媽媽, 跟住自己同另一伴一齊住, 最後99一係住老人院, 一係就訓街, 或者踢番比我老公照顧), 所以一齊住, 未住都知多矛盾, 99極度固執, 衛生差, 地獄廚神 (老公都唔肯食), 我都唔洗99做任何野, 平時放工買埋餸煮埋飯做清潔, 寧願辛苦d...

0 0 0

私人傳訊

mikihk

複式洋房

積分: 356

2^#

發表於 21-5-29 12:09 |只看該作者

回覆樓主:

<後續> 至少岩自己要求, 個陣都算過得去, 到我有左, 我都冇要求99幫我, 我繼續大住個肚放工去買餸煮飯做清潔, 老公一直都有幫我手清潔, 之後到我6個月請左姐姐, 姐姐幫我做哂以上嘅野, 我輕鬆左好多, 初時99唔滿意 (原本詢問過佢意見話ok), 覺得多左個外人係度, 又成日覺得姐姐做得差, 但事實姐姐做得好好, 舉個事例:99喜歡手洗衫, 有次擺左d衫係筒, 但冇通知姐姐要洗, 99以為工人會自動自覺洗, 唔洗叫都識, 現實中, 你唔出聲, 人地點知你想點？跟住佢就鬧人地啦! 後尾我老公有出聲話99, 後來我生左, 為左坐月期間唔受到滋擾, 我決定返娘家, 個個月係我最開心嘅時光, 媽媽用心照顧我同女女...

私人傳訊

mikihk

複式洋房

積分: 356

3^#

發表於 21-5-29 12:20 |只看該作者

回覆樓主:

<後續2> 雖然中間有小插曲, 媽媽成日怕女女攝親, 幫佢著好多衫, 曾經試過因奶癬同熱痱入醫院, 但我媽至少肯接受意見, 肯改, 最後女女都好番好多, 到我坐完月返自己屋企, 就係惡夢開始, 99一開始就成日抱我個女, 喊又抱, 唔喊又抱, 仲成日抱起自己房, 跟住又成日唔清潔好雙手就掂女女, 搞到有一輪要常常抱住先訓到覺, 最恐怖係佢趁我去左揼奶, 走去抱起我個女狂嘴, 最後我忍唔住爆左佢 (其實中間都有成日出聲嘈, 叫99注意下自己衛生情況, 夜晚係我睇女女, 抱住訓辛苦個個最後又係我, 玩下咪算) , 我老公聽到我投訴, 都有幫手出聲, 最後99個2星期都黑我地面, 覺得我地阻止佢唔比佢接觸女女...

私人傳訊

mikihk

複式洋房

積分: 356

4^#

發表於 21-5-29 12:30 |只看該作者

回覆樓主:

<後續3> 99雖然收檢左佢嘅行動, 但佢不斷汗涉我嘅湊女方式, 成日想將佢30幾年前個套用係我女身上, 經常開口同我講人奶冇營養, 奶粉先飽肚夠健康, 見到我女喊, 第一句就叫女女唔好嘈, 好洩, 之後開始側疑我湊得唔好, 永遠覺得唔喊嘅bb先係乖, 同我講拉下個女對腳, 鄉下嘅人教落, 拉下會令佢之後對腳長又直, 唔拉就會彎又曲, 又話餵女女飲黃蓮水, 女女生熱痱, 話我搽d藥膏唔work, 叫搽爽身粉先有效, 但最後我堅持自己個套, 令女女好番, 最後佢冇聲出, 成日唔比人開冷氣, 女女皮膚有濕疹底, 又怕熱, 開冷氣幫佢舒緩, 成日話凍親女女, 嘈左幾次, 冇理會佢, 照開, 因為種種事, 同老公反映, 似終我係外人...

私人傳訊

crazypaper

珍珠宮

積分: 40925

5^#

發表於 21-5-29 12:38 |只看該作者

相見好同住難!
無辦法改變的事
一係，繼續咁樣
一係唔一齊住
婆媳糾紛通常係由生完bb開始
死症...

