大囝初中,整天埋首各種電子產品. 咁我都明呢個可能係呢一代少年人的必經階段. 因此雖然我勁唔鍾意, 但都仍然容許佢每天有1.5-2.5小時的手機/電子產品時間.
無奈大囝既自由, 就令細囝陷入咗呢啲電子產品的迷惑.
大囝每朝起身厠所都未去就第一時間出廰(有wifi)開youtube睇.跟手細囝眼都未開但聽到哥哥個手機啲youtube配音就自動起床, 仲即時跟出廳挨住哥哥側邊痴youtube睇, 總之隨時緊貼跟住, 好似撞邪咁… …
我估好多家長會覺得, 以初中生來講, 一日2個多小時youtube其實好acceptable, 如果我仲要制止佢應該好多人當我係怪獸家長.
但當我睇到升小四的細囝已經被電子產品迷到神魂癲倒, 我其實真係勁嬲. 好幾次我同大囝講, 叫佢搬去婆婆屋企住, 因為唔想佢影響到弟弟. 我都覺得咁樣好似太誇張.
咁又唔得咁又唔得, 我仲可以點做?