吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 舊樓收購重建一問

自由講場今日: 2326|主題: 1343421

收藏本版

發帖

返回列表

跳至頁

查看: 17663 | 回覆: 35

舊樓收購重建一問 [複製鏈接]

HL7646

子爵府

積分: 12382

1^#

發表於 21-10-24 21:50 |只看該作者 |倒序瀏覽 |打印

大家好, 想問下呢度的JM 們, 有無自己/親友有被發展商收購舊樓, 取得賠償金的經歷？
小弟最近查左市建局收舊樓的條款細則, 發現自住業主和非自住業主, 佢地所囉到的賠償金額的差別係非常之大 . 比起我地一般聽到的收購價 - 同區7年新樓的實用面積呎價會少左好多. 因為市建局係會以該單位的佔用情況黎去計賠償俾業主們。

以小弟的理解, 只有唯一一個自住物業, 而又無其他收租物業的業主, 才可以囉到同區7年的賠償金額。
其他情況, 例如業主搬左出去同仔女一齊住, 然後將舊單位出租, 又或者做雙租族的業主係囉唔足7年樓齡的賠償金額. (會被扣減至少20%)

個人覺得, 對於某些年老業主們, 佢地同仔女一齊住/做雙租族, 都只係因為間屋唔夠大, 然後先至搬出去租第2個單位, 然後用租金黎幫補佢地去租另一間屋, 佢地如果無其他物業而又俾政府收樓的話, 收到的賠償金又少左一大截, 個人覺得對佢地黎講係輸家 (因為佢地唔係有多間物業在手)。

呢個情況, 與內地拆遷收樓的賠償計法係好唔同, 內地係按居住面積的實呎 (政府會搵人去度呎), 然後去俾業主揀囉錢或回遷, 業主搬出舊居, 重建期間的過度期, 業主需要出去租樓住, 係會有租金補貼的(同區同面積計算), 只要業主未收到新樓, 舊樓業主都可以囉到租金補貼, 並且唔會理業主現時的所在地, 亦都唔會理業主本身係自住/出租去計賠償, 賠償方法比較劃一。至於新樓原區安置, 如果新單位的面積有別於舊居所, 就會按多除少補的形式的做法去俾業主揀新樓。個人認為, 為何市建局唔可以做到"樓換樓", 又或者要想盡辦法, 設定唔同的條款去賠少D 俾舊樓業主們？

因為聽過好多例子, 指一班老業主們, 佢地收到筆錢, 都唔夠錢買新樓, 結果只係能夠買返同區舊樓/外區半新樓, 指7年賠償係有誤導成份。歡迎討論, 希望呢度有JM 分享下重建的經歷

0 0 0

私人傳訊

free2020

侯爵府

積分: 24575

2^#

發表於 21-10-24 22:05 |只看該作者

想知

私人傳訊

Mrs.Chan

公爵府

積分: 26464

3^#

發表於 21-10-24 22:12 |只看該作者

回覆樓主:

收購的遊戲唔易玩

恭賀新禧，迎春接福！

私人傳訊

mike89

珍珠宮

積分: 46551

4^#

發表於 21-10-24 22:18 |只看該作者

HL7646 發表於 21-10-24 21:50
大家好, 想問下呢度的JM 們, 有無自己/親友有被發展商收購舊樓, 取得賠償金的經歷？
小弟最近查左市建局收 ...

2047後先被收購就有可能跟內地規則

內地被政府遷拆係非常令人期待既事

私人傳訊

superbaby1108

大宅

積分: 4076

5^#

發表於 21-10-24 22:32 |只看該作者

回覆樓主:

想知 x2

私人傳訊

HL7646

子爵府

積分: 12382

6^#

發表於 21-10-24 22:51 |只看該作者

mike89 發表於 21-10-24 22:18
2047後先被收購就有可能跟內地規則內地被政府遷拆係非常令人期待既事
...

希望係咁, 因為香港的收購賠償, 相比起內地, 真係少好多。同埋內地拆遷賠償徵地, 安排相對人性化, 好多玩法, 因為社區重建的目的, 係真係幫D 老人家, 改善佢地的生活環境, 但香港的重建, 基本上有唔少係搵舊業主笨。

就以土瓜灣重建為例, 如果揀市建局的樓換樓方案, 係要舊業主補新樓建成後的市值呎價與市建局的收購呎價之間的差價, 然後才可以住新樓, 而且重建業主只係能夠揀最低層, 重建期間業主係無任何的租金補貼去等新樓落成。倘若新樓建成後的時間的樓價比而家升左好多, 對舊樓業主係不利的。

我有舊同事, 佢係觀塘仁愛圍重建戶, 當時佢2008-2009年收到筆錢, 之後就立即去左將軍澳買居屋自住, 中間只係用左2-3個月睇樓, 當年市建局可以俾佢地揀回遷, 但就要小業主們俾市價買樓。當時他就唔希望父母要搬2次屋 (其中一個行動不便), 所以寧願收左舊錢, 搬外區, 在外區買樓就算, 無等原區安置。但等原區安置的人, 基本上在樓市都係輸家。(因為重建期無自住樓, 要面對樓價大幅上升的風險)

私人傳訊

邱悠月

侯爵府

積分: 22446

7^#

發表於 21-10-24 23:17 |只看該作者

回覆樓主:

拿拿聲接受係最佳嘅方法，改善居住環境，最緊要唔好諗住賺盡，咁就安居樂業

私人傳訊

bkpokk

男爵府

積分: 7996

8^#

發表於 21-10-24 23:33 |只看該作者

雙租/搬去同仔女住，都唔算自住啦

而且租出去，市建局要賠償俾租客，咁緊係會賠少d俾業主。

私人傳訊

jennynini

伯爵府

積分: 17806

好媽媽勳章

9^#

發表於 21-10-25 00:14 |只看該作者

回覆樓主:

我反而唔明，點解會覺得被收購係蝕底，市建收購已比私人發展商好好多。用邊種方法計都好，都係用高於市價既價錢收，點都有著數。

好似樓主講個二個情況咁，第一個，老人家已搬走同屋企人住，層樓出租。咁收購對老人家生活冇影響，因為已經唔係個被收購物業度住，市價400萬既樓用550萬同你收，收完大可攞畢錢去再買樓出租或者做其他投資。出租物業買唔買原區根本冇所謂，收租係睇回報。

私人傳訊

jennynini

伯爵府

積分: 17806

好媽媽勳章

10^#

發表於 21-10-25 00:15 |只看該作者

回覆樓主:

第二個case雙租，做得雙租9成係因為舊屋唔適合現況住，又冇能力換樓，先會做雙租。不論係地區問題定屋大細問題。收購都唔會影響現住緊既地方，因為係另租的，收購用高於市價來收，收左錢可以直接睇需要，買返樓收租或者直接買自住樓。

簡單d睇只係冇賺到盡，我覺得自住緊嘅補貼多啲係有理由，因為真正受最大影響，搬屋係一件煩事，加上舊樓住戶分分鐘已經住咗幾十年，真係回希望喺返原區繼續住。