私人傳訊

mikihk

複式洋房

積分: 356

6^#

發表於 21-5-29 12:42 |只看該作者

回覆樓主:

<後續4> 唔方便直接出聲, 好多時靠老公同99反映, 但好多時反映完都冇太大改善, 老公久而久之, 好似唔想煩, 有時都冇同99反映, 係我迫佢幾次先肯出聲, 跟住開始同老公愈黎愈多磨擦, 99固然係一個問題, 第2個問題牽涉到女女同姐姐, 話說我老公一直覺得請姐姐返黎個陣, 姐姐應承左夜晚可以幫手湊女女, 點解唔放手比姐姐湊埋, 要辛苦我地, 我解釋請姐姐主要係為左返工個陣照顧個女, 如果夜晚比埋姐姐睇, 朝早下午冇精神照顧有咩意外發生, 咁點算? 老公成日話姐姐自然會搵到時間休息, 咁擔心做咩, 仲成日同我講點解唔好好利用姐姐? 係我角度, 姐姐做清潔, 煮飯, 湊女好忙, 夜晚比埋姐姐, 要當她奴隸?

私人傳訊

mikihk

複式洋房

積分: 356

7^#

發表於 21-5-29 12:58 |只看該作者

回覆樓主:

<後續5> 一陣姐姐對女女唔好點算? 平時返工已經冇時間同女女互動, 就算幾辛苦, 我都唔想放棄任何可以同女女獨處時光, 但老公只會覺得夜晚嘈住佢休息, 第2日返工冇精神, 好辛苦, 但自己打ps4通宵2日又唔會辛苦? 我都冇刻意叫老公夜晚幫手, 間唔時我去坐奶, 想佢幫手抱下, 換下片, 都要發我脾氣, 話我請個工人做咩架? 自此, 我就自己睇個女, 好多時唔出聲叫佢幫, 夜晚喊都話個女騷擾佢, 同佢老母有咩分別? 有次我忍唔住同佢講不如出去租樓搬走, 佢話自己供緊間居屋, 又要交其他卡數, 保險雜費, 冇多餘錢, 跟住我同佢講我比錢, 但佢都仍然唔想搬, 但佢又解決唔到我同99之間問題...

私人傳訊

肥肥寶

伯爵府

積分: 18697

8^#

發表於 21-5-29 13:12 |只看該作者

真係死症，一齊住唯有你忍，忍唔到就唯有返娘家

私人傳訊

honeybid2

男爵府

積分: 8127

9^#

發表於 21-5-29 13:13 |只看該作者

mikihk 發表於 21-5-29 12:58
一陣姐姐對女女唔好點算? 平時返工已經冇時間同女女互動, 就算幾辛苦, 我都唔想放棄任何可以同女女獨處時 ...

你冇同你老公傾清楚先生仔既咩？佢係豬隊友，唔鍾意細路你之前唔知

婆媳關係嗰度係死症，搬出去先可以。但你老公係豬隊友就算搬出去都解決唔晒...
做單親媽媽唔係唔得，但心理金錢上都要好強大...

私人傳訊

mikihk

複式洋房

積分: 356

10^#

發表於 21-5-29 13:19 |只看該作者

回覆樓主:

<後續6> 對於姐姐問題, 一開始請工人原意係返工期間可以照顧女女, 我覺得唔應該當佢奴隸咁看待, 要洗到佢盡先叫抵用, 站我立場, 姐姐都係人, 你點對佢, 人地點對你, 相對! 一陣對佢唔好, 虐待我個女點算, 到時應該怪邊個? 講真, 我返工已經冇得對住女女, 如果夜晚比埋姐姐湊, 我咪完全冇哂同女女嘅親子獨處時光? 細個都唔痴父母, 大個有毛有翼就更加唔會痴父母, 我唔想女女認左姐姐做媽媽! 3日唔埋就嘈一次, 我返工, 訓得2個鍾, 都未出聲話辛苦, 老公都唔多洗夜晚幫手, 仲要繼續多多怪責, 明明我先係用家, 點解要干涉我, 同佢老母一樣? 如果咩都外判哂比姐姐, 不如唔好生啦! 生左就預左要負責任...

私人傳訊

mikihk

複式洋房

積分: 356

11^#

發表於 21-5-29 13:28 |只看該作者

回覆樓主:

<後續7> 生個陣預左要犧牲好多野, 我一早已經接受, 但我呢刻覺得老公仲未ready做人爸爸, 佢覺得自己已經付出好多野, 出左錢請工人, 買好bb野, 砌左bb床, 幫bb買左保險, 的確, 金錢上付出左好多, 但心態上未ready, 佢未有犧牲嘅覺悟, 99不斷嘅干涉, 又令我不厭其煩, 所以我真係身心都好疲累, 完全想放棄, 心淡, 完全覺得根本解決唔到問題