心聲留言今日: 0|主題: 17568

收藏本版

發帖

返回列表

跳至頁

查看: 14282 | 回覆: 5

純呻 [複製鏈接]

hp_momusu

大宅

積分: 1315

1^#

發表於 21-8-16 16:14 |只看該作者 |倒序瀏覽 |打印

實在唔知可以同邊個講，唯有上黎呻下

我同我老公細佬同佢老婆關係不嬲都唔好，十幾年黎好多恩怨，由好現實嘅買樓事件，到好小事嘅去邊度食團年飯，我地都永遠傾唔掂數。因為我老公細佬同佢老婆永遠要做第一，唔認輸。所以我真係無法同佢地溝通，好幾年前開始已經盡量少見。

早兩年開始，因為我地啲小朋友開始大，開始諗送佢地去外國升學，最後我同我老公成功申請到一家去澳洲。有一方面我好開心，因為我唔再需要見到佢細佬同老婆了！

點知，今年佢細佬話佢地都想黎澳洲，不停問我老公有咩方法可以申請到成家過去。其實我地係用專才方法，而佢細佬同太太都唔係咩專才，所以點計都唔夠分。我地有建議過其他方案，又提議或者去英國5+1，相對上容易好多。但佢細佬即刻收埋對耳仔唔聽我地講野，覺得我地睇死佢去唔到。之後每當我老公問佢地搞成點，佢都唔講任何野俾我老公知。

近日聽到我奶奶講，話細佬同佢地講得左，我老公都有去問佢細佬點樣搞到，但佢又係唔應我老公。其實我好唔開心，第一係我覺得佢細佬真係好有問題，即係佢黎問我地意見就得，一句唔岩聽，到我地再問番佢搞成點就應都唔應。第二係，知道佢地如果都黎澳洲嘅話，好難避免有機會要見面，例如如果奶奶黎澳洲探我地時，又會有機會要見到面。同埋我老公雖然口講話細佬咁大個人唔使理佢，但我相信到時佢細佬黎到，佢又會心軟去幫佢。

我有同我老公講話，佢覺得係我自己攞黎唔開心。但我難得先可以唔使再見到佢地，而家又要再喺我生活中出現⋯所以真係好唔開心，唉