0-6個月 今日: 1 | 主題: 37473

積分: 6756

1^#

發表於 21-7-9 19:06 |只看該作者 |倒序瀏覽 |打印

你地有無試過帶初生b出街，呀b係細粒 size,經常係街行同搭車被人評頭品足係度話佢細粒，又話我唔識抱呀b,陪月係我隔離幫手抱，搭車時個師奶仲係度笑話我唔識抱露曬呀b隻腳仔出來，但其實係當日塊包巾唔夠大，呀b成日踢到走左隻腳出來，有時d呀婆又沖埋來叫我同老公蓋實呀b,其實我真係好怕，我只係生左3星期，咩都唔識，我已經盡力學習，壓力好似來自街邊的人，d人真係好煩又唔識佢，而家疫情我都唔想佢地向住呀b講野，唉，又評論我呀b細粒，唔通隻隻b都要大大隻肥都咩先叫健康咩，早左出世已經盡量俾營養佢吸收

0 0 0

私人傳訊

erikaka

積分: 2799

2^#

發表於 21-7-9 22:57 |只看該作者

ching-cat 發表於 21-7-9 19:06
你地有無試過帶初生b出街，呀b係細粒 size,經常係街行同搭車被人評頭品足係度話佢細粒，又話我唔識抱呀b,陪 ...

頭3個月無乜帶過出街，除左去健康院，去奶奶屋企到。
過左3個月，放完產後先慢慢帶出街。
初初都成日有人講話依樣個樣，都會好唔開心，後來可能返返工，有人可以傾數下，就開始無乜野，而家三姑6婆話佢瘦，都會話係呀佢係細碼b黎，我地會努力架la.

私人傳訊

uckukuku

積分: 9071

3^#

發表於 21-7-10 00:23 |只看該作者

回覆樓主：

本帖最後由 uckukuku 於 21-7-10 00:27 編輯

我又咁睇，那些人目的未必是為了批評你，可能正正係有愛心錫小朋友，先會睇到佢包唔緊可能唔舒服，目測奀瘦覺得心痛
個個新手媽媽都係邊學邊湊架啦唔駛唔開心！人地嘅經驗同評語聽下，袋住參考，但又不用太care，唔駛同陌生人交代喎，個BB係你嘅點湊你話事！指點得太勁嘅人我會笑住叫佢自己生返個湊飽佢，唔好搞人地個B

BB一路大仲有大把嘢俾人講呀，識行未呀識講嘢未呀識PPQQXXYYZZ未呀，要記住你唔駛同人交待架，BB學嘢有快有慢識又點唔識又點，鐘意咪照答當傾偈，串啲咪答每個BB都係獨特嘅唔識/未識又如何，鬥快有獎咩，影響到你咩，關你蛋治

私人傳訊

honeybid2

積分: 8127

4^#

發表於 21-7-10 01:13 |只看該作者

ching-cat 發表於 21-7-9 19:06
你地有無試過帶初生b出街，呀b係細粒 size,經常係街行同搭車被人評頭品足係度話佢細粒，又話我唔識抱呀b,陪 ...

而家先係開始，以後大把三姑六婆乜野都講，做媽媽要練成強大心臟

私人傳訊

MonieCora

積分: 3997

5^#

發表於 21-7-10 05:15 |只看該作者

唔需要理D無知婦孺既廢話，剛出世無耐要D時間去長肉，如果食得好、瞓得好，到咗2、3個月時BB自然會肥返。

私人傳訊

積分: 6756

6^#

發表於 21-7-10 09:07 |只看該作者

本帖最後由 ching-cat 於 21-7-10 09:28 編輯

erikaka 發表於 21-7-9 22:57
頭3個月無乜帶過出街，除左去健康院，去奶奶屋企到。
過左3個月，放完產後先慢慢帶出街。
初初都成日有人 ...

係呀琴日就係同陪月同呀b搭巴士去健康院同醫院，咁啱果個巴士係區內既短程車，好多師奶呀婆搭去買餸，個個見到都問個陪月呀b幾大，個陪月又同佢地勁多野嗲我都唔係咁鐘意，搞到個b好似係陪月生咁

私人傳訊

積分: 6756

7^#

發表於 21-7-10 09:20 |只看該作者

uckukuku 發表於 21-7-10 00:23
我又咁睇，那些人目的未必是為了批評你，可能正正係有愛心錫小朋友，先會睇到佢包唔緊可能唔舒服，目測奀瘦 ...

