少年成長今日: 0|主題: 16103

收藏本版

發帖

返回列表

跳至頁

查看: 15839 | 回覆: 5

開學 [複製鏈接]

csir3290

子爵府

積分: 12521

1^#

發表於 21-9-12 11:00 |只看該作者 |倒序瀏覽 |打印

今年9月1號開學家姐正式成為中學生，對佢嚟講其中一樣最大改變就係要自己搭車返學，雖然姨姨都仲會接送佢，但係唔再好似以前咁有人車佢返學。我千叮萬囑提家姐唔可以畀個書包姨姨幫佢拎，不過家姐都好聽話，佢自己都覺得書包應該係自己拎嘅。

講開接送放學今年9月1號開學日交通依舊繁忙，但係我留心到喺社交平台上面，唔再係淨係講開學日嘅交通有幾阻塞，而係多咗講家長送仔女返學嘅千奇百怪。好似有張相就影到好多家長唔放心啲仔女入咗去學校，於是就喺學校外面擒高隔住個鐵絲網望住自己啲仔女喺操場入面嘅情況。另外我相信有個應該係職業司機嘅人，佢又喺社交平台發表咗一段說話，講佢一路揸車去到啲學校區見到啲家長送返學嘅情況，其中提到有啲家長要啲仔女行多兩步都唔得，係要停正喺最方便自己嘅地方，係要停正喺學校門口，完全無視後面嘅交通阻塞，總之自己仔女方便就得，又話見到啲家長一就車就首先有個大人落車開把遮又驚個細路仔曬親，跟住就到工人落車幫手拎書包總之唔係一落車就快快趣趣而係慢慢搞，仲要攬攬錫錫一輪好似好唔捨得咁先至畀佢入學校。佢嘅結論就係怪獸小孩係由怪獸家長所養成。

其實呢啲情況我都見唔少，因為我都係其中一個會揸車車佢哋返學嘅家長，其實有陣時行多一兩步唔好阻到人有幾咁難呢！我都試過交通阻塞，要停前咗兩個街口再行返轉頭，再講書包一定要自己拎就算落雨都係自己擔遮，呢個都係對細路仔嘅一個訓練。再者其實從呢啲小處都係家長對細路仔做嘅身教，如果家長都係唔理其他人，淨係顧住自己嘅仔女完全無視規矩，咁細路仔會學到啲乜嘢呢。雖然好似係好小事，但係個細路仔日日睇住個家長咁做，對佢會有乜嘢影響呢！所以絕對同意個司機講怪獸小孩係由怪獸家長所養成。

0 0 0

私人傳訊

goodsnooky

珍珠宮

積分: 45587

2025勳章蛇年勳章

2^#

發表於 21-9-12 11:39 |只看該作者

本帖最後由 goodsnooky 於 21-9-12 11:41 編輯

絕對同意，我接細仔放學都遇見過好多唔守規矩嘅家長，落雨就亂咁停車，雖然我地住喺外國，但怪獸家長不分種族，細仔六歲半但係好tough，落雨都堅持自己着雨衣揹書包，有時泊車遠咗啲，我地會一齊行過去，所以孩子嘅成長都係視乎家長點教。