係既，有d係真心睇得出佢想呀b好，但有d真係過曬界係度踩我唔識湊b,我諗心臟唔夠強大都被佢搞到抑鬱，因為平時夜晚餵b飲奶已經唔夠訓，仲要聽佢地指指點點，講到佢地果套先係正宗咁，我而家諗返真係想串佢，如果我咩都識既就唔使俾咁多錢請個陪月返來啦。

係呀真係好怕果d人，有d呢二公婆行過個女人同個老公講個bb咁細粒，係未足月果d,其實真係唔明係人側邊講俾人聽到有咩意思

其實bb有大有細，咩size又點，健康食得訓得屙得就得啦，係呀我同你一樣覺得你地咁想湊咪自己生返個囉，有d行到好埋睇，我心諗佢千其唔好呢個時候打黑痴或者講野啊

係呀其實如果我同我老公出街我地多數唔會理果d人，但個陪月佢又係咁同d人傾，之後d人又係度呀吱呀阻咁，其實真係覺得唔使同人交代咁多，佢地又唔係同我有親

私人傳訊

積分: 6756

8^#

發表於 21-7-10 09:22 |只看該作者

本帖最後由 ching-cat 於 21-7-10 09:25 編輯

honeybid2 發表於 21-7-10 01:13
而家先係開始，以後大把三姑六婆乜野都講，做媽媽要練成強大心臟
...

係囉，好似無論去到邊，總有個三姑六婆係左近，由出門搭電梯開始就有，其實佢地係咪得閒得濟

私人傳訊

積分: 6756

9^#

發表於 21-7-10 09:24 |只看該作者

MonieCora 發表於 21-7-10 05:15
唔需要理D無知婦孺既廢話，剛出世無耐要D時間去長肉，如果食得好、瞓得好，到咗2、3個月時BB自然會肥返。
...

係囉，其實我地同呀b已經好努力，個個b吸收程度唔同，邊有得比較丫

私人傳訊

Nbs

水晶宮

積分: 64400

10^#

發表於 21-7-10 10:18 |只看該作者

ching-cat 發表於 21-7-10 09:20
係既，有d係真心睇得出佢想呀b好，但有d真係過曬界係度踩我唔識湊b,我諗心臟唔夠強大都被佢搞到抑鬱，因為 ...

本帖最後由 Nbs 於 21-7-10 10:19 編輯

你都識講唔係同你有襯，人地講乜都得，要學識唔好放喺心類。之後大把大把呢d comments (你屋企附近咁多八掛的三姑六婆嘅？！）。
陪月幫你答唔使自己答都好嘅，我最怕同唔識嘅人social, 但講太多我會stop 佢，我亦最怕講晒屋企嘢比人聽。你個陪月似乎都係三姑六婆類型。

P.s. 湊小b 係辛苦，加油

私人傳訊

積分: 6756

11^#

發表於 21-7-10 12:58 |只看該作者

Nbs 發表於 21-7-10 10:18
本帖最後由 Nbs 於 21-7-10 10:19 編輯

你都識講唔係同你有襯，人地講乜都得，要學識唔好放喺心類。之 ...

咁又係人地講咩都得，可能我呢區多老人卦

我都好怕，琴日搭巴士四面八方既人都望住呀b,個個講一句，我又唔夠訓，都唔想理佢地，我都有同感呀，可能佢本身同佢地啱channel,你話我同返後生媽咪傾就有野傾啫

而家小B成日摟抱呀，我地無覺好訓

私人傳訊

念念

積分: 2366

12^#

發表於 21-7-12 17:20 |只看該作者

回覆樓主:

除非有需要，不會帶bb出街
但我都試過有次帶bb睇醫生，俾人話我唔識抱，又話我要抱多啲，唔係陪月走左點算？
我陪月唔係24小時，陪月不在時，我都要抱要湊要餵，可能姿勢冇人咁靚，亦都抱得冇佢地咁舒服，但我係新手媽媽，我既努力，bb會知
另外，仲有好多人覺得新手就咩都唔識，係都要覺得佢個套岩
事實係現今網絡發達，又有堂上，又有醫院同健康院教，仲有大把育嬰書睇
善意提點會反省會學習會多謝
純口痕8卦的，一笑置之吧
最緊要坐好月

私人傳訊

StellaLou0608

積分: 1689

13^#

發表於 21-7-13 08:25 |只看該作者

我阿B 都係細碼全奶粉一個月變中碼又無人話阿b 細wo 因為雖然係細碼但係健康院 nb 都係甘上下嫁啦而且建議你搭的士我次次搶的士因為驚人多咁你就唔洗係巴士人多又要聽說話我都係跳一次標照搭安心好多

私人傳訊